Jopgo Po Asęani Elalubo Buku 15:11 - Godigo dwagi yai po buku

¹¹ “Jop, Godigo homugo nago dene osola sulama, tama nage homu nagame elama, dua bidimainu yaibao. Tama me ma, dago po doanu olama, tama nagebolo dwagi yai po wai dao. Tiali goli, nago homugo Godigo te yainu ebo sę te olo da, te homu ebawe?

Jopgo Po Asęani Elalubo Buku 15:11 Referans Kwoze

2 Korin 7:6

Tiali goli God da, te sęgę elalubo bidigo homu dua nagame ilibo bidi dao. Agai te Taitus da bidibo madi asobogo agai da wiegi yai homu nagame ilai dao.

Jopgo Po Asęani Elalubo Buku 36:16

“Jop, megi da suao, nage moni sęgęde mu bidiyu, tama nage pąde silabo ąǫ te ebao. Tiali goli, Godigo nage bega sabo po weyu, ma oda selama, tama nage dua bidimainu elama, tama nage te dwagi yai nai dabe ma mawaibao. Tama magi naigo nage me paliama me egobeo.

Jopgo Po Asęani Elalubo Buku 15:8

Nage te Godigo te sę dabe yaiba obadi, nage te sogo me nage tede bidai dawe? Nagaduba deli naga dwagi yai kolesaga elalubawe? Tega? Mu menio.

Jopgo Po Asęani Elalubo Buku 13:2

Tigidali nai dabe dagego koneani da, eno me eno koneai nai dabe da. Dagego kolesagago eno kolesaga edelebeo.

Te Israel me Juda Hani Sigo Tuni Bidigo Po Elalubo Buku Deli 22:24

Profet Sedekaia, te Kenango ogwago, Mikaiago Ahapba te pusali po odama, te aga Mikaia pąba pelama, tama aga naboge badu nogo sawaligo eliyu, te tama po wai, “Te Genuai Bidigo Noma Mobo Bidigo ena magi elama tagalama, te nageba solama, tama nagebolo te po maniwe?”

Jopgo Po Asęani Elalubo Buku 6:10

Ma, te ena genuai sęgę tolobo da hagela ebo, teda ena dwagi yai homu elama, sasamano bilaiba. Magi baso meni, eno koneani, tigidali sogo mu ena God dologode bidali, aga te dwagi yai kolesaga eyu, doloba pai kolesaga naga ebo God dao.

Jopgo Po Asęani Elalubo Buku 23:12

Tama eno agai te tiwai ya wali po me sela sąbeo. Menio. Eno agai enabolo mani po wali peyu yai dao. Agai po pusu mu elama, tigidali deli deli sogo tuabo naigo pusu edelalio,” wali.

Jopgo Po Asęani Elalubo Buku 36:15

Tiali goli, Godigo te bidi dabe dene dali, sęgę dali si me tolomainu sula tagalobo dao. Magi baso meni. Agai augwali dwagi yai kolesaga ola mawainu tama tibo dao. Tama te tibo sunumide augwali ma selama, tama augwali bugagia bidimainu ebo dao,” wali.

Godigo Nogi Ugwaba Sabo Tęąbi Po Wabo Buku Dabe 77:3

Eno homugo Godiba kone palama, tama eno haligade gela wali. Eno homu konealubode tama eno haliga sęgę elaluai.