Jopgo Po Asęani Elalubo Buku 13:15 - Godigo dwagi yai po buku

¹⁵ Eno gasa nai me tonalubeo. Ma, tama Godigo ena elama, isiliyu da, teda aga homugo naga dao. Tama tiali goli, hasia eno agai gedu e tama ola mawaibao, eno dwai sę me ebeo.

Jopgo Po Asęani Elalubo Buku 13:15 Referans Kwoze

Godigo Nogi Ugwaba Sabo Tęąbi Po Wabo Buku Dabe 23:4

God, ena te dwai bulu te be hulia sai madi bilibaso da, te tagalao, ena te dwai naide wi me egobeo. Magi baso meni, nage ena dali bidibao. Eno suali, nago te sipsip tonalubo bidigo dono tolasa bilibo suali, tama tibaso, eno homu nagame elama, bidibo dao. Ena me dologobeo.

Jopgo Po Asęani Elalubo Buku 23:10

Tiali goli, Godigo ena bilibo dabe tigidali mu koneanio. Ma, aga ena usu siyu da, teda agai ena tonobo da wiegi yai gol masigi tonobo tiwai yaibao.

1 Jon 3:20

Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.

Jopgo Po Asęani Elalubo Buku 27:5

“Tama tibaso, dagego bugagia mu odao. Te po dagego enabolo wali po dabe mu tama menio. Eno te homu ebo dao, tama te homu hasegelegobeo. Magi baso meni. Eno haliga dali, homu kolesaga dali si dolo mu Godigo gedude elalubo. Tama eno po bomo elama, e tama wali. Eno dwai kolesaga dabe, magi sę dabe me, te dwai dwai nai dabede me ebeo. Tama eno te deli po naga ola pidubadi, ena isibo sogoba siligi paibao.”

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Jopgo Po Asęani Elalubo Buku 13:18

Godibolo pusabo po polo usu selama elalubao, eno te bidigo po tų ebode po pusainu ebo gilama. Eno koneani, eno dwai sę meni, tama tiyu, eno te po tų ebode eno po ela holaibao.

Jopgo Po Asęani Elalubo Buku 40:8

Nago po bomonama, e tama wali, nago tigidali kolesaga dolo dao, po wali. Tiali goli, nago ena magi baso po tų ela maniwe? Tama nago magi baso eno doloba pai kolesaga ebeo po waliwe?

Jopgo Po Asęani Elalubo Buku 40:2

“Jop, nago pogo ena dali hwįbo tiwai walio. Ena da, Tigidali Bomo Elalubo God dao. Tama nago ena po tų ela manio. Tama megi da, eno nago eno po wei ponomainu agebele e ilibao. Nago wei ponobo usu yaibawe? Ma, meni yaibawe?” Godigo te po wai.

Jopgo Po Asęani Elalubo Buku 16:21

Tama eno homugo te ena bidabo bidi agai ena tau somainu yaiba, te God dali po dodolobode, te bidigo aga abagi po dodolobo tau sabo yali gilama.

Jopgo Po Asęani Elalubo Buku 16:17

Eno dwai sę me isąbadi, tiali goli te sęgę dabe eno tigi olo dali mu pedalali. Eno gasa bidi dabe dali dwai sę me ebeo. Tama me ma, eno gedu haluasa po me, ena bilali me, God aga gedude mu elalubadi goli da.” Jopgo te po wali.

Jopgo Po Asęani Elalubo Buku 7:6

Me ma, ena e tǫde bidibo sogo polo peyu ebo. Tama tibaso, eno homugo eno tigi ma usu yaiba homu menio,” Jopgo te po wali.

Jopgo Po Asęani Elalubo Buku 10:7

Nago koneani, eno dwai kolesaga mu meni. Tiali goli, nago eno tigide dene mabo sę ebo. Tama nago koneani, ena nago nogode gasa bidigo dobola sabo usu meni,” wali.

Jopgo Po Asęani Elalubo Buku 13:3

Tama tiyu yaide, ena dage dali po wabo hagela mu yali. Eno homugo God Tigidali Bomo Elalubo Bidi dali po wabo homu yali. Eno homugo dadi si pogo hwįbo tiwai eyu, eno sęgę dodolaiba.

Jona 2:1

Jona te sųgų haligade bididu, tama agai Godibolo gedu haluasa po wali, agai Genuai Bidi dao.

Habakuk 3:18

teda te sęgę tigidali pedalali goli, te tagalao, te eno Genuai Bidide wiegi yai homu pemene elama, bugai haliga yaibao. Magi baso meni, Genuai Bidi aga te God da, tama aga da, te ena ma dobola sabo bidi dao.