Jopgo Po Asęani Elalubo Buku 2:11 - Godigo dwagi yai po buku

¹¹ Te Jop aga abagi sela augwaligo te Jop agai tigi te dwai sęgę yali po odama, tama augwaligo po bodolu sali, te deliba sisinama, te bidi sugi paibao. Tama augwa bulu taga solama, Jop sugi soali, te agade augwaligo hobede ola mayu, tama agai homu dąų waliyu emainu. Te bage augwaligo nogi e tama dao, Elifas, te Idom bagego hanu nogi Tema bidi dao, te Bildat te tǫ nogi Suha, te Sofar te bulu nogi Nama.

Jopgo Po Asęani Elalubo Buku 2:11 Referans Kwoze

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

Jopgo Po Asęani Elalubo Buku 42:11

Tama te bidi Jop aga ama, me aga abe dabe, me aga polobadu abagi dabego Jopgo beba aselama, agai beba nai tuagasalio. Augwaligo agabolo pedelali sę dabe homu kone palama, tama augwaligo aga hobedeo po olama, agai tabi tigi dąų walalio. Tama tigidali augwali deli deligo aga silva mone ge me deli dali, te golgo nigali nogode mubo ring dali, manio.

Jeremaia 49:7

Genuai Bidigo te Idom kantride po elalubao. Tigidali Bomo Elalubo Genuai Bidi, agai te tiwai po wali, “Magi yaliwe? Te Teman hanu we bidi dabego te wiegi yai homu kolesaga munu me elalubo homu meni da, agawe? Te augwaligo wiegi yai homude koneani kolesaga te hagawali da, agawe?

Bugagia Bidibo Kolesagade Po Asęai Buku 17:17

Te wiegi yai abagi dabego te da sesemane sogo wei homu yaibao. Mu tama, te ama dabego te da ama dabego te da sęgę ebo sogo tau sainu tonalubo dao.

Jopgo Po Asęani Elalubo Buku 6:14

“Bidi te genuai sęgę elalubo sogo da, augwa abagi mu dabe pąde elalubo dao, ma agai God tudiba sąwai badi, me aga God dologode me bidibadi.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

Tigidali Nai Gagalama Nigali Side 25:2

Te wego ame nani ogwa wai dabe te Simran, Joksan, Medan, Midian, Isbak me Sua, tama dao.

Dwagi Yai Gesi Po Jongo Asęani 11:19

Tama Juda we bidi hauwa augwali Jerusalemdu aselama, Marta dali Maria dali si bidibo digi asai, augwali si dali mumonani po omainogo, augwa si abe isali sogo tiwai.

Jopgo Po Asęani Elalubo Buku 19:21

“Dage eno abagi dabe, dagego ena hobede elama, tau sama. Magi baso meni. God aga nogogo mu ena elama, tama ena dolali elaluba.

Jopgo Po Asęani Elalubo Buku 16:2

“Hauwa sogo me eno deli te po naga odali. Tama ma odobo ena hagela mu dao. Dagego ena tau me sabeo. Mu meni.

Jopgo Po Asęani Elalubo Buku 6:19

Te bidi hani te hanu Tema bidi dali, Seba bulu bidi dabe, augwaligo me tiwai sę naga ebo dao. Augwaligo homugo te wę gamiade wę elalubao olama, augwa kibu kamel dabe teba sela pelama, te wę tumai homu elama, teba odasa pabo dao. Tiali goli, augwali te wę sula saibaso, noma sabo dao. Tama tibaso, augwali dwai homu ebo dao.

Tuni Bidi Dabego Po Elalubo Buku Deli 1:32

Abrahamgo si wali we me sai, aga nogi Ketura. Te Keturago ame nani ogwa dabe nogi e tiwai, Simran, me Joksan, me Medan, me Midian, me Isbak, me Sua. Joksango ogwa si elaluali, Seba me Dedan.

Tigidali Nai Gagalama Nigali Side 37:35

Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.

Tigidali Nai Gagalama Nigali Side 36:15

Te e da, te Isogo wai hani dabe augwali te tobolu bidi dabe bidali. Te Isogo gomunai ogwa te Elifasgo ogwa dabe, te augwali e dao, te tobolu bidi dabe te Teman, Omar, Sefo, Kenas,

Tigidali Nai Gagalama Nigali Side 36:11

Te Elifasgo ogwa dabe, te augwali e dao, Teman, me Omar, me Sefo, me Gatam, me Kenas.

Hibru 13:3

Dagego te ama dede augwaligo Krais wali pobaso te boi bidi dabe augwaligo augwali meba kalabus beba muani. Tama te kalabuside bidibo ama dabe dagego homugo konealuao, augwali tau sao, te duga digi te kalabuside augwali dali bidibo tiwai ebao. Tama te bidi dabe augwali tigide sęgę sabo te dagego homugo koneao. Dagego koneani, te duga me tigi elalubo dao.

