Jopgo Po Asęani Elalubo Buku 13:5 - Godigo dwagi yai po buku

⁵ Tama tibaso yaide, po ma wagio, pedauwali pania sao, tama bidi dabego homugo dage dwagi yai homu kolesaga elaluba homu yabo,” wali.

Jopgo Po Asęani Elalubo Buku 13:5 Referans Kwoze

Bugagia Bidibo Kolesagade Po Asęai Buku 17:28

Te wiegi yai homu kolesaga elalusiąbo bidigo, agai pedauwali pania sobaso da, teda te bidi dabego homugo agai te wiegi yai homu kolesaga koneai elalubo homu yaibao.

Jopgo Po Asęani Elalubo Buku 13:13

Jop agai po genina mu ma weyu, e tama wali, “Dage pedauwali pania selama, enaduba deli naga po omainogo sula tagalao. Tama tagala, magi sę ena tigide pedalu si da, eno pedauwali pania sogobeo.

Jems 1:19

Eno dwagi yai ama dedeo, dagego e po pagede bugagia kone palama, koneao. Dagego te po odabo homu sisi elama, wabo po odao. Te dagego polo asesa te po weyu, tama dagego polo wado po wabo homu olamu dao. Dua yao, sębę polo egimio.

Kolesaga Koneai Bidigo Pusali Po Elalubo Buku 5:3

Te nai hauwade nago moni homu hauwa dogia peyu da, te nago na hauwa yabuo. Te nago po me hauwa obaso da, teda nago po gani bole odolali weyu, te wabo pabo bidigo po wabo tiwai igio wali.

Amos 5:13

Te we bidi augwaligo te tobage dwai kolesaga ebo sogo, te kolesaga koneai bidi, doloba pai bidi, agai pedauwali pania sai elalu, te agai po me deli augwaliba me wagobeo.

Jopgo Po Asęani Elalubo Buku 32:1

Tama megi da, Jop aga abagi selago suali, Jop agai dwai sę me yai menio olama, po bomo elama, aga doloba pai bidi dao olama, po bomo ebaso, augwaligo Jopgo po wei me ponobe.

Jopgo Po Asęani Elalubo Buku 19:2

“Dagego pogo ena dolama, dene genuai mu te mobao. Nisu dagego te po tagalaibawe?

Jopgo Po Asęani Elalubo Buku 18:2

“Jop, nisu nago pedauwali pania saibawe? Nago naga po bolo hasia bugagia kone palao, tama dago nage dali po waibao.

Jopgo Po Asęani Elalubo Buku 16:3

Dagego enabolo e tama wali, ‘Jop, nago po olo wę asobo tiwai tebao. Tama mena sogo pedauwali pania saibawe? Nago mena homu elaluyu, nage dwai bidiyu, dago po odaibawe? Meniwe te obao. Nago po wei ponoyu naga ebo.’ Dagego te po wabo dao.

Jopgo Po Asęani Elalubo Buku 13:6

“Tama megi da, dage pedauwali pania selama, eno po waboba olo munama, odao.

Jopgo Po Asęani Elalubo Buku 21:5

Dagego ena bugagia tonaluao. Tama dage noma selama, hodaluyu yaide, duga nogo gąųgo halua naibao.

Jopgo Po Asęani Elalubo Buku 32:16

Suao, augwali olo mu dolalubo. Eno homugo augwaligo po meba ma wabo ąǫ ebe. Tama tibaso, eno tonaluabo ąǫ me ebeo.