Jopgo Po Asęani Elalubo Buku 11:6 - Godigo dwagi yai po buku

⁶ Tama eno homugo aga digi nagebolo te dwagi yai kolesaga page dabe, me te dwagi yai homu kolesaga page dabe ola momai igi dao. Magi baso meni. Nai hauwa mu geme dualalubao, te da bidi dago kuna konegobeo. Jop, eno homu nago konemai yaibao. Godigo nage dali dua mu yali, tama agai nage genuai sęgę mu mabe, te nago dwai kolesaga dolo wei ponoyu,” wali.

Jopgo Po Asęani Elalubo Buku 11:6 Referans Kwoze

Esra 9:13

“Te mu tama nago te tiwai po dabolo mu tama obadi, tiali goli dago nago po sela sąyu, tama te dwai sę ebo genuai mu yai. Tama tiyu, nago da sesanobo po obao. Dago te dwai sę hauwa mu yali, tama te nago da tigidali mu doligi sogo da, te dolo igi dao. Tiali goli, te menio, nago te olo tau mabo wiegi yai kolesaga daba eyu, tama nago te dwasianu hani bidimainogo ilalio.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Efesus 3:5

Tama te tigidali sogo polobadu Godigo te geme dualali po hania me haninai menio. Tiali goli megi Godigo Mobo Bidi agai te po page te God aga po wagi pabo bidi dabe dali, te Godigo po ola mabo bidi dali sibolo te geme dualaluali po haninama ola mawai.

Matyu 13:35

te Godigo po pusali bidi profet me deligo pedauwalide pusali po usu numainogo. Te profet bidi agai polobadu te po wai, “Te eno augwalibolo po weyu, tama eno te po digi po wabo tiwai yaibao. Te eno augwalibolo te polobadu mu geme dualaluali po te megi e sogo me geme dualaluali po te po eno augwalibolo pusaibao,” te po wai.

Daniel 2:28

Tiali goli, te dagalude bidibo God deli elalubao, tama agai te geme dualalubo nai page hania hanilaibao. King, Godigo nageba te nosali pedelabo nai dabede te na nagebolo ola manio. Megi da, te eno nageba te nago na yali po waibao.

Jopgo Po Asęani Elalubo Buku 15:8

Nage te Godigo te sę dabe yaiba obadi, nage te sogo me nage tede bidai dawe? Nagaduba deli naga dwagi yai kolesaga elalubawe? Tega? Mu menio.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Jopgo Po Asęani Elalubo Buku 15:11

“Jop, Godigo homugo nago dene osola sulama, tama nage homu nagame elama, dua bidimainu yaibao. Tama me ma, dago po doanu olama, tama nagebolo dwagi yai po wai dao. Tiali goli, nago homugo Godigo te yainu ebo sę te olo da, te homu ebawe?

Jopgo Po Asęani Elalubo Buku 15:5

Nago dwai sę yali. Nago te tobage pogo naga yali dwai sę aiyaba mesegelainu elama, halubo po tiwai te obao. Nago po te ili po wabo bidigo po tiwai.

Jopgo Po Asęani Elalubo Buku 9:4

Godigo haniani dwagi yai kolesaga dabe, me dwagi yai homu kolesaga, tama bomo me elalubo, tama dęą sogobeo. Tialima, niwai bidigo Godigo bomo dali, kolesaga dali si usu selama, God edelaibawe?

Bomai Po 29:29

Tama Mosesgo po geninama ma weyu, te po wali, “Te Genuai Bidi dago God agai dabolo hanilisąma geme duali po meba te elalubao. Awe, te usu dao, te agai sę dao. Tiali goli, agai bomai po dabolo hanilama pusa mani, tama dago nosali ame nabo wąį dabego me, dago me, te bomai po wali tigidali sogo pomainogo yali,” Mosesgo te po wali.

Godigo Nogi Ugwaba Sabo Tęąbi Po Wabo Buku Dabe 103:10

Dago dwai sę ebode da dene sabo digi, agai te dago yali dwai sę usu nama dene dabolo mabo menio. Dago dwai kolesaga hauwa yai, tama agai genuai sęgę dabolo wei begelaibao homu yai, tialima agai te sę ebo menio.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Jopgo Po Asęani Elalubo Buku 11:5

Tegoba. Eno homugo God aga digi nago po wei ponomai igi dao.

Jopgo Po Asęani Elalubo Buku 12:13

Tiali goli, Godigo homu kolesaga dali, te dwagi yai kolesaga sigo te polo bidi dabego kolesaga edelai elalubo. Tama agai genuai bomo me elalubo. Agai magi sę me yainu yali da, agai eyu naga ebo dao,” wali.

Jopgo Po Asęani Elalubo Buku 22:5

Jop, nago haniani dwai kolesaga mu yai dao, tama silibeo. Tama te po pagede naga God nage po tų te ela mobao,” wali.

Jopgo Po Asęani Elalubo Buku 33:12

“Tiali goli, Jop, odao. Nago te wali po da, dolo menio. Tama megi da, eno nago po e tama ponaibao. God da, polalubo mu dao. Tama agai homu kolesaga dali, bomo dali sigo da bidigo bomo dali, homu kolesaga dali si edelai dao.