Jopgo Po Asęani Elalubo Buku 19:6 - Godigo dwagi yai po buku

⁶ “Tiali goli, dolo koneao, eno dwai sę me ebe. E sę dabe yali God aga homugo digi yalio, tama te dolo menio. Agai ena aga sųgų sabo naide tola salio.

Jopgo Po Asęani Elalubo Buku 19:6 Referans Kwoze

Hosea 7:12

Tama augwali te bola pabo sogo, teda eno ba sabo wa te ugwaba sąwaibao, augwali tola somainu yaibao. Te augwaligo dwai sę emainu deliba sisinibo si, te eno augwaliba te augwa yali kolesagade dene ilaibao,” wali, “te augwaliba eno polobadu wali po gilama tiwai yaibao,” wai.

Esekiel 32:3

Tama tialima, ena God Genuai Bidi eno e tama po e obao, te eno we bidi hani hauwa mu odasa asaibao. Tama eno tola sabo wa nageba sąnama, tama nage tola saibao, tama augwaligo nage wę kemi saneba ugwaba kegasa asaibao.

Esekiel 12:13

“Tiali goli, eno ba bono gaga kekelama, tama king tego tola saibao. Tialima, eno aga te Babilon taunba sela paibao, tiali goli agai e bulu gesabidi me sugobeo. Aga te Babilonde bididubadi aga isibo sogoba usu naibao.

Jopgo Po Asęani Elalubo Buku 27:2

“God Tigidali Bomo Elalubo Bidigo enade dolo yai sę isąma yai digi, megi da, ena dolama mu bidibao. Agai odisąma, eno po tų bugagia sulama dodolobeo. Tama tibaso, ena haliga tigi sębę agai te kolesaga ebode ebao.

Jopgo Po Asęani Elalubo Buku 7:20

Eno homugo eno dwai sę ebogo nage mu dolobo, tama nago homugo enabolo sęgę maiabo homu ebawe? Ena te nago enego enebo tą tigi tiwai pedalali, tama nago ene enaba enebo dao. Nago da tonalubo da, te enesigi bidi dabego kalabus bidi tonalubo ąǫ ebo dao. Ma, eno nagebolo genuai sęge maniwe?

Dwagi Yai Gesi Po Lukgo Asęani 21:20

Te Jisasgo te po me wai, “Te nosali dagego te ami bidi dabego Jerusalem be nani bagulibo maga dagego subaso, teda te Jerusalem hanu dolabo sogo pąba yagasali, te dagego koneaibao.

Jopgo Po Asęani Elalubo Buku 3:23

Godigo te tobage bidi dabego sunumi me sina sabo dao, te augwali te obo tomode elalubo tiwai eyu, tama te bidi dabe augwali pabo sunumi meni ebo dao. Augwaligo magi sę mu yaibawe? Tama magi baso Godigo augwali bidimainogo ebowe?”

Jopgo Po Asęani Elalubo Buku 6:29

Dagego te tobage po dali, kolesaga dali si tagama, tama doloba pai kolesaga elama, eno kolesaga osayama. Dagego ena aiyaba elalugi, eno magi dwai sę me ebe.

Jopgo Po Asęani Elalubo Buku 10:3

“Mena tama tiali? Nago homugo naga digi nigai bidi dolobo usu dawe? Te dwagi yai kolesaga dawe? Ma, te kolesaga nago bidi dwai dabe homu dwagi yai ilibo, te dwagi yai kolesaga dawe?

Jopgo Po Asęani Elalubo Buku 19:22

Magi baso dagego ena dolobao, Godigo ena dolobo yali gilama? Dagego ena dwai bidibo sulama goli, magi baso ena aiyaba elaluainu po hauwa mu haniani po obawe?” wali.

Jopgo Po Asęani Elalubo Buku 30:21

Nago ena hobede dwasianu eyu, me olo tau sabo sę me ebeo. Menio. Nago ena te nago tigidali bomogo dolaiba homu naga ebo dao.

Jopgo Po Asęani Elalubo Buku 40:8

Nago po bomonama, e tama wali, nago tigidali kolesaga dolo dao, po wali. Tiali goli, nago ena magi baso po tų ela maniwe? Tama nago magi baso eno doloba pai kolesaga ebeo po waliwe?

Jopgo Po Asęani Elalubo Buku 8:3

Godigo tigidali bomo elalubo, te doloba pai kolesaga hasegelama, tama da kegebo meni. Mu menima. Tigidali sogo agai kolesaga doloba pai naga dao.