Jopgo Po Asęani Elalubo Buku 18:11 - Godigo dwagi yai po buku

¹¹ Augwali wi mu ilabo nai dabe da, te da tigidali bulu badu bobegela sai elalubo, augwali bilabo madi,” wali.

Jopgo Po Asęani Elalubo Buku 18:11 Referans Kwoze

Jopgo Po Asęani Elalubo Buku 15:21

Augwaligo haniani kulukulu odobo si, augwali wi mu ebo dao. Augwaligo homugo dwai naigo augwali dolainu asobao wabo dao. Tama augwaligo homugo augwali bugagia bidibao homu ebode da, teda bidi dabe aselama, augwali dolama, augwaligo nai dabe wi sagasobo dao.

Jeremaia 6:25

Te boi bidi te dwai bidi dabe mu, tama augwali te tigidali habu usu nama bidiyu, te da dali hwįainu sisi elalu, te da wi ilibao. Tialima, da te gi dabeba munu me pisąma, te sunumi dabeba me biligi pigio,” wali.

Jeremaia 49:29

Te ugwa be dabe, me te augwaligo sipsip dabe, me te ugwa bede mubo ugwa dabe, me te augwaligo gasa nai dabe selama, te sela pao. Te augwaligo kamel dabe me sela pao. Te augwaliba e tama i wao, ‘Te dage wi ilibo nai, te tigidali badu elalubao.’ Te po augwaliba i wao,” Genuai Bidigo te po wali.

Jeremaia 46:5

“Tialima, megi da, magi ebawe? Ena Genuai Bidi, eno suali, te Isip dabe wi mu elama, te edaba wi ma begasa asobao. Te boi bidi dabego augwaligo bomai ami bidi dabe aiyaba mu elalubaso, te Isip dabego boi hwįani tagalama, te umagia mu ma begasa asobao. Augwaligo begelama, tudiba me tonobeo. Magi baso meni, te bidi dabe wi ilibo nai dabe te augwali tigidali badu elalua pabo dao.

Jopgo Po Asęani Elalubo Buku 20:25

Tama te enego augwali tigide teda paibao. Te dwai bidi dabego te enede augwaligo kaneme elalubo subaso da, augwali wi mu yaibao.

Pris Sę Ebo Bomai Po 26:36

“Te dage hani dwasianu naga elalu, te boi hwįbo sogo me isigobeo, te dage boi bidi dabego tǫ kantriba bidigi paibao. Te dage eno wi dwai mu ilaibao, te dagego waligo te ni yabe gele gele dwasianu wabo odobaso da, teda dage odolali wi elama, tama te boi bidi dabego pobebaso wi pabo tiwai yaibao. Te boi bidi dabego pobesąbadi digi, te dage odolali wi pelayu, udabogo duga hasi hodola palama, tula munana paibao. Te boi bidi dabego dage dali hwįbaso da, teda dagego augwali dali me hwįgobeo.

2 Korin 5:11

Te da tigidali te moni po tųde pedalaibao homu ebaso, da Genuai Bidide wi eyu, tama te bidi dabe augwaligo te da Godigo po sela pabo bidi dabe mu dao te hania konemainogo eyu, dago augwalibolo homu bega sabo po weyu bidibao. Godigo da gisiga koneani. Tama eno homu te dage me, dage deli deli duga te dwai sę dali dwagi yai sę dali dagalabo homugo ena hania koneai, te ena homu mu eyu te Godigo sę ebo bidi bidibao.

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Godigo Nogi Ugwaba Sabo Tęąbi Po Wabo Buku Dabe 73:19

Augwali te polo tama dolali. Tama augwali te isibo te dwai mu ebo dao.

Godigo Nogi Ugwaba Sabo Tęąbi Po Wabo Buku Dabe 53:5

Tiali goli, te augwali wi umabo mu yaibao. Polobadu augwa te tiwai wi me ebeo. Mu menio. Magi baso meni, te Godigo dagego boi bidi tigidali silimainu yaibao. Agai augwali ela munama, tama agai augwaligo dili dabe są są paibao.

Jopgo Po Asęani Elalubo Buku 20:8

Te tobage bidi aga te hulide ebo nade hagabo tiwai deli sogo hagawaibao. Awe, bidi dabego aga mu ma sugobeo.

Jopgo Po Asęani Elalubo Buku 6:4

God tigidali bomo elalubo, te agai ena te enego enani ene te dwai nabi tede elalubo. Tama te dwai nabi eno tigi tomoba pelama, tama eno homu dwali. Godigo haniani nai taga palali ena wi emainu,” wali.

Jopgo Po Asęani Elalubo Buku 18:10

Augwali te bidigo hasa tola sainu elama, bono gebelama, tola sabo tiwai dao. Tiali goli, te kę nanani bidi aga ma tola si da.

Jopgo Po Asęani Elalubo Buku 18:18

Te bage augwali bididuali sogo da, augwaligo giliga ula suai dao. Tiali goli, isibo augwaliba asaligo augwali hulia sai madi mu pali.

Aisaia 28:19

Te dwai kolesaga dabego dage munu me taga pogobeo. Menio. Te augwali geninama mu dageba tigidali sogo hulide me ulade dageba me pedalidu geaibao,” wali. Ma, dagego Godigo te wiegi yai po page dagego bugagia mu koneyu da, dage noma selama, wi mu yaibao.

Daniel 5:9

Tialima, king Belsasar te wi dwai mu elama, tama aga gesabidi te tedela mu hasegeligi palio. Tama te gegunai bidi dabe te moni homu mu yai, magi baso meni, te augwaligo magi sę deli me yabo usu me isąwanio.

1 Samuel 28:5

Te Solgo te Filistia ami bidi dabe suali sogo, te aga wi dwai mu yai.

Jopgo Po Asęani Elalubo Buku 22:10

Nago te kolesaga dabe yai dao. Tama tiyu, megi da, nage tola selama, nage dolabo nai dabego nage bobegela selama, dolabo nai polo aselama, tama nage wi ilibao.

Jopgo Po Asęani Elalubo Buku 27:20

“Te dwai wi ilibo nai dabe te dwai bidi dabeba hulide te wę aselama, bulu mesega sabo tiwai yaibao. Tama augwali wi mu yaibao. Te nai dabe te bomai wali tiwai elama, augwali sela sąwaibao, tama augwa pesagede munu me bidigobeo.