Jopgo Po Asęani Elalubo Buku 19:23 - Godigo dwagi yai po buku

²³ “Hobede mu da. Eno homugo bidi mego eno po buku me delide asęa po wagi da, eno po hagaidali weyu, me elalumai igi dao.

Jopgo Po Asęani Elalubo Buku 19:23 Referans Kwoze

Aisaia 30:8

Genuai Bidigo enabolo te we bidigo ebo kolesaga po te bukude asęao wali, me te po me te masigi togalama, asęao wali. Te da te po te tigidali sogo mu elaluama, tama te we bidigo sulama, tama augwali te po sela sąbo we bidi yabo omainu.

Aisaia 8:1

Genuai Bidigo enabolo walali, “Te po tede asęabo genuai nai me sao, tama ugwadu nago te po asęao, ‘Polo wi sa, polo sela pa.’ Nago bugagia asęao, tama te bidi dabego bugagia nedebo usu yaibao.

Jopgo Po Asęani Elalubo Buku 31:35

“Hobede ya, bidi me deli bidibaso, eno po waboba olo sagana munama, odigi sogo da, te usu igi dao. Eno e tama po wali, ‘Eno magi sę me elama, te po dąį ilama, te po bomo elama obao. Tama megi da, God Tigidali Bomo Elalubo Bidigo eno tigidali po wei ponomai yaiba. Te aga eno te po tų ebo odabo bidi da weyu, agai eno yali dwai sę kisilibo po pepade asęmainao.

Jopgo Po Asęani Elalubo Buku 19:24

Eno homugo augwaligo eno po masigi togolama, asęlama, tede elalumai igi dao. Tama te po tigidali sogo tede elalumainu.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.