Jopgo Po Asęani Elalubo Buku 14:10 - Godigo dwagi yai po buku

¹⁰ Ma, da bidi dabe, da te tiwai ebo menio. Te da isibo sogo, te da mu tama sia sabo dao. Tama me badugo da ma subo menio.

Jopgo Po Asęani Elalubo Buku 14:10 Referans Kwoze

Jopgo Po Asęani Elalubo Buku 19:26

Eno e tigiwali da, hasia dolaibao. Tiali goli, ena tigiwali dali me bididu da, teda eno God sueibao.

Jopgo Po Asęani Elalubo Buku 14:12

Te tiwai me, we bidi dabe da isilama, ma hodalobo menio, te tǫ dali, dagalu dali si silibo sogoba usu naibao. Tama augwali pila mubadi, magi nai mego augwali me hodologobeo,” wali.

Tigidali Nai Gagalama Nigali Side 49:33

Jekopgo aga ogomani dali po mia silama, te aga sągą te bet sai dologo tomoba bulama, tama aga isali. Aga te aga hani bage bidalubo madi, te isali bidi dabego buluba tama pai.

Godigo Sęba Tagala Palai Bidigo Po 5:10

Tama te we polo tama te bidi Pita sągą pagede degasa pelama, te aga isali. Te gesi ogwa bidi dabe te be tomoba asai. Augwaligo te we isai munalubo suali. Sulama, augwaligo te we tigi tolasa pelama, aga bidi muani madigi pubaligi pali.

Matyu 27:50

Te Jisasgo i bomonama ma olama, tama aga noma bidi mobo tagala palalio, te aga mu isalio.

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Jopgo Po Asęani Elalubo Buku 11:20

Tiali goli, te dwai kolesaga ebo we bidi dabe, augwali Godigo sębę ebo sunumi gedelainu gegaibao. Tiali goli, augwaligo sugobeo. Tama augwali isibo deli naga tonaluyu bidaibao,” Sofargo Jopbolo te po wai.

Jopgo Po Asęani Elalubo Buku 10:18

“God, nago magi baso ena, ena idago ame nomainu sula tagalai dawe? Tigi menigi sogo da, ena idago haligade isigi dama, tama mego ena sugi menima.

Jopgo Po Asęani Elalubo Buku 3:11

“Magi baso ena ena idago haligade isisąma yaliwe? Ma, te ena ame nani sogo tama tisąma yaliwe?

Tuni Bidi Dabego Po Elalubo Buku Deli 29:15

Te nago gedude da te bulu wau bilibo bidi tiwai ebao. Te dago dena wąį nǫų hani dabego yali sę tiwai gilama yalio. Te dago e tǫde dena bidibo ula dago dąų obaso usu egobeo. Da te plaua dabe pedalubo tiwai elama, te pęwadage sogo bidama, te isibo dao.

Jopgo Po Asęani Elalubo Buku 3:13

Ma, ena isigi sogo da, teda ena pila muyu, hodo bugagia doloyu, pila mugi dao.

Jopgo Po Asęani Elalubo Buku 13:9

Te Godigo dage sulama, dagego ebo kolesaga osola subo sogo, teda dage bugagia bidaibawe? Ma, dagego God ili po ola mawaibawe, te bidi dabe ili po ola mabo gilama tiaibawe?

Jopgo Po Asęani Elalubo Buku 14:9

Ma, tǫde wę elaluyu da, te gelai ni tanede kulubi ma pedalaibao. Aga holama, gesi ni holoyu, nologo pedebo tiwai yaibao.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

Jopgo Po Asęani Elalubo Buku 20:7

Tiali goli, te bidi aga di dolobo tiwai dolaibao. Tama aga sesemane mu hagawaibao. Tama bidi dabego aga polobadu sulama koneani bidi dabego da, augwaligo e tama po waibao, ‘E bidi mage sę yaliwe? Megi da, aga menade bidibowe?’ te po waibao.

Kolesaga Koneai Bidigo Pusali Po Elalubo Buku 3:20

Godigo tǫ selama, augwali si nigali, tialima augwali si isibo si da, te augwali si tǫ tiwai ma pedelaibao.

Kolesaga Koneai Bidigo Pusali Po Elalubo Buku 3:21

Bidi mebago homugo te bidigo noma mobo te ugwaba holobo homu, te hasa dabego mobo noma te tǫba aiyaba dulubao homu ebao. Tialima, dego mu te sę page koneabo usu yaibawe?