Jopgo Po Asęani Elalubo Buku 19:9 - Godigo dwagi yai po buku

⁹ Agai eno dwagi yai nogi dolaligo da, tama megi da, we bidi dabego ena dwai bidi da homu ebao.

Jopgo Po Asęani Elalubo Buku 19:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 89:44

Nago aga elaluama, tama aga te king ma bidibeo, tama agai te we bidi munu ma tonalubeo. Tialima, agai genuai nogi dali, bomo dali si silalio.

Te We Bidi Dabego Jerusalem Hagede Gela Wali 5:16

Dago genuai nogi polo tulalualio, te dago gawe yali nai dabe dolai dao. Da hobede mu yao. Magi baso meni, dago yali dwai sęde sali sęgę dwai yalio.

Godigo Nogi Ugwaba Sabo Tęąbi Po Wabo Buku Dabe 89:39

Nago te naga sę bidi dali dąų walali te kontrak po togwali. Nago agai te kingo tobolude mubo madi te tǫba sąnama, tama meda yali.

Hosea 9:11

Te Israelgo bomo te ba bola pabo tiwai elama, augwaligo bomo hagawaibao, tama silaibao. Tama te we dabe sibigo te haliga me isąma, te wai me ame nogobeo,” wali.

Aisaia 61:6

Tiali goli, duga digi dage te Genuai Bidigo pris bidiyu, te augwaligo dage nogi weyu, te dena Godigo sę bidi da waibao. Te duga nai hauwa elaluaibao, te gasa tǫ kantri bidi dabego sela asai. Te augwaligo wiegi yai nai hauwa dageba mobaso, te dage wiegi yai homu mu pemene yaibao.

Jopgo Po Asęani Elalubo Buku 30:1

Te bidi Jop agai po ma wadoliyu, e tama wali, “Megi da, te nai meni yai bidigo wai dabe aselama, ena posobo po weyu, gisugu mayu ebao. Augwa aya dabe te olo nai tiwai, te we bidi gedude nai mu meni yai bidai. Tama augwaligo dwagi yai sę me yabo usu yai meni. Tama eno te tama tiwai bidi dabe pelama, te eno yowi dabe tau selama, eno sipsip kibu dabe me tonalugi pa po wagobeo. Magi baso meni, augwaligo te sę ebo usugobeo.

Jopgo Po Asęani Elalubo Buku 12:17

Godigo te tuni bidi kingba mobo mabo dabego homu kolesaga dolama, tagalobo dao. Tama augwali habu olo pabo dao. Tama agai te po tų odobo bidi dabego homu kolesaga dolobo dao.

Jopgo Po Asęani Elalubo Buku 12:19

Agai te po ola mabo pris bidi dabe kolesaga punulama, tama augwa ugwa olo bilibo tiwai ebo dao. Tama agai augwaligo genuai nogi aiyaba elalubo dao.

Jopgo Po Asęani Elalubo Buku 16:15

Polobadu da, ena genuai nogi elaluai dao. Tiali goli, megi da, ena nai meniama, dolama mu bidiba. Tama ena hale mu ebao. Tama au dodobage sela sąnama, hobede ebo ugwa gudama bidibao.

Bugagia Bidibo Kolesagade Po Asęai Buku 27:24

magi baso meni, te nago mone te sesemane me elalugobeo, tama te kingo hani me te sesemane sesabi elama, me bidigobeo.

Godigo Nogi Ugwaba Sabo Tęąbi Po Wabo Buku Dabe 89:40

Nago agai taun bagulali obo dabe togolama, tama agai te ami bidi dabego bomai be dabe te dolalio.