Jopgo Po Asęani Elalubo Buku 18:8 - Godigo dwagi yai po buku

⁸ Augwali te bulu hasa te kęde tubo tiwai dao. Augwali te bidigo te bulu hasa sainu tǫ dogai digi, te hasa tulalubo tiwai dao.

Jopgo Po Asęani Elalubo Buku 18:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 9:15

Te Genuai Bidigo po odisąbo Israel hani isąwai bagego te tǫ dedage diginama, te da kalabus emainu yali. Tiali goli, augwa digi teba tulaluai. Augwaligo te da tola somainu yabo bono gągą geme muani, tiali goli, te bono gągągo augwa digi ma tola sai.

Jopgo Po Asęani Elalubo Buku 22:10

Nago te kolesaga dabe yai dao. Tama tiyu, megi da, nage tola selama, nage dolabo nai dabego nage bobegela selama, dolabo nai polo aselama, tama nage wi ilibao.

Godigo Nogi Ugwaba Sabo Tęąbi Po Wabo Buku Dabe 35:8

Tiali goli, te augwaligo konesiąwai sogo, te augwaligo ena dolomainu te muani bono gągągo, nago te augwa digi polo dolomainu ilao. Tama augwa digi augwa te nigali dedageba tolalumainu yao.

Polgo Si Wali Pas Timotiba Asęani - 2TI 2:26

Polobadu te Satango agai hagani togobo wago augwali sali, te augwaligo agai po wali pomainu yali. Tiali goli augwaligo te mu po koneyu da, teda augwaligo homu hania ma ula eyu, tama augwaligo te Satango hagani togobo wa wi pabo usu yaibao.

2 Timoti 6:9

Tiali goli te doado bage hauwa saio homu ebo bidi dabe augwali te buside bidibo uni kibu dabego te nai tugi painogo te denami odobo tiwai ebo dao. Tiali goli te kibu aga te dedagede tulaluyu isabo homu me konegobeo. Te moneba homu konebo bidi dabego homu te tiwai ebo dao. Te augwa homu te moneba dąų olama, tama augwaligo te haniani dwai kolesaga wali peyu, tama te homu kolesaga meni yai bidi tiwai bilibadi, te augwa digi dene mabo kolesagago augwali dąų wabo dao. Tama tiyu augwa digi dolama, tama augwali dwai mu hobedagia bidaibao.

2 Timoti 3:7

Te bidigo wiegi yai nogi te Godigo po odisąwani bidi dabe augwali tomode elalubo bidi, te aga naga te tonalubo bidi sę ebo usu yaibao. Te aga nogi wiegi yai me elalusiąwani da, teda aga dwai sę eyu, tama aga hale elama, tama te Satango hagani togobo wago te aga saibao.

Esekiel 32:3

Tama tialima, ena God Genuai Bidi eno e tama po e obao, te eno we bidi hani hauwa mu odasa asaibao. Tama eno tola sabo wa nageba sąnama, tama nage tola saibao, tama augwaligo nage wę kemi saneba ugwaba kegasa asaibao.

Bugagia Bidibo Kolesagade Po Asęai Buku 29:6

Te dwai kolesaga ebo bidi da, te aga tola somainu te aga digi te wa me deli mubo tiwai ebao. Tiali goli, te doloba pai kolesaga ebo bidi dabe, augwa te wiegi yai pemene elama, tama te balia po dabe wabo dao.

Bugagia Bidibo Kolesagade Po Asęai Buku 5:22

Te dwai bidi aga sęgęgo digi te aga te wago kalabus elama, te bonogo kęąlubo tiwai ebao.

Esta 7:10

Tama agai te Mordekai walainogo tulali posde augwaligo te Haman aga ma tede walali. Augwaligo te tiwai tama ela silama, tama king bidigo haliga sębę yali silai dao.

Esta 7:5

King Serksisgo te po odama, kwin Estabolo te tiwai po hanalu wali, “Niwai dwai bidigo te tiwai sę wi isiąyu yaliwe? Te bidi mena bidibowe?”

Esta 6:13

Tama agai aga webolo, me te aga abagi dede dabe dalibolo te agaba pedelali sę po tigidali wali. Tialima, we Seres dali, te abagi dede augwali daligo te kolesaga hauwa koneai elaluai, augwaligo te tiwai po agabolo wali, “Megi da, nago bomo me nogi elaluali te hagayu, tama Mordekaigo nage aiyaba elalualio. Aga te Juda bidi da, tama nago aga sunumi paniabo usu meni yaibao. Te nage doloyu naga yaibao.” Te po wai dao.

Esta 3:9

Tialima, tuni bidio, te nago homugo te tigidali we bidiba po tagala palama, tama te we bidi augwali ela muabo po wao. Te nago tama tibaso da, teda megi eno mu po nagebolo obao, te eno mone silva umabo hauwa mu, te 50 milion kina te nago mone mubo beba muaibao. Te nago gavman sę te monego yagameo,” Hamango te po wai.

Jopgo Po Asęani Elalubo Buku 5:5

Te we bidi nai menia siyu ebode, ma dogoni aloa siyu ebaso da, teda augwali te dwai bidi dabego giba dabe nai sagasiyu yaibao. Tagalogobeo, te dwai sesani bono tomode elalubo nai me, augwaligo te nai me siyu naga yaiba. Tama augwaligo moni doado bage sabo sunumi gegaibao, te bidi hanigo.

Jopgo Po Asęani Elalubo Buku 18:9

Augwali te hasa dabe bade tola sabo tiwai dao. Awe, augwali te kęde mu dąų walaibao.

Jopgo Po Asęani Elalubo Buku 19:6

“Tiali goli, dolo koneao, eno dwai sę me ebe. E sę dabe yali God aga homugo digi yalio, tama te dolo menio. Agai ena aga sųgų sabo naide tola salio.

Aisaia 24:17

Te tǫde we bidi, dage hobede mu dao. Te dwai sogo me, tǫ dedage me, sųgų sabo wa tamago dage tonalubao, dage tola sainu.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.