Jopgo Po Asęani Elalubo Buku 14:1 - Godigo dwagi yai po buku

¹ Te Jopgo po ma olama, te po wai, “Da we bidi e tǫde pęwadage sogo bidibo dao. Tama idago ame nanidu gagalasa, haniani dwai kolesaga dade pedalobo dao.

Jopgo Po Asęani Elalubo Buku 14:1 Referans Kwoze

Jopgo Po Asęani Elalubo Buku 5:7

Bidi dena digi da, te tobage dwai dwai sęgę sabo kolesagago sę ebo dao. Dena digi te sęgę sabo, e tiwai ebo dao, te kenage isi ulama podiliyu, te isi hobolu, ugwaba dagala sąbo tiwai ebo dao,” wali.

Kolesaga Koneai Bidigo Pusali Po Elalubo Buku 2:23

Da e tǫde bidibo sogo, tigidali naigo da homu kone tųą palama, mone homu sęgę hauwa ilaibao. Te hulide dago homu kone palubo sę hauwa dogia pidubadi, te dago toma me tusiąwaibao. Te tebo kolesaga me page meni yai elalubao.

Jopgo Po Asęani Elalubo Buku 25:4

Mena tama da tǫde bidi doloba pelama, Godigo gedude meda meni yai pedalaibawe?

Jopgo Po Asęani Elalubo Buku 7:1

“Da e tǫde bidibo sogo, da e tiwai dao, bidigo da kegelama, wąbi hwįbo bidi nigibo. Da te sę ebo bidi dabe tiwai gilama, bomai sę naga tigidali sogo yaibao.

Tigidali Nai Gagalama Nigali Side 47:9

Jekopgo te po wai, “Eno kibu be te 130 elalubadi, te ena tigidali tǫ pedaiba bilali. Tiali goli, te kibu be dabe te bobage sogo sesabi elama bidisiąbadi, tama ena sęgę hauwa gegali. Te eno kibu be yali, te eno aya dabego yali kibu be te augwali bilali kibu beba usu nubeo,” wali.

Matyu 11:11

Eno mu po dagebolo obao, Jon te we bidi baptais mani bidi agai te tǫde pedelali tigidali bidi aiyaba elaluai dao. Tiali goli te Godigo we bidi tonalubo madide bidibo nogi meni yai olo bidi, te bidigo Jon aiyaba elalubao.

Godigo Nogi Ugwaba Sabo Tęąbi Po Wabo Buku Dabe 51:5

Nago koneai, idago ena ame nani sogo, ena dwai sę ebo bidi pedelai. Mu tama, ena idago haligade bidibadi, ena sęgę sai bidi dao.

Jopgo Po Asęani Elalubo Buku 15:14

We me, bidi me, Godigo gedude doloba pai me elalubeo.

Jopgo Po Asęani Elalubo Buku 9:25

“Eno bidibo bubuga polo sia siyu ebo dao. Augwali umagia mu polo pabo dao, te bidi po sela peyu pabo te edelebo dao. Tama tibaso, ena dwagi yai sogo ma sisinabo usu me egobeo.

Jopgo Po Asęani Elalubo Buku 7:6

Me ma, ena e tǫde bidibo sogo polo peyu ebo. Tama tibaso, eno homugo eno tigi ma usu yaiba homu menio,” Jopgo te po wali.

Kolesaga Koneai Bidigo Pusali Po Elalubo Buku 2:17

Tialima, te ena bidabo ula te eno hagela ilibao, magi baso meni, te tǫde pedalubo nai tigidaligo ena genuai sęgę mobao. Te nai dabego page me elalubo menio. Te bidi uduyu, te asobo wali nogogo tola sainu ebo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 39:5

Nago ena bidabo bodolu te pęwadage sogo mu muani elalubao. Te nago gedude ena te bidabo bodolu muani, te olo bage tiwai yali. Tigidali bidi te wali tiwai eyu, te bidi me deligo te pedauwalide ponobo tiwai gilama ebo dao.

Tigidali Nai Gagalama Nigali Side 3:17

Tama Yawe Godigo bidibolo te tiwai po wai, “Nago te naga wego po odolama, tama eno nagebolo te tugio olama habu selali nedu du te nago tualio. Nago tama tiwai yaibaso, teda eno te tǫ dolama, tama te nai dabe bugagia holomainogo me egobeo. Naga digi naga te sę dene mu sesemane sogo iduama, te tǫde nai pedalumainogo yaibao.

Jopgo Po Asęani Elalubo Buku 10:20

God, nago koneani, ena bidibo bodolu pęwadage mu dao. Tama nago ena dene magio. Nago ena haliga tigi naga me doanu emainu sula tagalama, tama de ena isaibama,” wali.

Godigo Nogi Ugwaba Sabo Tęąbi Po Wabo Buku Dabe 89:47

Genuai Bidi, iya, nago te pęwadage sogo naga bidabo bidiba homu kone palao. Nago da nigali, tiali goli da te isaibao. Nago odolali da nigali da, agawe?

Jeremaia 20:18

Magi baso ena te idago haliga tagalaligo te tobage dwai sę me sęgę enade elalu, te sesemane sogo ena hale ebo sę idubo dawe? Ena Jeremaia eno te homu ebao.

Te Israel me Juda Hani Sigo Tuni Bidigo Po Elalubo Buku Si 4:19

Te waigo augwali sę eyu bidibadi, te augwali tonono bilali, polo tama agai aga ayabolo i weyu, e tiwai wali, “E, aya, eno tobolude dene dwai mu ebo. Dene me elalubo.” Tibaso, aga ayago te aga sę bidi me delibolo wali, “E wai aga ida pageba auwasa pao,” wali.

Jopgo Po Asęani Elalubo Buku 8:9

“Magi baso meni. Da tǫde pęwadage sogo bidibo dao, te bidigo tigi noma te tǫde osogo elalubo tiwai bidibo dao. Tama polo tama hagawaibao. Dago dwasianu kolesaga naga elalubo.

Jopgo Po Asęani Elalubo Buku 25:5

Dago polua ula genuai subo dao. Tiali goli, Godigo gedude da, te dwasianunu mu dao. Tama hǫ dabe me agai gedude dwagi yai menio.

Godigo Nogi Ugwaba Sabo Tęąbi Po Wabo Buku Dabe 39:6

Tigidali bidi te ni noma te giligade elalubo tiwai ebao. Augwa te doado bage hauwa sabo sę dene ebadi, tiali goli, augwa te sę dene odolali hagayu yai. Te bidi dabego doado bage hauwa sisinani, tiali goli, augwali isibo si, dego sogowe, te augwaligo me konebeo.