Biblia Todo Logo
Bib sou entènèt

- Piblisite -




Jopgo Po Asęani Elalubo Buku 12:4 - Godigo dwagi yai po buku

4 Tiali goli, megi da, dage eno abagi dabe, dagego ena gisugu mabo dao. Eno dwagi yai kolesaga naga eyu, tama Godigo gedude dwai sę me ebeo. Tama polobadu da, agai eno gedu haluasa po wabo odai dao. Tiali goli, megi da, dagego gisugu magasobao.

Gade chapit la Kopi




Jopgo Po Asęani Elalubo Buku 12:4
26 Referans Kwoze  

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.


Te bidi Jop agai po ma wadoliyu, e tama wali, “Megi da, te nai meni yai bidigo wai dabe aselama, ena posobo po weyu, gisugu mayu ebao. Augwa aya dabe te olo nai tiwai, te we bidi gedude nai mu meni yai bidai. Tama augwaligo dwagi yai sę me yabo usu yai meni. Tama eno te tama tiwai bidi dabe pelama, te eno yowi dabe tau selama, eno sipsip kibu dabe me tonalugi pa po wagobeo. Magi baso meni, augwaligo te sę ebo usugobeo.


Eno po bolo omainu sula tagaliyu bolo yao. Tama eno po wala silibo si, tama da, Sofar, nago ena posobo po ma waganio.


“Megi da, Godigo ena sęgę mobaso sulama, tama we bidi augwaligo eno gesabidiba pesą sąbo. Tama tigidali bulu badu ena posobo po weyu, e tama wabo, ‘Suao. Jopgo dwai kolesaga mu yai digi, tama aga dwai nai mu te dolobao,’ augwaligo te po obao.


Bidi dabe ena bagua selama dolaluyu, tama ena posobo po wabo. Tama eno augwaligo te dwai kolesaga augwa ebo suali.


“Bidi dabego ena bobegela sali, enade dwai sę yainu. Augwaligo ena gisugu mayu, eno naboge eleyu ebo.


Tama te Godide konealubo po dąų wali we bidi meba te boi bidi dabe augwaligo te dwai posobo po sęgę siyu, tama augwali dodolama te dwai bįgo subigila elali, tama sengo augwali kęnama, tama augwali kalabusiba muyu yai dao.


Te sogo Pol agai bidi me deli gų pagede ma hodaluali po pusubo da, bidi me badu augwaligo te po gisugu mani. Tiali goli bidi me badu augwaligo agabolo te po wali, “Dago homugo nago te po dabolo ma pusa mao,” wali.


Te Farisi bidi hani dabe augwaligo Jisasgo wali po odali. Augwali te mone dali pesa ebo bage bidali. Tama tibaso, Jisasgo agai po obadi yaide, augwaligo bo weyu bidali.


Tiali goli augwaligo aga gisugu mani. Tama tibaso agai te be tomode bidali tigidali we bidi buluba gudula silali. Tama agai te wai aga aya de ida dali si naga selama, tama aga wali pabo bidi sela sobadi elama, tama augwali te isali wai munalubo madi te be habu tomoba pali.


Tama augwaligo sesani yai bonogo madi me deli nigilama, tama augwaligo Jisas toboluba muai. Tama elama, tama augwaligo te awi dili me deli agai dolo nogode muai. Tama augwaligo agaba kidu sugunama, tama augwaligo posobo po agabolo e tiwai wai, “Siade dao, Juda dabego tuni bidi dao.”


Tialima, ena da, ena digi dwagi yai homu eyu, eno konealubo homu Genuai Bidiba dąų walio. Te Godigo eno gedu haluasa po wabo odama, tama eno te eno God agai ena tau sagasobo tonalubo dao.


Te nago enaba i wao, tama eno nago te gedu haluasa po wabo wei ponaibao. Te geme dualalubo genuai nai dabe, te nago konesiąwani nai dabe po te nagebolo pusaibao.


Te doloba pai kolesaga wali pabo bidi, aga te Genuai Bidi wi eyu, aga dologode bidibao. Tiali goli, te tibo po wabo kolesaga wali pabo bidi dabego homugo te Genuai Bidi te olo nai me tiwai da, te homu ebo dao.


Augwaligo posobo po umabo mu weyu, tama enaba sęgę mani. Augwaligo ena wei me isiąma, tama augwaligo enade gebo hulia sali.


Te eno abagi dedego ena godolo isąmaiyu, ena dolobo. Tiali goli, eno Godibolo gela geninama wabo dao.


Dagego te tobage po dali, kolesaga dali si tagama, tama doloba pai kolesaga elama, eno kolesaga osayama. Dagego ena aiyaba elalugi, eno magi dwai sę me ebe.


Tama te sulama, Jisasgo augwalibolo te po wai, “Dage we bidi tigidali buluba piąo. Te wegi isibe dao, aga olo pila mubao.” Tama Jisasgo te po obaso, te bede bidali we bidi aga dwai gisugu mawai.


Mu tama mu, eno magi sęgę sę deli mu me ebe. Tiali goli, eno homugo ena te olo nai dabe mu ąǫ te ebao. Tama ena bidibo ula mu da ena hagela mu ebao.


Te bidi dabe meba augwali bugagia bidiyu, dwai sęge augwaliba me asobeo. Te bagego dwai sęgę elalubo bidi dabe gisugu mabo dao. Augwali e tiwai dao, te bidi sunumide tulaluainu ebaso, tama augwali degemainu dega palobo tiwai gilama, mu dega palobo dao.


Godibolo pusabo po polo usu selama elalubao, eno te bidigo po tų ebode po pusainu ebo gilama. Eno koneani, eno dwai sę meni, tama tiyu, eno te po tų ebode eno po ela holaibao.


“Tama megi da, te bagego ogwa dabego ma ena posobo pogo balia po wabo. Tama augwaligo homugo ena olo nai tiwai elama, augwaligo eno nogi olama, ena mu dolobo yabo.


“Mena gasa bidigo Jopgo yali dwai sę tiwai yai dawe? Jopgo Godiba posobo po genina mu wali.


Genuai Bidio, nago ena homu bega siyu, te nago sę emainogo yali, tama eno nago te homu bega sabo po odali. Nago bomo mu ebaso, te eno nago po aiyaba elaluabo usu meni yai. Tama megi da, te tigidali we bidigo enabolo posobo po weyu, te augwaligo ena sesemane sogo gisugu mabo dao.


Swiv nou:

Piblisite


Piblisite