Biblia Todo Logo
Bib sou entènèt

- Piblisite -




Jopgo Po Asęani Elalubo Buku 2:10 - Godigo dwagi yai po buku

10 Tiali goli, Jopgo wei ponoyu, te po wali, “Nago po te dwai kolesaga yai wego wabo ąǫ te ebao. Ma, dago dwagi yai te Godigo da dwagi yai nai dabe mabode dwagi yai homu ebo dao. Te magi baso dago Godigo dabolo te dwai sęgę mabode dwagi yai homu egobewe?” te po aga webolo hanalu wali. Mu tama, te dwai sęgęgo Jop pedelali goli, agai Godibolo dwai po me deli wabeo.

Gade chapit la Kopi




Jopgo Po Asęani Elalubo Buku 2:10
30 Referans Kwoze  

Niwai bidi me aga dali te dwai sę yanama sinayu bomo ebadi tama te bidigo dwai sę emainogo te bidi me deligo te dwai sę yao po weyu da, te bidigo te sę isiąma, te bidi aga bomo elama te dwai sę aiyaba elalubaso, te tiwai bidi aga dwagi yai homu eyu bidaibao. Magi baso meni. Agai te dwai sę usu sabo sogo aiyaba elaluama, tama Godigo aga bidabo ula mawaibao. Godigo te po polobadu wai dao, “Niwai bidi agai ena dali dwagi yai homu eyu, godolo mu ebo bidi agabolo te bidabo ula eno mawaibao,” te po wai dao.


Dagego agade konealubo po dąų olama, tama Genuai Bidigo dage tau sabo tonalubadi tama dagego wiegi yai homu pemene dali yao. Te sęgę dageba pedalobaso da, teda dage bomo elama bugagia dolaluao. Dagego tigidali sogo gedu haluasa po wao.


Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.


Tialima Jisasgo Pita dali te po wai, “Nago te kago hwą aga bulubo beba ma bulama muao. Eno Aya agai enabolo bodolu mani, te ena tigide dene saibao. Te augwaligo ena dali yabo sę nago te bodolu didigili painogo ebawe?” Jisasgo Pita dali te po wai.


Nosali Devit aga te yali sęde homu sęgę ebaso, tama aga Genuai Bidiba gedu haluasa po weyu, te tama po wai, “Ena te homu mu puna peyu, tama eno te bidi dabe nedalio. Tama eno te tiali kolesagade te eno dwai sę mu yali. Tiali goli, Genuai Bidi, eno nageba hanalu obao, eno te yali sęgę te nago sela sąyao,” wali.


Eno po te tama wali, “Eno te ena ebo kolesaga tigidali te bugagia tonalueibao,” po wali. “Tiyu, te ena wali pode sęgę sidalio. Te dwai sę ebo bidi dabe ena pąde bidibo sogo da, teda eno po deli me wagobeo,” wali.


Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.


Nago te tama tobage kolesaga eyu da, teda ena hale dwai mu elama, tama ena te we bidi dabe gedude munu ma biligobeo. Tama nage me, te gasa Israel dabego nage aiyaba elalu, tama nage mu dolaibao. Nago te kolesaga megi me elamuo. Te kingba hanaluyu bolo ebaso, te wiegi yai yaibao. Te nago ena sainu ebo homu te agai nage me paligobeo,” Tamargo te po wali.


Tama Yawe Godigo bidibolo te tiwai po wai, “Nago te naga wego po odolama, tama eno nagebolo te tugio olama habu selali nedu du te nago tualio. Nago tama tiwai yaibaso, teda eno te tǫ dolama, tama te nai dabe bugagia holomainogo me egobeo. Naga digi naga te sę dene mu sesemane sogo iduama, te tǫde nai pedalumainogo yaibao.


Tigidali sogo Genuai Bidigo aga dologode elalubo bidi dabe naga bugagia tonalubo dao. Augwali menade tǫ dabede bidibo me tagala. Agai augwali tau selama augwali bomo ilibo dao. Tiali goli nago Siria king bidibolo nage tau somainogo hanalu wali da, teda te dwai kolesaga mu dao. Tama tialima nage dali te Juda dabe dage bugagia dua me bidigobeo, menio. Tigidali sogo boi bidi dabego dage dali boi hwįagasiyu yaibao,” wali.


Tama a naga wegi mani homu kolesaga meni yai, tama me a naga wegigo wiegi yai homu kolesaga elaluai.


Sesemane sogo augwaligo te dwai sę yabo po naga weyu ebo dao. Te augwa hagoma ebo kolesagade te augwa dolomainu sula tagalao. Augwaligo te nago nogide po dwai weyu, tama sesemane sogo tibo po wabo dao.


Nago te eno ayago hani we bidi tigidali eligi da. Tiali goli nago olo tau sabo wiegi yai homu ebo kolesaga enaba eyu, tama nago ena te nago bede sesemane sogo nai tuagasomainu ilali. Tama tibaso, te eno nageba te gasa nai me ma enaba mao olama, me hanalugobeo,” Mefibosetgo te po wali.


Tiali goli, Devitgo te Abisaide, te aga ama Joap dali siba te tama po wai, “Te dage sigo sę menio,” wali. “Dage si te Seruiago ogwa si da, magi baso megi dage sigo enaba boi bidi yabo homu ebawe? Megi eno koneani, ena te tigidali Israelgo king bidibao, tama te tobage sogo, dago te Israel bidi deli me ela mugobeo. Mu menio!”


Te umuna sai kolesaga te we me deligo po dągą subigila ola bilibo tiwai ebao. Agai homu kolesaga te wiegi yai me elalusiąyu, tama te wiegi yai kolesaga me konebeo.


Te duga umuna sai kolesaga ebo tagalama, tama aselama, te bidabo ula sagasiąo. Dagego te wiegi yai homu kolesagago sunumi wali piąo,” augwaligo te po wabo dao.


Magi baso meni. Aga nago obo tomode bidiyu, tama nago aga bugagia tonaluyu, aga wai puluba dabe, me aga nai dabe bugagia tonalubo dao. Me nago tigidali sogo aga dali dwagi yai sę ilibo dao. Tama nago aga bulmakau kibu hauwa mu usu elama mani, augwali tedela pelama, te bidibo bulu usu numainogo tiali.


Tama tibaso, Samuelgo agabolo te Genuai Bidigo wali po tigidali wali, tama agai po deli te me dualubeo. Mu menio. Eligo odama, tama agai te po wali, “Aga digi te Genuai Bidi dao. Te agai mena sę yainu ebaso da, teda agai te sę ebo dao,” wali.


Tama aga we aselama, te bidi sulama, te po wali, “Magi baso nago God wali me pidubawe? Nago God tagalama, tama agabolo dwai po wao, agai nage isilimainogo tiao,” wali.


Tiali goli, eno da po me wagobeo. Eno pedauwali pania saibao. Magi baso meni, nago digi te dene mabo sę enaba yali.


Te nago bidibo ulade sę dabe te bugagia dolalubaso da, teda nage wiegi yai homu pemene yao. Te dwai sogo nageba pedalubaso da, teda nago te tama homu yao, Godigo te wiegi yai sogo dabolo tagala palu, te dwai sogo me dabolo asomainu tagala palaibao. Tibaso, magi sę nosali daba pedelabo, te dago konebe dao.


Nago ena me dolamuo dao. Nago ena dene mu menama, tama pąde ena isainu ebao.


Te Genuai Bidigo usu da hasia wasiąyu da, teda bidigo magi sę pedalumainu ebo usugobeo.


Swiv nou:

Piblisite


Piblisite