Jopgo Po Asęani Elalubo Buku 17:1 - Godigo dwagi yai po buku

¹ “Ena mu dolama, eno hoboludu ogwa wai bomo meni yai pedelama, tama ena isabo sogo maga mu yagasalio. Tama gų pagego ena teba asobo tonalubao.

Jopgo Po Asęani Elalubo Buku 17:1 Referans Kwoze

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Jopgo Po Asęani Elalubo Buku 42:16

Tama te bidi Jopgo te sęge sę silibo si nosali da, aga kibu be 140 bidama, tama aga wai dabego wai dabe sese suali. Tama augwa wai dabe dali, aga wai dabego wai dali suali.

Jopgo Po Asęani Elalubo Buku 19:17

Eno po wabo si da, eno keledu dwai kugumini ebo, tama ena we mugo ena pagede bidabo hagela ebo. Tama ena ama solo mugo ena tonobo da, olo nai tonobo ąǫ ebo.

Jopgo Po Asęani Elalubo Buku 6:11

Eno bomo tigidali sia sali, tama eno mena dwagi yai nai enaba ma pedalobo tonaluaibawe? Ena bididuabo page da, mu meni. Tama magi baso ena homu nagame elama bidaiba? Te mu dwagi yai da, eno bidibo ula sia siyu da.

Jopgo Po Asęani Elalubo Buku 7:6

Me ma, ena e tǫde bidibo sogo polo peyu ebo. Tama tibaso, eno homugo eno tigi ma usu yaiba homu menio,” Jopgo te po wali.

Jopgo Po Asęani Elalubo Buku 16:22

Magi baso meni. Ena bidibo sogo bodolu pęwadage mu elalubaso, eno homugo kibu be deli o si elalubao. Tama ena isibo sunumidu pelama, tama ena ma asogobeo,” wali.

Jopgo Po Asęani Elalubo Buku 17:11

Eno bidibo ula pąde mu tama sia sainu ebao. Tigidali nai dabe eno godolo elama yainu yali sę dabe, megi da, eno ma egobeo.