Jopgo Po Asęani Elalubo Buku 15:4 - Godigo dwagi yai po buku

⁴ Te tobage pogo te we bidigo kolesaga dolama, tama augwali God dologode me elalugobeo, tama aga me kone egobeo.

Jopgo Po Asęani Elalubo Buku 15:4 Referans Kwoze

Polgo Po Pas Rom Dabeba Asęani 3:31

Dago e po wabo dao: we bidi augwaligo Kraisde konealubo po dąų obaso, te Godigo augwali aga gedude doloba pai we bidi ilaibao. Tama te po wabogo dago te bomai po dolobo dawe? Mu menio. Dago te bomai po page hania haninama tama te page da bugagia wali pabo dao.

Galesia 2:21

Tama da te Godigo gedude doloba pai we bidi pedalomainogo eyu, te bomai po bugagia wali pabo usu egi sogo da, teda da tau siyu Jisas aga olo naga isali, dago te homu egi da. Tialima agai te tiwai ebeo. God agai da dali olo mu tau sabo kolesaga eyu, Jisas tagala palali. Tama eno agai te sę yali tudi badu mugobeo,” eno te po me Pitabolo wai, te Antiok hanude.

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Sefanaia 1:6

Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.

Amos 6:10

Te bidi me deli isali sogo, te aga deli kaneme bidi me deli asama, te aga tigi selama, ulugi painu yaibao. Tama te deli kaneme hani bidigo te be tomode geme dualalubo bidi i weyu, te tiwai waibao, “Te gasa bidi dabe me bidibawe, ma meniwe?” Te geme dualalubo bidigo te tiwai po wei ponaibao, “Menio,” wali. Tialima, te deli kaneme hani bidigo te tama po waibao, “Pedauwali pania sao. Dago Genuai Bidigo nogi munu me nogi ilamo dao,” te po waibao.

Hosea 7:14

Augwaligo tibo gedu haluasa po enaba wabo dao. Tama augwali te tǫba degasa dulama, tama te dwai gela te Genuai Bidigo po odisąbo bidi haiden dabego wabo tiwai ebo dao. Te augwaligo nai me wain ąį sainu gedu haluasa po wabo sogo, te augwa digi augwa tigi dabe ge hwągo togobo, te haiden eno po wali pisąbo bidi dabego ebo tiwai ebo dao. Augwaligo ena dali hagoma mu ebo dao.

Godigo Nogi Ugwaba Sabo Tęąbi Po Wabo Buku Dabe 119:126

Te we bidi dabe augwaligo nago bomo yai po bolobao. Tama tibaso, megi da te nago dene augwaliba mabo sogo dao.

Jopgo Po Asęani Elalubo Buku 27:10

Tama te tobage bidi dabego dwagi yai homu elama, God Tigidali Bomo Elalubo Bidiba gedu haluasa po tigidali sogo waibawe? Mu meni,” wali.

Jopgo Po Asęani Elalubo Buku 6:14

“Bidi te genuai sęgę elalubo sogo da, augwa abagi mu dabe pąde elalubo dao, ma agai God tudiba sąwai badi, me aga God dologode me bidibadi.

Jopgo Po Asęani Elalubo Buku 5:8

Elifas agai po genina ma weyu, e tama wali, “Tiali goli, ena tama nago tigide sęgę yali tiwai igi sogo da, teda ena Godibolo gedu haluasa po wagi da, agai eno te sęgę silimainu.

Jopgo Po Asęani Elalubo Buku 15:3

Nago pogo hwįhwį pabo. Tiali goli, nago po dwagi yai menio. Tama tego bidi me tau sogobeo. Menio.

Jopgo Po Asęani Elalubo Buku 15:5

Nago dwai sę yali. Nago te tobage pogo naga yali dwai sę aiyaba mesegelainu elama, halubo po tiwai te obao. Nago po te ili po wabo bidigo po tiwai.