Jopgo Po Asęani Elalubo Buku 11:7 - Godigo dwagi yai po buku

⁷ “Nago homugo nago tigidali dwagi yai kolesaga dabe nago saiba weyu obawe? Tama te Godigo homu kolesaga dali, te bomo dali si nago usu nugi pelama, tama nago agai bomo dali usu nigi paibawe?

Jopgo Po Asęani Elalubo Buku 11:7 Referans Kwoze

Polgo Po Pas Rom Dabeba Asęani 11:33

Ei tegoba! Te Godigo wiegi wiegi yai homu kolesagade ena noma sobao. Te agai sę yabo homu kolesaga dali, agai koneani kolesaga dali, te mu pągąna pelama, tama te tamu ąį gebo dabo tiwai gilama aiyaba mu dulai. Da bidigo agai yali homu kolesaga page tigidali konemainogo ebo usu me egobeo. Dago agai da dali ebo sę page me munu me kuna konegobeo, da tede usu me egobeo.

Kolesaga Koneai Bidigo Pusali Po Elalubo Buku 3:11

Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.

Godigo Nogi Ugwaba Sabo Tęąbi Po Wabo Buku Dabe 145:3

Genuai Bidigo genuai nogi elalubo, tama dago agai nogi ugwaba mu sidu geao. Agai ugwanu mu elaluyu, tama dago agai genuai nogi tigidali koneainogo ebo te usu me egobeo. Magi baso meni, dago homu kolesaga te habuge dao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Aisaia 40:28

Te dagego konebe da, agawe? Te dagego odobe da homu eba, agawe? Genuai Bidi te sesemane bidada pabo God dao, tama agai te e tǫ tigidali badu sese nigai bidi dao. Te mena bidi mego agai homu kolesaga tigidali me konea siligobeo. Agai bomo kimi te meniama, te me sia sogobeo.

Godigo Nogi Ugwaba Sabo Tęąbi Po Wabo Buku Dabe 77:19

Nage wali te tamu wę tomode bilali. Nago sunumi te genuai tamu ąį tomode elaluali. Tiali goli, dago te nago sągą pasalu me susiąbo dao.

Jopgo Po Asęani Elalubo Buku 37:23

Tigidali Bomo Elalubo God te ugwanu mu elalubo, tama da aga pąba pabo usu egobeo. Agai genuai bomo mu elalubo, tama aga doloba pai mu dao. Agai te po tų dodolobo sę ebode doloba pai kolesaga naga ebo dao. Tama agai da olo dali aiyaba elalugobeo.

Jopgo Po Asęani Elalubo Buku 5:9

Agai haniani sę hauwa mu ebo dao, tama dago te sę nedebo usu egobe. Augwaligo dago kolesaga edelai, te dago kuna konegobeo.

1 Korin 2:16

Awe, te Godigo po bukude po me elalubo e tiwai wabo, “Dego te Genuai Bidigo homu konebaso, te agai Genuai Bidi mobo mabo usu egowe? Bidi meni,” te asęani po tama wabo. Tiali goli te Kraisgo homu kolesaga dago elalubo dao.

1 Korin 2:10

Tiali goli te polobadu geme dualaluali po te Tedali Mobo Bidigo sęde te Godigo dabolo ola mani. Tedali Mobo Bidigo te tigidali nai osola suyu tama koneani. Tama te Godigo homu kolesagade aga geme dualali nosali sę yabo homu, te me te Mobo Bidigo konebo dao.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Jopgo Po Asęani Elalubo Buku 26:14

Te Godigo nigilama pedelali nai dabe da, dago sulama konebo dao, te nai dabede agai genuai bomo dabolo dwasianunu naga ola mabo dao. Tama tego dago kolesaga edelebo dao. Ma, God agai bomo sese dabolo ola magi sogo da, teda dago mu konegi menigi da. Mu menio. Dago homu kolesaga agai bomoba usu nainogo ebaso da, usugobeo, te dęą saibao.” Te Jopgo te pogo te Bildatbolo po wei ponai dao.

Jopgo Po Asęani Elalubo Buku 22:12

“Jop, suao, te hǫ dabe tigidali ugwanu mu elalubao. Tiali goli, God te dagalude bidiyu, aga te hǫ dabe edelama, ugwadu mu bidibao.

Jopgo Po Asęani Elalubo Buku 33:12

“Tiali goli, Jop, odao. Nago te wali po da, dolo menio. Tama megi da, eno nago po e tama ponaibao. God da, polalubo mu dao. Tama agai homu kolesaga dali, bomo dali sigo da bidigo bomo dali, homu kolesaga dali si edelai dao.

Jopgo Po Asęani Elalubo Buku 33:13

Magi baso nago Godibolo po hauwa weyu, e tama wabo da, agai da bidi dabego po wei ponobo meni, magi baso nago te po wabo dawe?

Jopgo Po Asęani Elalubo Buku 36:26

Tama Elihu agai po genina ma weyu, e tama wali, “God da, polalubo bidi mu da, tama aga ugwanu mu dao. Dago aga munu me kuna konegobeo. Tama dago agai kibu be nisu naga yaliwe olama, konegobeo.

Jopgo Po Asęani Elalubo Buku 37:5

“Godigo pedauwalidu gasagi yai po mu wabo dao, te be kulukulu wabo tiwai, te dwagi yai mu dao. Tama agai haniani sę mu eyu, te dago kolesaga edelai mu dao.

Kolesaga Koneai Bidigo Pusali Po Elalubo Buku 7:24

Te tigidali nai pedalubo page hanilama gegainu ebo sę te genuai mu dao. Dago te digibulu uganu mu elalubo nai, ma te aiyanu mu elalubo nai, te dago sueinu gegebo tiwai ebao. Tialima, dego mu te nai dabe page elalubo gegelama sueibawe?

Jopgo Po Asęani Elalubo Buku 27:11

“Tama megi da, eno dage ola menama, tama dagego Godigo bomo bugagia koneagameo. Tama eno God Tigidali Bomo Elalubo Bidigo homu kolesagade yainu ebo sę po hanilama pusaibao.

Jopgo Po Asęani Elalubo Buku 35:5

Nago dagaluba tonama, te pǫ dabe suao. Augwali ugwanu mu bidibao. Godigo te dagalu dali, pǫ dali nigai dao.

Jopgo Po Asęani Elalubo Buku 42:3

Nago enabolo e tama hanalu walio, ‘Te nage de dawe, tama nago eno sę yainu ebadi panilaibawe?’ Nago te po wali. Hobede mu dao. Eno haniani dwai dwai po olama dolali, te ena digi te po page konesiąma yali po subigila wai dao. Te gasa nai dabe po eno wali da, tego eno homu kolesaga edelai mu dao,” wali.

Godigo Nogi Ugwaba Sabo Tęąbi Po Wabo Buku Dabe 139:6

Nago te koneani homu kolesaga te ena daide ugwanu mu elalu, tama eno homu kolesaga te aiyaba elaluai dao.

Bugagia Bidibo Kolesagade Po Asęai Buku 30:4

De te dagaluba ugwa holama, te tǫba aiya ma dulaliwe? Tama dego te asobo wali te nogogo tola saliwe? Tama dego te pǫde wę muani, te bidigo nai me deli te name ugwade munama, tama halubo tiwai yaliwe? Dego te tǫ habu ununani tigidali dąų walama, tama megi tǫ elalubawe? Aga nogi, me aga ogwago nogi de dawe? Te nago koneba, agawe?”