Jopgo Po Asęani Elalubo Buku 19:5 - Godigo dwagi yai po buku

⁵ Dagego homugo dage dwagi yai bidi dabe dao olama, ena dwai sę ebo bidi dao homu ebawe? Dagego homugo e dwai sę eno tigide yaibaso, eno dwai sę yali dao olama, dagego ena po tų ela mayu ebo.”

Jopgo Po Asęani Elalubo Buku 19:5 Referans Kwoze

Godigo Nogi Ugwaba Sabo Tęąbi Po Wabo Buku Dabe 55:12

Te boi bidi me deligo po dwai enabolo wagi sogo da, tagalao, eno te agai wabo pogo sęgę bugagia toligi da. Ma, ena wei isiąwai bidigo enaba kęnę po wagi sogo da, teda ena agade geme duala sabo usugi da.

Godigo Nogi Ugwaba Sabo Tęąbi Po Wabo Buku Dabe 38:16

Eno te tama gedu haluasa po wali, “Nago te boi bidi dabego ena aiyaba elaluama, tede kęnę omainu me elamuo,” wali. “Te ena dwasianu tula mubo sogo, nago te augwali hagoma eyu, wiegi yai homu pemene emainu me igio,” wali.

Godigo Nogi Ugwaba Sabo Tęąbi Po Wabo Buku Dabe 35:26

Augwaligo te enaba pedelali sęgęde wiegi yai homu pemene yali. Tama tiyu, nago augwali dwai hale emainu elama, tama augwaligo homu kone mu tuą pomainao. Augwa digi augwa nogi ugwaba siyu, te ena aiyaba elaluainu yali, tama tiyu, nago augwali te hale dwai mu emainu elama, tama augwaligo nogi te aiyaba elaluao.

Dwagi Yai Gesi Po Jongo Asęani 9:34

Augwaligo te gedu widai bidibolo te po wai, “Nage ame neyu, nage dwai sę dali bidai. Nage dwai sęgęde bidai bidi mu da, nage. Tama tiali goli, magi baso nago da ola mawainogo ebawe?” augwaligo te po wai. Te po olama, augwaligo te polobadu gedu widai bidi te augwaligo bomo yai po ola mabo be tomoba asidali weyu, habu selali.

Dwagi Yai Gesi Po Jongo Asęani 9:2

Jisas aga wali pabo bidi augwaligo aga hanalu wai, “Po ola mabo bidi, te bidi dego sęgę selama, aga idago gedu widai ame naniwe? Te bidi aga digi sęgę saliwe, ma aga aya de ida sigo sęgę saliwe?” te po wai.

Dwagi Yai Gesi Po Lukgo Asęani 1:25

Elisabet agai te po wai, “Te Genuai Bidigo ena olo dali tau selama, isabo magade eno wai saibao. Tama tialigo we bidi gesabidide ena hale yai goli, megi agai te hale sela sąwai dao,” Elisabet agai te po wali.

Sekaraia 12:7

“Ena Genuai Bidigo te eno bomo mobaso, te Juda ami bidi dabego bomo bolo ugwa mu igulama, te augwa boi bidi aiyaba ilaibao, tama augwaligo genuai nogi saibao. Tama tibaso, te Devitde bulali wąį nǫų hani dabe me te Jerusalem we bidi dabego badi te gasa Juda we bidi tigidaligo genuai nogi aiyaba me elaluamo dao, te tiwai si naga elalueibao.

Sefanaia 2:10

Te tama tiwai sę te Godigo te Moap dabe me Amon dabe dali me dene mawaibao. Magi baso meni. Augwaligo hamaga elama, tobolu gagea peyu ebo dao. Tama augwaligo Genuai Bidi Tigidali Bomo Elalubo Bidigo we bidi dabe dali dwai po wabo dao.

Maika 7:8

Te dago boi bidi dabego te dabolo posobo po omainu me ilamuo. Mu tama, da tulaluali, tiali goli, te da ma hodaluaibao. Da be hulia side megi bidibao, tiali goli te Genuai Bidigo ula dabolo mawaibao.

Aisaia 4:1

Tama te sogo te nogo a naga olama, me badu nogo si we dabego bidi me deli tola selama, te waibao, “Da dena digi nai me ugwa dabe da dena digi sela tuyu yaibao. Tiali goli, dago bidi mu menio. Tama da hale mu ebo. Tama tibaso, te hale silimainu eyu, nage dago bidi bidibo ąǫ yaibao,” te po waibao.

Godigo Nogi Ugwaba Sabo Tęąbi Po Wabo Buku Dabe 41:11

Te boi bidi dabego ena dolisąbaso da, teda eno koneyu, te nago ena godolo eba homu yaibao.

Nehemia 1:3

Tialima, augwaligo po wei ponoyu, te po wai, “Menio,” wali. “Te hani we bidide genuai sęgę elalubao,” wali. “Tama te Godigo bomai po wali pisąbo hani dabe, te Israel hani isąwai bage, te augwali pąde bidiyu, te augwali dolobo sę ebao. Tama te Jerusalem bagulali moni masigi obo dolali me tama elalubao. Tama te sunumi obo te siago polobadu ulali, te dabe augwali me te tiwai naga elalubao, tama te Jerusalemde bidibo bagego te nigabo homu me ebeo,” wali.

1 Samuel 1:6

Tama Peninago homugo te Genuai Bidigo te Hana haliga paliali homu yali, tama agai te Hanabolo te posobo po me hale ebo po te Hanabolo wali, te Hana haliga sęgę ilibo sę yai.

Jopgo Po Asęani Elalubo Buku 19:4

Tiali goli, mu tama, Godigo gedude eno dwai sę me yaibaso da, te da ena sę naga dao, te dagego sę meni.

Godigo Nogi Ugwaba Sabo Tęąbi Po Wabo Buku Dabe 55:13

Tiali goli, menio. Te nage naga dao. Nage te eno polalubo abagi da, tama nage te eno hai namu mu da. Nago digi te dwai po wabo kolesaga ebo dao.