Jopgo Po Asęani Elalubo Buku 16:4 - Godigo dwagi yai po buku

⁴ Tiali goli, dagebolo walaibao. Ma, dage ena yaligia dwai bidigi sogo da, teda eno dagego te ebo kolesaga tiwai dage dali megi igi dao. Eno po hauwa wabo da, te eno hobede dagebolo ola mobao. Tama eno tobolu gagamunobogo dagebolo ola mayu, e tama tiwai igi dao, te dwai nai dageba pedalibaso, noma siyu tigi dao.

Jopgo Po Asęani Elalubo Buku 16:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 109:25

Te we bidi dabego ena sulama, tama enaba posobo po wabo dao. Tama augwa tobolu bebegelu, tama ena gisugu mobao.

Godigo Nogi Ugwaba Sabo Tęąbi Po Wabo Buku Dabe 22:7

Tigidali we bidigo ena sulama, tama augwaligo posobo po enaba wabo dao. Augwaligo hamena enaba diniyu, tama augwa tobolu peme eyu ebo dao.

Te We Bidi Dabego Jerusalem Hagede Gela Wali 2:15

O Jerusalem, te Israel hani isąwai we bidi augwali tedu ela soyu, augwaligo nage dolali elalubao sualio. Tama augwali noma siyu, nogo hogwayu, tobolu pęyu, kęnę po ola mayu, e tama po obao, “Te taun tama te bidi dabego te wiegi yai sawi yai taun dao,” wali, “te taun te da, agawe? Te taun tama te tigidali tǫ kantri we bidigo gawe yai taun da, agawe?” Augwaligo te tobage hale ilibo po wabo dao.

Jeremaia 18:16

Tialima, te augwa tǫ dolama, te olo pesage bulu tiwai pedelaibao. Tama te gasa hani we bidi te badu asobo sogo, augwa sulama, dwai midigi siyu, te wi umagi ebo dao.

Te Israel me Juda Hani Sigo Tuni Bidigo Po Elalubo Buku Si 19:21

Tama megi te agai te king Senakerip dali naga po elalubao wali, te Asiria king bidi. Genuai Bidigo e tama po wali, ‘Senakerip, te taun Jerusalemgo te nage dali te gisugu dwai mu weyu, tama nage dali posobo po weyu, tama nage dali dwai bidi mu da olama, tama dwai mu da wabuo,’ wali.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

Matyu 7:12

“Te dagego homugo te gasa we bidi dabe augwaligo dagebolo yabo dwagi yai kolesaga tiwai gilama tama dagego me augwali dali te tiwai dwagi yai kolesaga naga iyąo. Te Mosesgo polobadu asęani bomo yai po tigidali me, te Godigo po pusali profet bidi dabego pusali po tigidali me, te po tigidali te page deli naga elalubao, te eno megi tama wali po naga dao,” Jisasgo te po wai.

Sefanaia 2:15

Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.

Kolesaga Koneai Bidigo Pusali Po Elalubo Buku 10:14

Te wiegi yai homu kolesaga elalusiąbo bidigo po oda pidu gebo dao. Te magi sę nosali pedelabo dago konebeo. Te da isai madigi, magi sę e tǫde pedelabo dago konebe dao.

Bugagia Bidibo Kolesagade Po Asęai Buku 10:19

Te po hauwa wabo bidigo, agai te aga pode te sęgę sabo po weyu tebao. Tiali digi, te po hauwa me wasiąbo bidi da, agai homu kolesaga te wiegi yai elalubao.

Godigo Nogi Ugwaba Sabo Tęąbi Po Wabo Buku Dabe 44:14

Nago te hani bage dabe homu hodolubaso, tama augwaligo dago nogide hale yabo po wabo dao. Te daba pedalubo sęde augwaligo dwai gisugu mabo sę ebao.

Jopgo Po Asęani Elalubo Buku 35:16

“Jop da, page meni yai olo tibo po naga wabo bidi dao. Agai dwagi yai homu kolesaga menio, tiali goli agai po hauwa wabo dao,” Elihugo te po wali.

Jopgo Po Asęani Elalubo Buku 11:2

“Jop, nago po hauwa mu te wabosei. Tama nago homugo nago te pogo nage dolo yai dao, dago te po omainu ebawe? Tega. Tama nago te dwai dwai po wabogo dago penane paliasa bidimai walama, nago te po obawe? Nago tigidali dwagi yai kolesaga homu dabe dolali. Tama nago homu te naga tede naga hale ilabo bidi meni yali, nago te homu eba, agawe? Ena pedauwali pania sogobema. Eno homugo nago po dabe wei ponaibao.

Jopgo Po Asęani Elalubo Buku 6:14

“Bidi te genuai sęgę elalubo sogo da, augwa abagi mu dabe pąde elalubo dao, ma agai God tudiba sąwai badi, me aga God dologode me bidibadi.

Jopgo Po Asęani Elalubo Buku 16:5

Eno pedauwalidu po hauwa olama, dage bomo ilama, dagego dene silimainu igi dao. Tama eno tigi sogo da, te tobage kolesaga dabego dage mena tama tau saibawe?

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Jeremaia 48:27

Moap, polobadu nago posobo po olama, te Israelba dwai gisugu mawai Magi yaliwe? Nago homugo Israel te nai wi sabo hani tiwai me deli bidibaso, te nago agaba posobo po weyu, te nago aga nogi aiyaba elaluai da, agawe?

Godigo Nogi Ugwaba Sabo Tęąbi Po Wabo Buku Dabe 22:8

Augwaligo te po weyu, “Nago konealubo homu te Godiba mubo da,” wabo. “Magi baso agai nage ma sabewe? Te Godigo nage wei homu eyu da, te magi baso agai nage tau sabewe?” Augwaligo te tobage po wabo dao.