Jopgo Po Asęani Elalubo Buku 10:15 - Godigo dwagi yai po buku

¹⁵ Ma, eno dwai sę igi sogo da, teda nago eno tigide sę geninama mu igi dao. Tama tiali goli, ma eno dwagi yai kolesaga ebaso da, teda eno dwagi yai homu elama, ena homu geda pabo homu egobeo. Mu meni. Te ena sęgęgo ena ma dolobo te ena moni hale mu ebao.

Jopgo Po Asęani Elalubo Buku 10:15 Referans Kwoze

Aisaia 3:11

Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.

Jopgo Po Asęani Elalubo Buku 9:15

Tagala eno magi sęgę meniama, magi po meniama, tama te po tų ebode ena dolo dali pai. God aga digi aga te po tų odobo bidi dao, tama agai ena po tų ebo dao. Tiali goli, eno agabolo ena hobede ya po hanalu waibao.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.

Godigo Nogi Ugwaba Sabo Tęąbi Po Wabo Buku Dabe 25:18

Nago enade te haliga sęgę, me haliga dene ebo tigidalide nago homu kone palama, tama nago eno sęgę tigidali sela sąyao.

Jopgo Po Asęani Elalubo Buku 10:7

Nago koneani, eno dwai kolesaga mu meni. Tiali goli, nago eno tigide dene mabo sę ebo. Tama nago koneani, ena nago nogode gasa bidigo dobola sabo usu meni,” wali.

Dwagi Yai Gesi Po Lukgo Asęani 17:10

Te dage dali yaligiama, ‘Te sę yao’ po olama, tama te sę dagego silibo si, te po wao, ‘Da da, sę ebo bage naga dao. Dabolo dage usu da po olamuo. Dago nogode muani sę naga dago yalio,’ te po wao,” Jisasgo te po wali.

Te We Bidi Dabego Jerusalem Hagede Gela Wali 1:20

“Genuai Bidi, ena suao. Ena genuai sęgę mu selama, tama ena dolama mu bidibao. Tama eno homu dwai mu elalubao. Magi baso meni, eno hagoma genuai mu elama, tama nago po sese tama sela sąwai dao. Te boi bidi dabe augwaligo eno we bidi dabe eno sunumi dabede ela wiala silalio. Tama me te bede bidaluali we bidi augwali nasi eyu, gasi me eyu, isai dao.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Godigo Nogi Ugwaba Sabo Tęąbi Po Wabo Buku Dabe 119:153

Nago suali, ena te genuai sęgę elalubo, tama tialima, nago te sęgę sela sąyao. Eno nago bomo yai po homu kone me gegeda palobo menio.

Godigo Nogi Ugwaba Sabo Tęąbi Po Wabo Buku Dabe 9:17

Te dwai bidi dabe, me te God tudiba mubo we bidi hani dabe, te tigidali isimainu ebo dao.

Jopgo Po Asęani Elalubo Buku 27:7

“Eno homugo bidi dabe ena dali boi bidi homu ebo bidi dabe dene momaina homu ebao. Agai deli kolesaga naga augwali tigide emainao, te dwai kolesaga ebo bidi dabede ebo tiwai.

Jopgo Po Asęani Elalubo Buku 23:15

Tama tiyu yaide, ena aga gesabidide mu bidibao, tama ena agade wi mu ebao. Eno agai ebo kolesaga kone palama, eno dili didibili mu ebo.

Jopgo Po Asęani Elalubo Buku 21:6

Eno te dwai nai dabe enaba pedalaliba homu ebo sogo da, ena wi genuai mu elama, noma genuai mu sabo dao,” wali.

Jopgo Po Asęani Elalubo Buku 9:29

Tama tialima, eno magi baso eno magi sęgę me ebeo olama, usu me sidubo wagawe? Eno po olo madi toga pabo.

Jopgo Po Asęani Elalubo Buku 9:12

Ma, agai magi nai me wei yali da, teda agai siyu naga ebo dao. Bidi mego aga me togolobo, usu egobeo. Tama dego aga hanalu waiba, ‘Nago magi sę ebawe?’

Ma Dobola Sali 3:7

Tama Genuai Bidigo aga dali te po wali, “Eno suali, augwaligo eno we bidi Isip bulude mu dolobao. Tama eno we bidi augwali ena i wabo sę ebao, te augwali dwai tonalubo bidigo nogode ma somainogo yai. Eno te i wabo odoyu, tama eno mu koneani, te augwali dene me te sęgę mu sabo dao.

Jopgo Po Asęani Elalubo Buku 6:29

Dagego te tobage po dali, kolesaga dali si tagama, tama doloba pai kolesaga elama, eno kolesaga osayama. Dagego ena aiyaba elalugi, eno magi dwai sę me ebe.

Godigo Nogi Ugwaba Sabo Tęąbi Po Wabo Buku Dabe 83:16

Genuai Bidi, nago augwali aiyaba mu elalubaso, tama augwali hale dwai mu eyu, tama augwaligo nage wali pabo homu yaibao.