Jopgo Po Asęani Elalubo Buku 15:2 - Godigo dwagi yai po buku

² “Jop, nage koneai bidi, tama nage dwagi yai kolesaga elalubo bidi dao. Tiali goli, nago magi baso po hauwa olama, wali asobo tiwai elama, pedauwalidu po hauwa dogia pobawe?

Jopgo Po Asęani Elalubo Buku 15:2 Referans Kwoze

Jopgo Po Asęani Elalubo Buku 6:26

E sęgęgo ena mu dolali. Tama tibaso, eno po dodolama obao, tama dagego homugo, eno po olo wali bola bilibo tiwai yali. Tama dagego homugo dagego ena dodolaibawe?

Hosea 12:1

Genuai Bidigo te po wai, “Te Israel dabego tigidali sę te giligade me hulide yali, te augwa digi dolabo dwai sę yalio. Te tibo po wabo kolesaga, me hwįbo kolesaga te augwali tomode genuai pedelali. Augwaligo te Asiria dabe dali sę yabo po mia sali. Me ma, augwa te bisnis sę te ni oliv welgo elama, te Isipba tolama, te Isip dabego abelali.”

Jopgo Po Asęani Elalubo Buku 8:2

“Te bage. Nago po da, dwai goli da, mena sogo nago te kolesaga tagalaibawe? Nago po wabo te wali subigila pabo tiwai dao.

Jems 3:13

Te dage tomode bidi me deli agai wiegi yai homu eyu, te dwagi yai po konebawe? Te dage tomode te tiwai bidi me deli bidibaso da, te bidi agai bilibo kolesaga dwagi yai yao. Tama wiegi yai kolesaga eyu dwai kolesaga isiąma, tama dwagi yai kolesaga ebo koneyu, tama agai te dwagi yai kolesaga ebo gasa bidi dabe augwalibolo ola mao.

Jopgo Po Asęani Elalubo Buku 13:2

Tigidali nai dabe dagego koneani da, eno me eno koneai nai dabe da. Dagego kolesagago eno kolesaga edelebeo.

Jopgo Po Asęani Elalubo Buku 15:1

Jopgo po ola silibo si, te bidi Elifas, te Teman hanu bidigo po wei ponoyu, e tama wali.

Jopgo Po Asęani Elalubo Buku 15:3

Nago pogo hwįhwį pabo. Tiali goli, nago po dwagi yai menio. Tama tego bidi me tau sogobeo. Menio.

Bugagia Bidibo Kolesagade Po Asęai Buku 16:23

Te wiegi yai homu elalubo bidigo, agai te hasia bolo bugagia homu kone palama, tama nosali agai wiegi yai po waibao. Tama tebogo te bidi dabego agai po odabo godolo homu yaibao.

Kolesaga Koneai Bidigo Pusali Po Elalubo Buku 5:15

Te idago da ame nani sogo, dago nai me deli meni yai elaluali. Dago tigi habu olo naga elaluali. Te tiwai naga, da isibo sogo, da olo naga mu paibao. Mu tama, dago te nai hauwa sabo sę dene yali, tiali goli dago te nai deli me sela pogobeo.

Hosea 12:2

Genuai Bidigo te Juda dabe dali po elalubao. Tama agai te Israel dabeba dwai dene mayu, te augwa yali sęde usu nama tiaibao wai.