Jopgo Po Asęani Elalubo Buku 13:12 - Godigo dwagi yai po buku

¹² Te polo po dabe dagego pusali da, teda te olo nai mu dao, te isi nogobo sisi dulu tiwai dao. Tama me te pu anilai tiwai dao. Te augwali dili isąwai tiwai dao,” Jopgo te po wali.

Jopgo Po Asęani Elalubo Buku 13:12 Referans Kwoze

2 Korin 5:1

Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.

Aisaia 26:14

Megi da, te genuai bidi dabe polo isila palio. Augwali me bidibeo, tama augwali ma hodalobo usu me egobeo. Nago augwaligo bomo aiyaba elaluama, tama nago augwali dolama, tama nago augwali mu dolai dao. Tama te we bidi dabego augwaligo nogi me kone ebeo.

Bugagia Bidibo Kolesagade Po Asęai Buku 10:7

Te wiegi yai bidi me deli isibo sogo da, te we bidi dabego aga homu kone palama, tama pemene umabo mu yaibao. Tiali goli, te dwai sę ebo bidi dabe isibo sogo, te we bidi dabego aga polo homu kone ebo gegeda paibao. Te ni mobia pabo tiwai eyu, te bagego nogi silaibao.

Godigo Nogi Ugwaba Sabo Tęąbi Po Wabo Buku Dabe 109:15

Genuai Bidigo te augwa yali dwai sęba me konealudubaso, tama te we bidi dabego aga haniba te homu kone isiąmainu yao. Eno te homu ebao.

Godigo Nogi Ugwaba Sabo Tęąbi Po Wabo Buku Dabe 102:12

Tiali goli, Genuai Bidi, nage sesemane sogo king bidibao. Te nosali pedalubo hani we bidi tigidaligo te augwaligo nage koneaibao.

Godigo Nogi Ugwaba Sabo Tęąbi Po Wabo Buku Dabe 34:16

Tiali goli, agai te dwai sę ebo bidi dabe wei isiąyu, tudi ola mabo dao. Tama agai te augwali ela muyu, tama te we bidigo augwali homu kone ma egobeo.

Jopgo Po Asęani Elalubo Buku 18:17

Tama we bidi dabe augwali homu gegeda paibao, tama te bulude augwa nogi sia saibao.

Jopgo Po Asęani Elalubo Buku 4:19

Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.

Ma Dobola Sali 17:14

Tama nosali Genuai Bidigo Mosesbolo te po wai, “Te po te buku me delide asęnama, te we bidi augwaligo homude konealumainao. Te po e tiwai, ‘Genuai Bidi eno te Amalek dabe mu silaibao silama, tama te we bidi dabego homugo augwali munu me ma konegobeo.’ Tama nago te po Josuabolo me mao,” te po wali.

Tigidali Nai Gagalama Nigali Side 18:27

Tialima, Abrahamgo po ma wali, “Genuai Bidio, nago eno te po hauwa wabode wado po wabo homu me elamuo. Ena olo bidi naga dao. Eno magi nai po deli me wagobeo.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Jopgo Po Asęani Elalubo Buku 13:11

Tama tede dagego agai genuai bomo odama, tama dage agade wi mu yaibao.

Jopgo Po Asęani Elalubo Buku 13:13

Jop agai po genina mu ma weyu, e tama wali, “Dage pedauwali pania selama, enaduba deli naga po omainogo sula tagalao. Tama tagala, magi sę ena tigide pedalu si da, eno pedauwali pania sogobeo.

Jopgo Po Asęani Elalubo Buku 27:1

Tama Jopgo po ma wadoluyu, e tama wali.

Jopgo Po Asęani Elalubo Buku 29:1

Tama Jop agai po genina ma weyu, e tama wali,

Jopgo Po Asęani Elalubo Buku 21:34

Eno te tobage kolesaga te dwai sę yali bidi dabede pedalobo subaso, eno te homu ebao, dage ili po olama, gani bole ebo bidi dabe dao. Dagego homugo te dagego enabolo pogo eno haliga dili ilimainu ebawe? Te bage? Hobede ebo. Te po dabego ena deli me tau sabeo,” Jopgo te aga abagi selabolo te po wai.