Jopgo Po Asęani Elalubo Buku 13:25 - Godigo dwagi yai po buku

²⁵ Ena da, olo ni yabe dali, olo nosai sasi isila pabo tiwai dao, te waligo subigila sąsąbo tiwai dao. Tama tibaso, nago ena magi baso wi ilama, magi baso dene ilama, tagalobawe?

Jopgo Po Asęani Elalubo Buku 13:25 Referans Kwoze

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Pris Sę Ebo Bomai Po 26:36

“Te dage hani dwasianu naga elalu, te boi hwįbo sogo me isigobeo, te dage boi bidi dabego tǫ kantriba bidigi paibao. Te dage eno wi dwai mu ilaibao, te dagego waligo te ni yabe gele gele dwasianu wabo odobaso da, teda dage odolali wi elama, tama te boi bidi dabego pobebaso wi pabo tiwai yaibao. Te boi bidi dabego pobesąbadi digi, te dage odolali wi pelayu, udabogo duga hasi hodola palama, tula munana paibao. Te boi bidi dabego dage dali hwįbaso da, teda dagego augwali dali me hwįgobeo.

Matyu 12:20

Te awi dili me deli dwasianu togwa painogo yali, te tigidali me agai togwa pogobeo. Tama te lamde mubo hobi dwasianu bogoli idubo, te me agai tigidali te isiligobeo. Menio. Agai te tobage bomo kimi meni yai we bidi tau sabo sę iduaibao, tama bomonama elama, te doloba pai sęgo te dwai sę aiyaba elaluaibao.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Jopgo Po Asęani Elalubo Buku 14:3

Tama tiali goli, nago magi baso dago kolesaga osabo dawe? God, ena olo dao. Tama magi baso nago ena po tų ela mobawe?

1 Samuel 24:14

Da Israelgo king, nago ena pobeasa biliba, agawe? Tiali goli, ena de dawe? Ena te isai yowi tiwai yai. Ena te nǫ me deli tiwai naga dao.

Jopgo Po Asęani Elalubo Buku 19:22

Magi baso dagego ena dolobao, Godigo ena dolobo yali gilama? Dagego ena dwai bidibo sulama goli, magi baso ena aiyaba elaluainu po hauwa mu haniani po obawe?” wali.