Jopgo Po Asęani Elalubo Buku 19:8 - Godigo dwagi yai po buku

⁸ Agai eno sunumi paliali, tama ena pabo usu egobeo. Tama agai te sunumi hulia selama, tama eno te sunumi suabo ąǫ ebeo.

Jopgo Po Asęani Elalubo Buku 19:8 Referans Kwoze

Jopgo Po Asęani Elalubo Buku 3:23

Godigo te tobage bidi dabego sunumi me sina sabo dao, te augwali te obo tomode elalubo tiwai eyu, tama te bidi dabe augwali pabo sunumi meni ebo dao. Augwaligo magi sę mu yaibawe? Tama magi baso Godigo augwali bidimainogo ebowe?”

Te We Bidi Dabego Jerusalem Hagede Gela Wali 3:7

Agai ena polo kalabus ilali, tama ena wi pabo usu egobeo. Te agai eno nogo sągą te sęgę yai sen bonogo kęai tiwai elama, tama ena bilabo usu menio.

Te We Bidi Dabego Jerusalem Hagede Gela Wali 3:9

Te tigidali badu ena painu yali madi, agai polo palia sesa bilalio. Te genuai masigi sunumide paliai tiwai ąǫ yalio, te ena pabo sunumide.

Godigo Nogi Ugwaba Sabo Tęąbi Po Wabo Buku Dabe 88:8

Nago te ena abagi dabego ena tudi ola momainu ilali. Nago ena te dwai mu pedalumainu elama, tama augwaligo enade wi mu yai. Tego ena kalabus ilama, tama eno pedelabo usu meni yai dao.

Hosea 2:6

Tama te homu ebaso, te eno ni sesane dabe selama, te we bidibo pesage bagulama elalueibao. Te eno aga soabo sunumide obogo togwa palama, tama aga te bidi dabeba ma pobaso, te usu me egobeo.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Jeremaia 23:12

Tama tibaso, te eno augwaligo sunumi te mu kikila palama, te hulia sabogo augwali mesegalueibao. Te eno augwali bomonama pogwa palama, te augwali tula mueibao. Ena Genuai Bidi, eno te augwali dolabo sogo bodolu muai elalubao, tama te sogo eno dwai dene augwaliba mawaibao,” wali.

Jeremaia 13:16

Dagego Godiba genuai nogi mao, duga Genuai Bidi dao. Tiyu, agai dagego bulu be huli elama, te duga bulu duba bilibo sogo, te dage tula muna muna paibao. Te giliga dageba nanomainao homu godolo ebadi, tialima, Genuai Bidigo te be posali ula hasegelama, te dwai be hulia sai pedelaibao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Jopgo Po Asęani Elalubo Buku 30:26

Eno homugo tiali ena bugagia naga tigidali sogo bidaibao homu yai dao. Tiali goli, dwai sogo mugo ena gegali. Eno homugo ena ulade bidaiba homu yali, tiali goli hulia sabogo aselama, ena mesega sagasalio.

Josua 24:7

Tiali goli, te aya dabe augwali wi elama, tama eno te Israel dabe tigidali augwali tau somainogo te i bomonama mu wali, tama eno te be hulia sabo tiwai te augwalide te Isip ami dabe dali si tomode muani. Tama eno te tamu ąį peda pomainogo ilama, tama te Isip dabe mesega sali. Dagego eno te Isip dabede yali sę te dagego suai dao. Tama nosali dage te kemi tǫ bulude sesabi elama, hauwa sogo mu bidali.’”

Jopgo Po Asęani Elalubo Buku 23:17

Hasia ena tama bidai meni. Meni. Godigo tama te be huliasa tiwaigo ena mesega sagasali. Tiali goli, ena te hulide wi meni, ena te God dali naga wi ebao,” Jopgo te po wai.

Te We Bidi Dabego Jerusalem Hagede Gela Wali 3:5

Agai enabolo haniani sęgę mayu, dene mayu elama, tama te nai dabego ena bagua selama, kalabus ilalio.

Aisaia 59:9

Tialima, te we bidi dabego te tama po wali, “Genuai Bidi, nago naga doloba pai kolesaga ola mayu, te tau selama da ma sabeo. Megi da, te kolesaga page dago koneani. Da te be hulia saide bidibo we bidi tiwai elalu, tama dago homugo te wiegi yai sogo daba pedelama, te giliga bomonama nanobo tiwai elama, te be hulia sai silimainu homu godolo mu yali. Tiali goli, menio. Da te genuai be hulia saide bilibo tiwai eyu, te da haniani sęgęgo gegebo dao.

Hosea 2:8

“Agai te tiwai kone sabo homu isąwai, eno digi eno aga tigidali nai mawai, wain me wel mani, tama te hauwa silva me gol mawai. Tama agai te silva me gol te naigo te tibo god Balba lotu wabo sę yai.