Jopgo Po Asęani Elalubo Buku 1:21 - Godigo dwagi yai po buku

²¹ Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

Jopgo Po Asęani Elalubo Buku 1:21 Referans Kwoze

Kolesaga Koneai Bidigo Pusali Po Elalubo Buku 5:15

Te idago da ame nani sogo, dago nai me deli meni yai elaluali. Dago tigi habu olo naga elaluali. Te tiwai naga, da isibo sogo, da olo naga mu paibao. Mu tama, dago te nai hauwa sabo sę dene yali, tiali goli dago te nai deli me sela pogobeo.

2 Timoti 6:7

Dago koneani, te idago da ame nenama tama da tǫde pedalali, te sogo dago magi nai me deli sela asobeo. Menio. Te da olo naga asai. Tama nosali sogo da isibo sogo tama te tǫ tagalobode te dago magi nai me deli te dago isibo noma bidigo me sela pogobeo. Menio!

1 Tesalonaika 5:18

Te dage dali magi sę me ebaso da, dagego God dali buba hwi po wao. Te dage Krais Jisasde wadolama, tama God agai homugo dagego tama kolesaga emainogo tebo dao.

Jopgo Po Asęani Elalubo Buku 2:10

Tiali goli, Jopgo wei ponoyu, te po wali, “Nago po te dwai kolesaga yai wego wabo ąǫ te ebao. Ma, dago dwagi yai te Godigo da dwagi yai nai dabe mabode dwagi yai homu ebo dao. Te magi baso dago Godigo dabolo te dwai sęgę mabode dwagi yai homu egobewe?” te po aga webolo hanalu wali. Mu tama, te dwai sęgęgo Jop pedelali goli, agai Godibolo dwai po me deli wabeo.

Efesus 5:20

Tama te tigidali sogo te dageba pedalobo tigidali sęde te dagego God Aya dali usu da po wao. Te dage te dago Genuai Bidi Jisas Kraisde wadolobaso, God dali usu da po wao.

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Godigo Nogi Ugwaba Sabo Tęąbi Po Wabo Buku Dabe 49:17

Nago koneai, nosali te bidi aga isibode, tama agai te tigidali nai me sela pogobeo. Be me, te au ebo nai me, masigi me, te nai tigidali aga dali te isibo bidigo buluba selasa pogobeo.

1 Samuel 2:7

Tama Genuai Bidigo te we bidi meba te doado bage meni yai bidi pedalumainu ilama, tama agai te meba bidi dabe te doado bage mone hauwa elalumainu ilaibao. Agai te meba aiyaba elaluama, tama te mebabolo te genuai nogi mayu ebo dao.

Te We Bidi Dabego Jerusalem Hagede Gela Wali 3:38

Te Ugwadu Mu Bidibo Godigo naga te we bidi bugagia bidimainu ebo dao, ma augwali te genuai sęgę somainu ebo dao.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Matyu 20:15

Te mone te eno sę ebo nai dao. Ma, eno te ena monede digi te tiwai homu egobewe? Eno wiegi yai kolesaga aga dali ebaso, nago homu dwai ebawe?’ gi page bidigo te po wali,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 39:9

Tiali goli, eno da po me wagobeo. Eno pedauwali pania saibao. Magi baso meni, nago digi te dene mabo sę enaba yali.

Godigo Sęba Tagala Palai Bidigo Po 4:28

Polobadu nago bomogo me, nago homugo me, te po wai, ‘Augwaligo nosali te tigidali sę yaibao,’ wai. Tama tibaso, tamadi augwali sisinagaselama, te tigidali sę yali.

Aisaia 42:24

Dego mu te sę yao po obaso, te boi bidi dabe aselama, te da Israel dabego nai dolama, wi sagasaliwe? Dego mu te da Jekopgo hani bage te augwaligo nogoba muaniwe? Te Genuai Bidigo naga dao. Magi baso meni, dago aga tudiba munama, te dwai sęgę sabo sę yai. Dago te agai wei homu ebo kolesagade dolo bilisąma, tama dago agai bomo yai po sela sąwai.

