Jopgo Po Asęani Elalubo Buku 12:21 - Godigo dwagi yai po buku

²¹ Agai tobolu bidi dabego nogi aiyaba ilama, tama augwali nai meni yai bidi gagalobo dao. Tama agai bomai bidi dabego bomo me silibo dao.

Jopgo Po Asęani Elalubo Buku 12:21 Referans Kwoze

Godigo Nogi Ugwaba Sabo Tęąbi Po Wabo Buku Dabe 107:40

Genuai Bidigo te boi bidi dabego tobolu bidi dabe te olo nai tiwai naga pedalumainu elama, tama agai augwali te wa pai bulude te sunumi meni yai madi bilalumainu yalio.

Efesus 6:14

Awe, dage e tama tiwai dola selama dolaluao. Dagego Godigo mu po te duga kugulu tiwai gudulama, tama bugagia dąų olama, tama te doloba pai wiegi yai kolesaga ebo te dagego duga hagawia sesela sabo nai tiwai abiao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Aisaia 37:38

Me sogo side deli sogo aga te aga tibo godigo lotu beba pelama, te aga god Nisrokba lotu udubo sę yali. Te aga ogwa sigo digi, te Adramelek me Sareser sigo, te bainat hwą selama, te lotu be tomoba pelama, te aga ela muanio. Te nosali augwa si wi pelama, te bulu tǫ kantri Araratba bidigi pai. Tialima, aga gasa ogwa me, aga nogi te Esarhadongo, te aga aya pesage hasegelama, te Asiria king pedelai dao.

Aisaia 23:9

Te da te Tigidali Bomo Elalubo Genuai Bidigo pode te bulu tama dolai dao. Genuai Bidigo te tama tiali da. Magi baso meni. Agai te bidi hani augwa bomo de augwa genuai nogi dabe ugwa siyu, me augwa homu gana peyu ebo bidi dabego nogi aiyaba elalubo dao. Tama me, agai te bidi dabe genuai nogi yai bidi dabe me agai aiyaba elalubo dao.

Aisaia 22:21

Tama eno te nago te tuni bidigo ofisa bidigo gudubo wiegi yai ugwa me kibu wali selama, te Eliakim gudulaibao. Tama agai nago megi ebo sę saibao. Tama agai te Jerusalem we bidi, me te Juda we bidi, tigidali tonaluaibao. Tama aga augwaligo aya tiwai bidaibao.

Aisaia 11:5

Te tama doloba pai kolesagago tama aga we bidi tonaluaibao. Aga bomo elama bidiyu, aga sę bugagia yaibao.

Aisaia 5:27

Te ami bagego bidi dabe da, te bomai bidi dabe naga dao. Te augwali me deli sągą dili telega elama, tulaluainu yai me menio, o te agai gedu godege magana pai me menio. Augwaligo kibu waligo te gudali ugwa bugagia kęnama, asaibao. Augwaligo bomai su sągą sendol guda sesa paibao. Te togwa pabo ąǫ isąwai me gudugobeo.

Te Israel me Juda Hani Sigo Tuni Bidigo Po Elalubo Buku Si 9:26

‘Tialima, te do tama eno suali, ma te bidi dabe augwaligo te nago homugo ebo kolesaga tų wali peyu, tama augwali te Nabot aga wai buluba dali te augwaligo elama isilalio, tama teyu, te ena Genuai Bidi dao, te eno mu po tama obao, tama te nago te Nabot tǫde yali dwai kolesaga te eno nagebolo dolo mu wei begelaibao.’” Tama te Jehugo te Bitkarbolo e tama po ma wali, “Te Joramgo tigi selama, tama te Nabotgo tǫ naga tama sągi pao, te Genuai Bidigo poba usu nigi peyu, tama tiao,” wali.

Ma Dobola Sali 16:24

Tama augwaligo Mosesgo po wali pelama, te sogo nai meba ula tuali, tama augwaligo ulusiąwani nai meba te nosali side ulainogo muai. Tama do kigamu augwaligo suai, te nai damua pisąma, tama dwasianu kigi dabe me pedalobeo.

Ma Dobola Sali 8:2

Nago augwali tagala palisiąbaso da, teda eno te gedeli dabe augwali tagala palama, augwali te dagego be tomoba aselama, tama nago tǫde bidibo we bidi augwali dolaibao.

Jopgo Po Asęani Elalubo Buku 3:15

Tama tialima, ena me augwali dali bugagia pila mugi da, te genuai bidi dabego te silva dali, gol dali si augwa bede pągąnani, tama te bage augwali polo isai dao.

Jopgo Po Asęani Elalubo Buku 12:18

Tama agai te tuni bidi king dabe augwa sęde sela sąbo dao, tama tuni bidigo ugwa ma gudubo menio. Augwali olo name ugwa gudubo dao, te olo sę bidi dabego gudubo gilama.

Jopgo Po Asęani Elalubo Buku 34:19

God deligo naga agai te tama po wabo usu yaibao, magi baso meni, agai te tigidali we bidi nigai dao, tama agai gedude tigidali deli tigi poąį naga bidibao, te augwali doado bage hauwa elalubo bidi dabe me, te doado bage hauwa elalusiąbo bidi dabe me, tede moni homu me elalubeo, te tagalao. Te tigidali bidi Godigo gedude deli tigi tiwai naga bidibo dao.

Aisaia 40:23

Agai te king dabe te olo bidi tiwai pedalumainu ebo dao. Tama agai te bomai bidi dabe aiyaba elaluama, te augwa nogi me elalubo menio.

Aisaia 45:1

Genuai Bidigo te tiwai po wali, “Eno te Sairus sa munama, te Persia bulu tǫ kantri king pedalumainu yali, te agabolo eno te gasa bulu tǫ kantri dabe aiyaba elaluama, te gasa kingo bomo dabe silimainu yabo bomo mawai. Ena digi eno te taun obo sunumi dala palama, te Sairus tomoba pelama, te taun somainu elali. Te Sairusbolo eno te tiwai po wai dao,

Amos 2:3

Eno te Moap king ela mubadi, te aga ofisa dabe dali tigidali ela mueibao.” Te po da, Genuai Bidi aga po dao.

Jopgo Po Asęani Elalubo Buku 30:11

Godigo ena aiyaba elaluama, tama ena bomo kimi mu tamunanio. Tama tibaso, te bagego ena dolobo wi munu ma ebe. Menio. Augwaligo dwai kolesaga ena dali naga yai dao.