Jopgo Po Asęani Elalubo Buku 10:6 - Godigo dwagi yai po buku

⁶ Ma, meni wida, magi baso nago ena dąį ilama, eno dwai sęge gegebo sę ebawe?

Jopgo Po Asęani Elalubo Buku 10:6 Referans Kwoze

Sefanaia 1:12

“Tama te sogo eno lam selama, tama ena Jerusalem tomoba pelama, tama eno te bidi dabe eno kolesaga godolo isąma ebo bidi dabe bugagia gegegi paibao. Augwaligo homu augwa digi tigidali sę yaibao homu ebao. Tiali goli, menio. Augwaligo te po wali, ‘God da, olo bidibo dao,’ po wali. ‘Agai wiegi yai bidi dabe tau selama, tama agai dwai bidi dabebolo dwai pe mabeo. Tialima, aga tagalao,’ wali. Tialima, eno te bidi dabe augwali dolaibao.

Jeremaia 2:34

Te walu doado bage meni yai bidi dabego nago be alusiąbadi, tiali goli nago augwali odolali elama, tama augwaligo kaneme te nago ugwa dabede dagana sai elalubao. Nago te tobage dwai kolesaga dabe eyu,

Godigo Nogi Ugwaba Sabo Tęąbi Po Wabo Buku Dabe 44:21

Nago te bidi dago haligade geme elalubo homu te tigidali konea pai elalubo dao.

Godigo Nogi Ugwaba Sabo Tęąbi Po Wabo Buku Dabe 10:15

Nago te dwai sę ebo bidi dabego bomo silao. Nago te augwa yali dwai kolesaga deli deli wei ponama, tama mu usu nao.

Jopgo Po Asęani Elalubo Buku 14:16

Tama te sogo ena bilibode nago bugagia tonaluaibao. Tiali goli, nago eno dwai sęgę nedegobeo.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Bomai Po 4:29

Tama te sogo dagego homu hogodama, tama dagego duga dago God Genuai Bidiba ma asabo homu mu hogodaibao. Te dagego sese homugo me sese homu kolesagago aga gegabo homu yali da, teda dage aga pąba mu asiagameo.

Jopgo Po Asęani Elalubo Buku 7:20

Eno homugo eno dwai sę ebogo nage mu dolobo, tama nago homugo enabolo sęgę maiabo homu ebawe? Ena te nago enego enebo tą tigi tiwai pedalali, tama nago ene enaba enebo dao. Nago da tonalubo da, te enesigi bidi dabego kalabus bidi tonalubo ąǫ ebo dao. Ma, eno nagebolo genuai sęge maniwe?

Jopgo Po Asęani Elalubo Buku 13:23

Eno mena dwai sę, me kolesaga dwai, me sęgę yai sę dabe me yaliwe? Eno homugo nago enabolo pusa mao.

Jopgo Po Asęani Elalubo Buku 21:4

Tiali goli, odao. Eno bidi dabede po elalubowe? Mu menio. Eno Godide po elalubo. Tama tibaso, eno haliga dene mu ebao, agai eno po wei ponisą ebo pode.

Jopgo Po Asęani Elalubo Buku 33:13

Magi baso nago Godibolo po hauwa weyu, e tama wabo da, agai da bidi dabego po wei ponobo meni, magi baso nago te po wabo dawe?