Jopgo Po Asęani Elalubo Buku 12:2 - Godigo dwagi yai po buku

² “Mu tama. Eno homugo dage sela naga dwagi yai kolesaga siyu, homu kolesaga elaluyu yali bogo. Tama dage isibo sogo da, tama dagego te dwagi yai kolesaga dali, te homu kolesaga si duga sela peyu paibawe? Tama mu silaibawe?

Jopgo Po Asęani Elalubo Buku 12:2 Referans Kwoze

1 Korin 6:5

Eno te po wabode dage bugagia bidimainu obao, te dagego te tiwai ebo kolesagade te dage hale yao! Magi baso meni. Te dage tomode te ama name si tomode pedalobo po dagalabo te kolesaga koneai bidi me deli naga meni ebawe?

1 Korin 4:10

Te Kraisgo nogi ugwaba sainu, da te tǫde we bidigo gedude te kolesaga geda muyu te polobo bidi tiwai bidibo dao, tiali goli dage te Kraisgo kolesagade te kolesaga koneai bidi tiwai bidibao. Dage bomai we bidi mu bidimainogo eyu tama dago dena digi bomo meni yai bidi dabe ilali. Dage genuai wiegi yai nogi elalubao, tiali goli dago nogi meni yanio.

Aisaia 5:21

Dage dolaibao. Te dage bidi duga homugo dagego kolesagago gasa bidi dabego kolesaga aiyaba elaluali dao homu ebo bidi dabe, dage.

Bugagia Bidibo Kolesagade Po Asęai Buku 28:11

Te mone hauwa elalubo bidi dabego te homu yai, te augwaligo koneani kolesaga te hauwa elalubo homu yai. Tiali digi, te wiegi yai homu elalubo magi nai meni yai bidigo, agai te augwaligo kolesaga page mu konebo dao.

Jopgo Po Asęani Elalubo Buku 20:3

Nago wado po eno polo odali. Tama tego da hale mu ilali. Tiali goli, eno dwagi yai homu kolesaga elalubao, tama eno nago po dolo wei ponaiba.

Jopgo Po Asęani Elalubo Buku 17:10

“Abagi dede, megi da, dage hodaluama, po ma wao. Tiali goli, eno dagego po odobo sogo da, teda eno homugo e tama tiaibao. Dage me deli dwagi yai kolesaga dali, homu kolesaga meni yai te yaba waibao.

Jopgo Po Asęani Elalubo Buku 17:4

Eno e abagi dedego ena tau sogobeo. Magi baso meni. Nago augwaligo homu kolesaga paliama, tama augwali megi kuna konebo meni. Tama augwaligo ena aiyaba elaluabo homu naga ebo. Tama tiyu yaide, nago augwaligo ena aiyaba elalumainu sula tagalamo. Menio.

Jopgo Po Asęani Elalubo Buku 15:2

“Jop, nage koneai bidi, tama nage dwagi yai kolesaga elalubo bidi dao. Tiali goli, nago magi baso po hauwa olama, wali asobo tiwai elama, pedauwalidu po hauwa dogia pobawe?

Jopgo Po Asęani Elalubo Buku 11:12

Tama nago kibu donkigo wai ame nabo si, te bidi gesabidi poai ame nogobeo. Te tiwai me te dwagi yai homu kolesaga wali pisąwai bidi agai wiegi yai kolesaga me sogobeo,” Sofargo te po wali.

Jopgo Po Asęani Elalubo Buku 11:6

Tama eno homugo aga digi nagebolo te dwagi yai kolesaga page dabe, me te dwagi yai homu kolesaga page dabe ola momai igi dao. Magi baso meni. Nai hauwa mu geme dualalubao, te da bidi dago kuna konegobeo. Jop, eno homu nago konemai yaibao. Godigo nage dali dua mu yali, tama agai nage genuai sęgę mu mabe, te nago dwai kolesaga dolo wei ponoyu,” wali.

Jopgo Po Asęani Elalubo Buku 11:2

“Jop, nago po hauwa mu te wabosei. Tama nago homugo nago te pogo nage dolo yai dao, dago te po omainu ebawe? Tega. Tama nago te dwai dwai po wabogo dago penane paliasa bidimai walama, nago te po obawe? Nago tigidali dwagi yai kolesaga homu dabe dolali. Tama nago homu te naga tede naga hale ilabo bidi meni yali, nago te homu eba, agawe? Ena pedauwali pania sogobema. Eno homugo nago po dabe wei ponaibao.

Jopgo Po Asęani Elalubo Buku 12:1

Tama Jop agai po wei ponoyu, e tama wali,

Jopgo Po Asęani Elalubo Buku 26:3

Tama me ma, nage bidi homu kolesaga meni yai bidi tau sabo bidi mu yali bogo. Eno odali, nago ola mabo po hauwa mu wali, te dwagi yai mu dao.