Biblia Todo Logo
Bib sou entènèt

- Piblisite -




Jopgo Po Asęani Elalubo Buku 10:9 - Godigo dwagi yai po buku

9 Konea, nago ena nigali te bidigo tǫ sene nigibo tiwai yai dao. Tama megi da, mena tama tialiwe? Nago homugo ena tǫ ma gagamainu ebawe?

Gade chapit la Kopi




Jopgo Po Asęani Elalubo Buku 10:9
25 Referans Kwoze  

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.


Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.


Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.


Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.


“Ena Genuai Bidi, eno dage Israel we bidi dabe dali po elalubao. Te eno dageba te sene nigibo tǫde yali sę tiwai egobe da homu eba, agawe? Dage Israel dabeo, dage eno nogode elalubao, te tǫ te sene nigibo bidigo nogode elaluali tiwai elalubo dao.


Te sene nigibo bidigo te agai mama tǫ pedai me deli selama, tama te tǫgo te sene si nigali, me deli te wiegi yai sę yabo sene te wiegi yai nigali, tama me deli te olo sę yabo dwai sene nigai. Aga homu naga wali peyu, tama te tiwai ebaso da, te usu da, po meni, te aga sę dao.”


Mena bidigo te Godigo aga nigalide wado po wabo bidi da, te bidigo kolesaga te umuna sai mu yali, magi baso meni, da bidi te olo nai gagawai dao. Da te tǫgo nigibo sene pepeda pelama, e tǫde tedali munalua pabo tiwai elalubao. Te tǫgo nigibo senego te nigibo bidiba te tiwai po hanalu, “Nago magi nai nigibawe?” po wagawe? Menio. Te tǫgo te po wabo homu yaibao, “Nago te nai nigibo konesiąwai dao,” te tobage po wabo usugowe? Mu menio.


Genuai Bidi, nago te naga we bidi dabe tau sabo sogo, nago ena me homugo koneao. Tama nago augwali ma sabo sogo, nago te ena me ma sao.


Nago te we bidi dabe isimainu elama, tama augwali te tǫ ma pedalumainu ebo da. Tama nago te tama po wali, “Dage tǫde we bidi, dage isilama, tama te tǫ ma gagawaibao,” wai dao.


Genuai Bidi, iya, nago te pęwadage sogo naga bidabo bidiba homu kone palao. Nago da nigali, tiali goli da te isaibao. Nago odolali da nigali da, agawe?


Nago enade te haliga sęgę, me haliga dene ebo tigidalide nago homu kone palama, tama nago eno sęgę tigidali sela sąyao.


Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.


Tama eno te gų page e tama nogi yaibao, ‘Eno aya.’ Tama dwasianu osogane dabego eno tigi tuaiba. Teda eno augwali e tama nogi yaiba, ‘Eno ida dali, abe dali si,’ wagi da.


Jop agai po genina ma weyu, e tama wali, “God, nago koneani, eno e tǫde bidabo sogo te pęwadage mu da, te eno gunidu mobo selama, buluba polo ma soabo tiwai mu dao. Tama tibaso, dwagi yai sogo ena tigiba ma asogobeo.


Tiali goli ena dali, te ena dali deli sę ebo bidi dabe dali, dena te bomo yai ulade po pusubo wiegi yai sę elalubo, te tǫgo nigai olo sene tomode elalubo tiwai ebao, te dena isibo tigide naga elalubo dao. Te tigidali bidigo konemainogo ebao, te Kraisde wiegi yai gesi po pusubo sę ebo wiegi yai genuai bomo mu, te Godigo bomo naga dao. Te dago menio.


Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.


Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.


Nago ena, ena idago haligade ame nomainu yai dao.


Te Godigo gedude da, dadi si te tiwai si naga dao. Agai tǫ selama, ena nigai dao. Deli tamago nage me nigai dao.


teda te tigidali tǫde bidibo nai dabe deli sogo tama isigi dao, tama da we bidi me tǫ ma gagagi dao,” Elihugo te po wali.


Agai te tama tiwai homu augwaliba yai. Augwali te we bidi naga tama tiwai, augwali te wali aselama pabo tiwai ebao.


Nago augwali tudiba mubaso, augwali wi ebo dao. Tama nago augwaligo mobo sela sąwani da, te augwali isilama, tǫ tiwai ma gagawaibao.


Agai koneai, agai da tǫ selama nigai, tama agai homugo da te tǫ hogomu ebo tiwai dao homu ebao.


Te nageba gedu haluasa po weyu, te nage nogi wabo bidi meni yai, te nage pąba asu, nageba homu kolesaga kęą pabo bidi meni, magi baso meni, nago naga gesabidi daba geme dula selama elalu, te nago dena sęgęgo da dodolomainu ilama, te da dwai mu bidibao.


Swiv nou:

Piblisite


Piblisite