Jopgo Po Asęani Elalubo Buku 18:2 - Godigo dwagi yai po buku

² “Jop, nisu nago pedauwali pania saibawe? Nago naga po bolo hasia bugagia kone palao, tama dago nage dali po waibao.

Jopgo Po Asęani Elalubo Buku 18:2 Referans Kwoze

Jems 1:19

Eno dwagi yai ama dedeo, dagego e po pagede bugagia kone palama, koneao. Dagego te po odabo homu sisi elama, wabo po odao. Te dagego polo asesa te po weyu, tama dagego polo wado po wabo homu olamu dao. Dua yao, sębę polo egimio.

Bugagia Bidibo Kolesagade Po Asęai Buku 18:13

Te hasia bolo bugagia olo munama, tama nosali nago te po wei ponao. Nago tiwai isiąyu da, teda nago te dobo kolesaga eyu, tama nage hale saibao.

Jopgo Po Asęani Elalubo Buku 33:1

Tama Elihu agai po genina ma weyu, e tama wali. “Megi da, Jop, megi da eno nage dali po waibao. Tama eno homugo nago eno po dabe waboba olo saganama odaluao.

Jopgo Po Asęani Elalubo Buku 21:2

“Eno homugo dagego olo bugagia eno po waboba munama, odao. Tama dagego tama tiyu da, teda dagego eno homu dwagi yai bidimainu ilaibao.

Jopgo Po Asęani Elalubo Buku 11:2

“Jop, nago po hauwa mu te wabosei. Tama nago homugo nago te pogo nage dolo yai dao, dago te po omainu ebawe? Tega. Tama nago te dwai dwai po wabogo dago penane paliasa bidimai walama, nago te po obawe? Nago tigidali dwagi yai kolesaga homu dabe dolali. Tama nago homu te naga tede naga hale ilabo bidi meni yali, nago te homu eba, agawe? Ena pedauwali pania sogobema. Eno homugo nago po dabe wei ponaibao.

Jopgo Po Asęani Elalubo Buku 8:2

“Te bage. Nago po da, dwai goli da, mena sogo nago te kolesaga tagalaibawe? Nago po wabo te wali subigila pabo tiwai dao.

Jopgo Po Asęani Elalubo Buku 3:17

“Ma, te bidi polo isai bidi dabego bulude da, megi te dwai kolesaga yali bidigo ma ebeo. Tama bidi dabe augwa tigi te dene yali sę yali bage isama, tama megi augwali toma tuyu bidibao

Jopgo Po Asęani Elalubo Buku 18:1

Jopgo po wala silibo si, te bidi Bildat te Suha bulu bidigo po wei ponoyu, e tama wali.

Jopgo Po Asęani Elalubo Buku 18:3

Magi baso nago da kau kibu yaligia kolesaga meni yai dao homu ebawe?