Jopgo Po Asęani Elalubo Buku 11:13 - Godigo dwagi yai po buku

¹³ “Tiali goli, Jop, nage homu begelama, tama Godiba gedu haluasa po walama, tama nago agabolo hanaluyu, te po wai, ena hobede elama, tau sao po wao.

Jopgo Po Asęani Elalubo Buku 11:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 143:6

Eno nogo si ugwaba siyu, gedu haluasa po nageba weyu, tama eno homu noma ogwa waigo te nage wei mu elama, te bidigo dogoni wa selama, tama aga te wę nogone mu ebo tiwai ebao.

Godigo Nogi Ugwaba Sabo Tęąbi Po Wabo Buku Dabe 88:9

Ena dene tolu, tama eno gedu dolama, tama eno bugagia suabo usu isąwai. Tama tigidali sogo eno gedu haluasa po nageba weyu, te nago ena tau somainu yali.

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.

1 Samuel 7:3

Tama nosali Samuelgo te Israel dabebolo te tiwai po wai, “Te dage homu mu begelama, tama Genuai Bidiba ma begasa asabo homu ebaso da, teda duga te tibo god, me tama te tibo god we Astarte piksaba lotu wabo, te dagego sela sąyao. Tama dage Genuai Bidi dologode mu bidiyu, tama aga deliba naga lotu waiąo, tama teyu da, agai dage tau selama, tama te Filistia ami bidi dabe sela sąyu, te augwaligo dage ma tonalumainu me egobeo,” wali.

Dwagi Yai Gesi Po Lukgo Asęani 12:47

“Te sę ebo bidi me aga genuai bidigo sę ya po wai goli, sisi elama, ya wali sę isąwai bidi, te genuai bidigo te sę bidi bįgo dwaigila mu elaibao.

Godigo Nogi Ugwaba Sabo Tęąbi Po Wabo Buku Dabe 68:31

Te Isip kingo te polalubo bidi dabe te Jerusalemba tagala palama, te nago po odomainu yaibao. Tama te Itiopia dabego nogo ugwaba siyu, tama nageba gedu haluasa po waibao.

Jopgo Po Asęani Elalubo Buku 5:8

Elifas agai po genina ma weyu, e tama wali, “Tiali goli, ena tama nago tigide sęgę yali tiwai igi sogo da, teda ena Godibolo gedu haluasa po wagi da, agai eno te sęgę silimainu.

Tuni Bidi Dabego Po Elalubo Buku Si 19:3

Tiali goli nago meba wiegi yai kolesaga me ebo dao. Nago naga kantride elaluali tibo god we Aserago piksa noma alulama sąwai dao. Tama nago Godigo homu kolesaga wali pabo homu kolesaga bomo mu yai dao,” Jehugo te po wali.

Tuni Bidi Dabego Po Elalubo Buku Si 12:14

Rehoboamgo dwai kolesaga Genuai Bidigo gedude yali. Magi baso meni, agai Genuai Bidigo homu kolesaga wali pabo homu ebeo.

Jopgo Po Asęani Elalubo Buku 5:17

“Ma, te Tigidali Bomo Elalubo God agai bidi me deli kolesaga dodolobaso da, teda te bidigo dwagi yai homu yao. Tama megi da, agai nage dodolaiba, tiyu nago aga tudi ola maidali weyu.

Jopgo Po Asęani Elalubo Buku 15:12

Nage noma selama hodaluyu, God dali wado ebogo nage gedu pę te ebao. Tama nago haniani dwai po agabolo te obao. Tiali goli, magi baso nago te tobage kolesaga ebawe?

Jopgo Po Asęani Elalubo Buku 22:23

Nage God Tigidali Bomo Elalubo Bidiba ma asiyu da, teda agai nago sęgę sela sąna silama, tama nage bugagia ma bidaibao. Tama nago te dwai kolesaga tudi ola menama, tama nage te tobage kolesagade digibulu bidao.

Jopgo Po Asęani Elalubo Buku 22:27

Tama nago agaba gedu haluasa po olama, tama agai nago gedu haluasa po wabo odama, tama nago hanalubo nai dabe nage mawaibao. Tama naga Godide dąų wali po wali peyu, dwagi yai homu elama, te dąų walali po usu naibao.

Godigo Nogi Ugwaba Sabo Tęąbi Po Wabo Buku Dabe 77:2

Te sęgę ebo sogo, eno te Genuai Bidiba gedu haluasa po agaba weyu yali, tiali goli, eno te nagame pai homu ebo me sabeo.

Ma Dobola Sali 9:29

Tama Mosesgo te tuni bidi agabolo te po wali, “Te ena te hanu buluba pabo sogo, te eno nogo ugwaba selama, te Genuai Bidibolo gedu haluasa po waibao. Tama te be kulukulu ma wasiąma, tama te talua ge tulubage silaibao. Tama te sogo nago koneyu, te tǫ te Genuai Bidigo tǫ naga da waibao.

Te We Bidi Dabego Jerusalem Hagede Gela Wali 3:41

Te dago te Ugwadu Mu Bidibo Genuai Bidiba gedu haluasa po wabo si, dago dena homu ugwadu daide naga elaluyu, gedu haluasa po wagimio. Tama dago e tiwai po wao,