Biblia Todo Logo
Bib sou entènèt

- Piblisite -




Jopgo Po Asęani Elalubo Buku 13:16 - Godigo dwagi yai po buku

16 Ma, eno God dali po wabo wi isąma eyu da, eno homugo tibo ena dwai sę isąwai bidi dao homu agai yaibao. Tama agai ena hobede elama, tama ena bugagia bidimainu sula tagalaibao. Magi baso meni. Dwai sę ebo bidi dabego da, God dali po wabo wi yaibao.

Gade chapit la Kopi




Jopgo Po Asęani Elalubo Buku 13:16
15 Referans Kwoze  

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”


Genuai Bidi, nago eno gedu haluasa po wabo odolama, tama nago ena tau selama, te ena bugagia bidibao. Tama tiyu, eno nago nogi ugwaba sobao.


‘Nage eno sole tiwai nigilibe dao, te Juda hani isąwai te tigidali tǫ pedaide bidalubo we bidi augwaliba ula ilimai hagede ebao. Tama nago tigidali tǫde bidibo we bidi tau selama, Godigo augwali ma somainu yao,’ wali,” Polgo te po wai.


Mu tamao, te bulu du dabede penani sę ela bilibo kolesagago te da tau sabo usugobeo,” wali. “Genuai Bidi, dago God, nage deligo naga da Israel ma sobaso usu mu yaibao,” te po wai dao.


Genuai Bidigo ena bomai mu pedalumainu ilalio. Agai digi ena tau siyu, ma dobola sai dao.


Genuai Bidi God aga te eno ula page da, tama agai ena tau sabo da. Tama tiyu, te bidi me delide ena midigi me egobeo. Genuai Bidigo naga ena seselalubao, te moni bomai obo tiwai te palialubao. Tama tiyu, te magi nai me delide ena wi me egobeo.


“Te God tudi ola mabo bidi dabe, augwaligo genuai sęgę augwaliba sabalobo si, augwaligo God dali sębę genuai mu ebo dao. Tama augwaligo Godigo augwali tau somainu i wabo menio.


Te bidi dabe te God tudiba mubo bidi dabe augwali te nosai dabe tiwai dao. Te bidi dabego augwa dolabo sunumi wali pabo dao. Augwaligo homugo tibo meni, augwali bugagia bidiba homu egobeo. Menio. Augwali olo tama hagawaibao.


Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.


Tama megi da, te eno homude elalubo po pusaibao. Tama eno homugo dagego olo saganama, eno po odao.


Ena doloba pai bidi. Tama ena agai gedude dolo po tųde doliyu da, eno aga dali po migi dao. Tama agai eno po odoyu da, teda agai e tama waibao, eno dwai sę me agai gedude me ebeo po wagi dao. Tama eno po tų da, mu siligi da,” wali.


“Godigo yaide, da we bidigo kolesaga tigidali sula silama, da bilibo madi sese tama sula silibo dao.


Swiv nou:

Piblisite


Piblisite