Jopgo Po Asęani Elalubo Buku 10:18 - Godigo dwagi yai po buku

¹⁸ “God, nago magi baso ena, ena idago ame nomainu sula tagalai dawe? Tigi menigi sogo da, ena idago haligade isigi dama, tama mego ena sugi menima.

Jopgo Po Asęani Elalubo Buku 10:18 Referans Kwoze

Matyu 26:24

Te Godigo Bidi Mu aga pabo tų po augwaligo te bukude polobadu asęani, tama te tųdu aga peyu, tama isaibao. Tiali goli te Godigo Bidi Mu te boi bidi nogoba muabo bidi da, hobede mu ebao. Te aga idago te bidi aga me ame negi menigi sogo da, te usugi da,” Jisasgo te po wai.

Jeremaia 15:10

Ena Jeremaia, eno te po wai, hobede mu da, magi baso idago ena ame nenama, te eno wado ebo sę, me po konila te tǫ kantri tigidali bidi odubawe? Eno gasa bidide negeli me elalusiąyu, tama te bidi dabego me enaba negeli mawai me elalubeo. Tialima, tigidaligo te po weyu, te Genuai Bidigo ena dolomainao wabo dao.

Jopgo Po Asęani Elalubo Buku 14:10

Ma, da bidi dabe, da te tiwai ebo menio. Te da isibo sogo, te da mu tama sia sabo dao. Tama me badugo da ma subo menio.

Jopgo Po Asęani Elalubo Buku 11:20

Tiali goli, te dwai kolesaga ebo we bidi dabe, augwali Godigo sębę ebo sunumi gedelainu gegaibao. Tiali goli, augwaligo sugobeo. Tama augwali isibo deli naga tonaluyu bidaibao,” Sofargo Jopbolo te po wai.

Jopgo Po Asęani Elalubo Buku 10:19

Te dwagi yai mu igi da, te ena ida haligade geme isai tigi sogo da. Tama augwaligo ena gųba pubaligi pigi sogo da, usu mu igi dao. Teda te tiwai naga igi da, ena tǫde pedalisąwai tiwai igi dao.

Jopgo Po Asęani Elalubo Buku 23:17

Hasia ena tama bidai meni. Meni. Godigo tama te be huliasa tiwaigo ena mesega sagasali. Tiali goli, ena te hulide wi meni, ena te God dali naga wi ebao,” Jopgo te po wai.

Godigo Nogi Ugwaba Sabo Tęąbi Po Wabo Buku Dabe 71:6

Sesemane sogo ena nago nogode naga bidiyu bilali. Idago ena ame nabode, te nago ena tonalua asali, te megiba usu nagasobao. Tama tialima, te eno sesemane sogo nago nogi ugwaba saibao.