Aisaia 51:19

Nago sęgę genuai mu tolama, te dego nage homu dene elama, te nago haliga wiegi yai usu ma iligowe? Te boi bidi dabego aluama, nage dolagasali. Te augwaligo nago we bidi me hauwa te bainatgo elali. Te genuai nasi nageba pedelali sogo tiali. Te eno mena sęgo nage tau selama, nago te haliga sęgę elalubo siligowe?

Bugagia Bidibo Kolesagade Po Asęai Buku 27:10

Nago naga abagi dabe, me naga we wai sibi te homu gegeda palama, tama augwali tudiba me munamuo. Tama te dwai sę mego nage gegebaso da, teda naga amago nage tau somai da homu elama, te nage digibulu pelama, agaba munu me hanalugi pelamuo. Te nage pąde bidibo bidigo te nage tau sabo usu yaibao.

Bugagia Bidibo Kolesagade Po Asęai Buku 18:24

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.

Jopgo Po Asęani Elalubo Buku 42:7

Genuai Bidigo Jop dali po ola silama, agai Elifas te hanu Teman bidibolo e tama wali, “Eno nage dali, naga abagi si dali sębę eyu, wado po e obao. Magi baso menio. Dagego eno ebo sę po dolo mu pusubeo, te eno sę bidi Jopgo pusali yali gilama.

Jopgo Po Asęani Elalubo Buku 19:19

Ena age solo mugo me ena godolo me ebeo. Tama bidi dabe eno godolo mu yali bidi dabe, augwaligo me ena tudi ola menama, ena aiyaba elaluainu ebo.

Jopgo Po Asęani Elalubo Buku 18:1

Jopgo po wala silibo si, te bidi Bildat te Suha bulu bidigo po wei ponoyu, e tama wali.

Jopgo Po Asęani Elalubo Buku 16:20

Te eno abagi dedego ena godolo isąmaiyu, ena dolobo. Tiali goli, eno Godibolo gela geninama wabo dao.

Jopgo Po Asęani Elalubo Buku 15:1

Jopgo po ola silibo si, te bidi Elifas, te Teman hanu bidigo po wei ponoyu, e tama wali.

Jopgo Po Asęani Elalubo Buku 13:4

Tiali goli, dagego ena aiyaba elalumainu, ili po hauwa mu obao. Dage te dokta bidi te gasi sai bidi mego gasi dodolabo konesiąwai dokta bidi tiwai dao.

Jopgo Po Asęani Elalubo Buku 8:1

Jopgo po ola silibo si, tama Bildat te Suha bulu tǫ bidigo agabolo e tama wali.

Tuni Bidi Dabego Po Elalubo Buku Deli 1:45

Tama Jobap isibaso, te Husam te Teman bulu tǫ bidi te king bidai dao.

Tuni Bidi Dabego Po Elalubo Buku Deli 7:22

Tama Efraim, augwa si aya, te augwalide homu dene ebo gela hauwa sogo wali, te aga ama dede asama, te aga dali homu dene eyu bidagaselama te aga homu bedegau ilibo sę yalio.

Jopgo Po Asęani Elalubo Buku 42:9

Tama Genuai Bidigo te po obaso, te bidi Elifas te hanu Tema bidi, me te Bildat te bulu Suha bidi, me Sofar te bulu Nama bidi, augwali hogodasa pelama, te Genuai Bidigo wali po wali palio. Tama Genuai Bidigo Jopgo gedu haluasa po odama, augwali dene mabeo.

Obadia 1:9

Tama dage te Teman taun bidi dabego te boi hwįbo mu konea pali, tiali goli, te dage wi dwai mu yaibao. Tama eno dage te tigidali Isogo ami hani ela silaibao,” Genuai Bidigo te po wali.

Tigidali Nai Gagalama Nigali Side 36:34

Tama nosali Jobap isibaso, tama Husamgo te aga hasegelama, tama tuni bidi pedelali. Husam te Teman pedai badu bidi dao.

Josua 15:41

Gederot, Betdagon, Nama, Makeda. Te 16 tama hani dali, te pąde elalubo dwasianu bulu dabe dali, te Juda dabego elaluali.

Jopgo Po Asęani Elalubo Buku 4:1

Elifas te Teman hanu bidi agai Jopgo wali po oda silama, agai po wei ponoyu, te po wali,

Jopgo Po Asęani Elalubo Buku 11:1

Sofar te Nama bulu bidigo odama, tama agai Jopbolo e tama wali.