Jopgo Po Asęani Elalubo Buku 14:12 - Godigo dwagi yai po buku

¹² Te tiwai me, we bidi dabe da isilama, ma hodalobo menio, te tǫ dali, dagalu dali si silibo sogoba usu naibao. Tama augwali pila mubadi, magi nai mego augwali me hodologobeo,” wali.

Jopgo Po Asęani Elalubo Buku 14:12 Referans Kwoze

Kraisgo Geme Dualali Sę Pedelabo Po Jonbolo Ola Mani 21:1

Te po tų ela silama, tama nosali eno suali, gesi dagalu dali, gesi tǫ dali elaluai. Te hasia dagalu dali, te hasia tǫ dali, te tigidali pela silai. Tama te tamu ąį me te ma elalugobeo.

Jopgo Po Asęani Elalubo Buku 3:13

Ma, ena isigi sogo da, teda ena pila muyu, hodo bugagia doloyu, pila mugi dao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

2 Pita 3:7

Tiali goli, megi Godigo pogo naga te dagalu me tǫ me sa munama, tama te dolobo sia dabo pedalobo tonaluyu bidibao. Tama te dagalu de tǫ sigo te Godigo po tų te agai po tudiba muani we bidi augwali te po tųba pedalobo tonalubao, tama te we bidi augwali dolaibao.

Efesus 5:14

Tama tialigo da, te po me elalubao: “Nage pila mubo bidi, hodaloao, tama nage te gų pagede ma hodaloama, tama Krais agai wiegi yai ula nage mawaibao.”

Godigo Sęba Tagala Palai Bidigo Po 3:21

Megi agai dagalude tonalu bidibo, Godigo tigidali nai gesi ma ilibo sogo, te sogo asobo tonalubo. Te po polobadu Godigo agai po pusa mabo bidigo dabebolo wai, mu dolo yai bidi dabe. Tama augwaligo te po pusa mani.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Aisaia 65:17

Genuai Bidigo te tiwai po wali, “Suao, eno gesi dagalu me tǫ nigaibao. Te bidi dabego te polobadu pedelali naiba homu kone me palogobeo. Augwaligo te nai mu gegeda paibao.

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Jopgo Po Asęani Elalubo Buku 30:23

Eno koneani, nago ena isimainu elama, tama nago ena te nago nigilali te tigidali isibo we bidigo bidigi pabo pesage gų pageba pomainu ebao.

Polgo Po Pas Rom Dabeba Asęani 8:20

Megi e sogo tigidali nai dabe dwai bidiyu tama dolobao. Te augwa homugo digi me ebeo. Menio. Godigo digi augwali te tiwai kalabus elama bidibo. Te augwaligo te Godigo augwalibolo nosali yabo sę tonaluyu bidibo dao.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Aisaia 66:22

“Ena Genuai Bidi, eno te po obao, te gesi dagalu me gesi tǫ eno nigaibao, te eno gedude sesemane bomo elalueibao, te tiwai duga wai dabe te sesemane sogo bomo elalu, te dagego nogi me sia sogobeo.

Kolesaga Koneai Bidigo Pusali Po Elalubo Buku 12:5

Te bulu dabe daide ugwadu dage bidalu, tama dage te sunumidu bilabo wi yaibao. Dagego tobolu nisi te tedela yai pedelama, tama dage te sunumidu bilibo sę dene yaibao. Tama te nai dabego dage haliga hogodolabo sę me iligobeo. Te dage isilama, tama duga sesemane sogo bidada peyu, bidada pabo buluba bidigi paibao. Te duga taunde bidibo we bidi dabego, te augwaligo gela weyu, hobede ebo balia po waibao.

Godigo Nogi Ugwaba Sabo Tęąbi Po Wabo Buku Dabe 102:26

Te tigidali nai te hagawaibao. Tiali goli, nage te sesemane bidaibao. Te augwali te poloba ugwa badia pabo tiwai pedelama, te dolaibao. Tama nago augwali hasegelama, te bidigo ugwa hasegelibo tiwai yaibao, tama augwali pela siliyu, tama me elalugobeo.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

Godigo Nogi Ugwaba Sabo Tęąbi Po Wabo Buku Dabe 90:5

Nago te bidi dabe sela sąbo, te wę asiyu, bidi selama, tama augwali isibo tiwai yaibao. Augwali te pęwadage sogo bidiyu, te naa tiwai naga ebao. Augwali te gesi nosa te kigamu pedalubo tiwai elama,

Jopgo Po Asęani Elalubo Buku 7:9

Bidi isibo da, teda aga polo isai bidi dabego buluba pabo. Te pǫ me deli tiwai dagalude bidisąma tedela pai te tiwai dao. Tama bidi dabe te bulude bidibo bage te buluba ma asogobe.

Kolesaga Koneai Bidigo Pusali Po Elalubo Buku 11:8

Da tǫde bidalubo tigidali kibu bede dago wiegi yai pemene yao. Te dago kibu be hauwa bidali digi, tagalao, dago te sęde homu kone gegeda paligio. Te da kibu be hauwa mu te da isali bidi dabego hulia sai bulude bidaibao. Tigidali sę nosali pedelabo elalubao, te augwali olo nai dabe tiwai naga dao.