Jopgo Po Asęani Elalubo Buku 18:3 - Godigo dwagi yai po buku

³ Magi baso nago da kau kibu yaligia kolesaga meni yai dao homu ebawe?

Jopgo Po Asęani Elalubo Buku 18:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 73:22

Tama eno homu te pania selama, tama eno nago kolesaga me konesiąwai. Eno te nago gedude kolesaga yali, te uni hasago homu kolesaga umuna pabo tiwai ilali.

Jopgo Po Asęani Elalubo Buku 17:10

“Abagi dede, megi da, dage hodaluama, po ma wao. Tiali goli, eno dagego po odobo sogo da, teda eno homugo e tama tiaibao. Dage me deli dwagi yai kolesaga dali, homu kolesaga meni yai te yaba waibao.

Jopgo Po Asęani Elalubo Buku 17:4

Eno e abagi dedego ena tau sogobeo. Magi baso meni. Nago augwaligo homu kolesaga paliama, tama augwali megi kuna konebo meni. Tama augwaligo ena aiyaba elaluabo homu naga ebo. Tama tiyu yaide, nago augwaligo ena aiyaba elalumainu sula tagalamo. Menio.

Polgo Po Pas Rom Dabeba Asęani 12:10

Dage da, te deli hani bage dao. Tama tibaso, te deli hani we bidi dabego yabo kolesaga bomo eyu, tama duga hasi duga ama dede abe dede augwali dali dwagi yai homu eyu godolo mu yao. Dage tigidali deli deligo duga nogi aiyaba elaluyu, te gasa bage augwali nogi naga ugwaba sao.

Kolesaga Koneai Bidigo Pusali Po Elalubo Buku 3:18

Tama me eno te tama homu yali, te da bidi dabe da, Godigo da usu siyu, dabolo te tiwai ola mobao, da bidi dabe te kibu hasa dabe tobage tiwai si naga elalubao.

Bomai Po 25:3

Tiali goli, agai dwai sę mu yai baso da, te dąį me elalubo, augwaligo aga te bidi sese si olama tama naga elemainao. Tiyu, augwaligo te 40 edelama, aga hauwa sogo mu elebaso, aga hale mu yabuo, te we bidi hauwa gedude. Te dolo menio,” wali.

Jopgo Po Asęani Elalubo Buku 18:2

“Jop, nisu nago pedauwali pania saibawe? Nago naga po bolo hasia bugagia kone palao, tama dago nage dali po waibao.

Jopgo Po Asęani Elalubo Buku 18:4

Naga sębęgo naga ma me te dolobao. Jop, mena tama tialiwe? Nago homugo Godigo homu kolesaga hasegelama, nago homu kolesaga wali asomaina olama ebawe? Agai sęgę mabo da dwai kolesaga ebo wei ponoyu, tama tibo dao. Tama agai te kolesaga hasegelegobeo. Agai tigidali nai dabe nigilama, augwa pesagede muai dao. Tama agai augwali sela sągobeo. Agai te masigi sela sąnama, tǫ olo tagalogobeo. Mu tama, mu menio.