Jopgo Po Asęani Elalubo Buku 14:5 - Godigo dwagi yai po buku

⁵ Da e tǫde bidabo bubuga dali, kibu be dali si polo bodolu muai dao. Bidi mego aga bidabo bubuga bobobage ma ilabo usu egobeo.

Jopgo Po Asęani Elalubo Buku 14:5 Referans Kwoze

Godigo Nogi Ugwaba Sabo Tęąbi Po Wabo Buku Dabe 39:4

Eno Godiba te tama po hanalu wai, “Genuai Bidi, te ena bidabo ulade te nisu naga kibu be elalubawe? Te mena sogo ena isigowe? Te eno bidabo ula te pęwadage sogo naga elalubo homu ebao. Nago enabolo pusa mao,” po wali.

Godigo Sęba Tagala Palai Bidigo Po 17:26

Godigo hasia mu bidi me deli nigai (te bidi nogi Adam). Tama nosali te bidi deligo te tigidali haniani bidi dabe dalali. Tama Godigo tigidali bidi dabe tigidali buluba dobayali, augwa te bulude bidimainu yai. Tama God aga digi polobadu mu augwali te bulu dabede bidabo sogo bodolu munama, dąį ilai dao.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Jopgo Po Asęani Elalubo Buku 12:10

Tigidali we bidigo bidibo ula dali, agai te nigali nai dabego bidibo ula, te aga nogode naga elalubo.

Godigo Nogi Ugwaba Sabo Tęąbi Po Wabo Buku Dabe 104:29

Nago augwali tudiba mubaso, augwali wi ebo dao. Tama nago augwaligo mobo sela sąwani da, te augwali isilama, tǫ tiwai ma gagawaibao.

Jopgo Po Asęani Elalubo Buku 21:21

Tama augwali te isibo bidi dabego buluba bidigi pabo si da, augwaligo augwa we wai puluba mena tama bidibo olama, kone me egobeo,” Jopgo te po wali.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Daniel 5:26

Tama te ‘Nedao’ wali po page te tiwai, Godigo nage te king bidabo nisu naga sogo te nedalio. Megi nago silibo side dao.

Godigo Nogi Ugwaba Sabo Tęąbi Po Wabo Buku Dabe 104:9

Nago dąį muai, tama tamu ąįgo te dąį muani bolobeo. Tama tamu ąįgo tigidali tǫ ma halugobeo.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Jopgo Po Asęani Elalubo Buku 7:1

“Da e tǫde bidibo sogo, da e tiwai dao, bidigo da kegelama, wąbi hwįbo bidi nigibo. Da te sę ebo bidi dabe tiwai gilama, bomai sę naga tigidali sogo yaibao.

Kraisgo Geme Dualali Sę Pedelabo Po Jonbolo Ola Mani 3:7

Te eno suali bidigo enabolo po me wai, “Te megi nago te Filadelfia bulude Godigo po odoyu bidibo we bidi tonalubo ensel mobo bidibolo e po asęna tolao: ena da, te Godigo bidi naga dao, ena magi sę isąwai tedali gasagi yai bidi dao. Tama ena te mu kolesaga ebo page bidi mu dao. Te eno te polobadu bidali bidi Devit agai tų dalabo ki tolalubao. Eno te tų dayu, tama niwai bidi mego te tų ma paligobeo. Tama eno te tų paliyu da, te niwai bidigo te tų ma dagobeo. Tama eno e po nagebolo ola tolobao.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.

Kraisgo Geme Dualali Sę Pedelabo Po Jonbolo Ola Mani 1:18

Ena bidibo ula dali bidibao. Polobadu ena isai, tiali goli nago ena bidibo subao, te ena sesemane sogo bidada peyu, bidada pabo ula selama, megi bidibo dao. Tama tibaso, eno bomo elalubao, te isibo kolesaga dali, te isai bidi dabe osogo bidabo madi dali, te si tonalubo bomo eno elalubo dao.

Daniel 11:36

“Te kingo te mena sę dabe te aga homugo digi yaibao. Aga te hagoma eyu, te aga digi aga nogi ugwaba siyu, e tama po waibao, ‘Eno te tigidali god elalualio,’ te po waibao. Tama agai te tobage posobo po dabe te Ugwadu Bidibo Godigo nogi aiyaba elalu, tama waibao. Agai te tama tobage kolesaga ela pidubadi, te Godigo haliga sębę yaliba usu naibao, magi baso meni, Godigo agai te yaibao homu yali sę tigidali ebo dao.

Daniel 9:24

“Godigo dąį ilali te 70 taims 7 kibu be dabe silibo si, te agai nago we bidi dabe dali, me Jerusalem te wiegi yai ma ilabo po wali, tama aga taun dao. Agai te tigidali we bidigo sęgę sela sąnama, tama augwa yali dwai kolesaga tigidali siminaibao. Tama agai te sesemane bidada pabo sogo pedalumainu ilaibao. Tama aga te Gasagi Yai Tedali Mu pesage me deli nigilaibao. Godigo te sę dabe te nade wali sę me, te profet dabego wali po me, te usu nagasu, te tama yai dao.

Godigo Nogi Ugwaba Sabo Tęąbi Po Wabo Buku Dabe 31:15

Ena nago nogode sesemane sogo bidibao. Nago enade te boi bidi ebo bidi me, te ena pobeasa bilibo bidi dabego nogode ma dobola sao. Tiyu, augwaligo ena dolidalio.

Godigo Nogi Ugwaba Sabo Tęąbi Po Wabo Buku Dabe 139:16

Ena te haga piligai wai idago haligade bidibadi digi, nago ena suai. Ena te tǫde pedalisiąbadi, tiali goli, nago te naga bukude asęani te nago homugo te tigidali sogo ena te tǫde sesabi elama, bidabo bodolu asęai dao.

Kolesaga Koneai Bidigo Pusali Po Elalubo Buku 3:2

Godigo bidi da e tǫde ame nabo sogo bodolu dąį muani, te isabo sogo bodolu me muanio. Agai te nai wai bulabo sogo bodolu dąį ilibadi, te nai gudabo sogo me bodolu muai dao.

1 Samuel 26:10

Tama Devitgo po ma mu weyu, te po wai, “Te Sesemane Sogo Bidibo Genuai Bidigo nogide eno nagebolo obao, te Genuai Bidigo digi Sol elabo, me ma Sol aga digi isabo sogo bodolu elalu, ma te boi bidi dabego aga te hwįbode elabo te elalubao.

Jopgo Po Asęani Elalubo Buku 16:22

Magi baso meni. Ena bidibo sogo bodolu pęwadage mu elalubaso, eno homugo kibu be deli o si elalubao. Tama ena isibo sunumidu pelama, tama ena ma asogobeo,” wali.

Kolesaga Koneai Bidigo Pusali Po Elalubo Buku 8:8

Te isibo sogo, te dago tigide homu ogwa wai tomode bidali mobo bidi tagalainu ebaso, te dago palibaso, usu egobeo. Te dago isibo sogo bodolu hasegelainu ebaso, usu egobeo. Te hwįbo sogo, te ami tobolu bidi ofisa bidigo te aga ami bidi dabego te boi hwįbo pesage tagalama, te augwa buluba ma begasa pomainu sula tagalogobeo. Te tiwai me, te bidi mego dwai kolesaga wali pobaso da, teda aga te kolesagaba mu dagana selama, te tagalainu ebaso, usu me egobeo.