Godigo Nogi Ugwaba Sabo Tęąbi Po Wabo Buku Dabe 34:1

Te eno Godiba usu da weyu, gedu haluasa po weyu, tama eno aga nogi sesemane sogo ugwaba sobao.

Jopgo Po Asęani Elalubo Buku 1:11

Tama ma, nago agai te nai dolama, sela sąbo si da, teda nago suaibao, agai nago gesabidide dwai po waibao,” Satan haubo bidigo te po wai.

1 Samuel 3:18

Tama tibaso, Samuelgo agabolo te Genuai Bidigo wali po tigidali wali, tama agai po deli te me dualubeo. Mu menio. Eligo odama, tama agai te po wali, “Aga digi te Genuai Bidi dao. Te agai mena sę yainu ebaso da, teda agai te sę ebo dao,” wali.

Tigidali Nai Gagalama Nigali Side 45:5

Tiali goli, megi dage homu sęgę me isiąyu, tama dagego duga digi dwai homu te polobadu dagego ena dali dwai kolesaga yalide, te dwai homu me igio. Menio. Godigo digi eno te dage me isidali weyu, te tau somainu te ena polasa tagala palali.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Aisaia 24:15

Tama tialima, dage tigidali tǫ habu badu bidalubo we bidi dabe, te giliga asobo badu, me te tamu ąį sesegede elalua pabo bulude bidalubo bage, dage tigidaligo te Genuai Bidigo nogi ugwanu sao, te Israel dabego Godiba genuai nogi maiąo.

Kolesaga Koneai Bidigo Pusali Po Elalubo Buku 5:19

Te Godigo bidi me deliba te mone hauwa menama, tama te bidi aga te nai dabede wiegi yai pemene emainu sula tagalali, te aga ebo sęde me, te sula tagalu, te bugagia dugulalubo me te bugai haliga ilibaso da, teda te wiegi yai da. Magi baso meni, te nai dabe te Godigo agabolo te wiegi yai homu pemene ilibo sę eyu, te bidibolo mabo dao.

Te Israel me Juda Hani Sigo Tuni Bidigo Po Elalubo Buku Si 20:19

Tama te king Hesekiago agai te profet Aisaiago wali po odali, tama agai te profet bidi Aisaiabolo e tama po walali, “Genuai Bidigo po nago enabolo pusa mobao,” wali, “te po te dwagi yai po dao.” Hesekiago te tama po wali, magi baso meni, agai e homu yali, ‘Te ena king bidi me bidibo sogo, te dwai dwai sęgę ebo sę pedalogobeo. Tama da bugagia mu bidaibao, tama te boi me hwįgobeo,’ te homu yali.

Te Israel me Juda Hani Sigo Tuni Bidigo Po Elalubo Buku Deli 12:15

Genuai Bidi God aga digi te king bidi Rehoboam homu kolesaga begelama, te tigidali we bidigo kolesaga tų wali pabe. Magi baso meni, Genuai Bidi aga te polobadu te Jeroboam dali po bodolu muani poba usu nigi painu tama kolesaga yali, Jeroboam te Nebatgo ogwa. Polobadu te profet bidi Ahiya, te Silo bulu bidi, agai te Genuai Bidigo te po te Jeroboambolo te po wali.

2 Samuel 16:12

Genuai Bidigo te eno ebo dwai kolesaga koneama, tama Genuai Bidigo te homu eyu, te agai enaba te dwai po wali dabe hasegelama, tama aga te wiegi yai sę enaba yaibawe? Te dago sueibao,” wali.

Tigidali Nai Gagalama Nigali Side 30:2

Jekopgo wado po Resel dali weyu, te po wai, “Eno te Godigo yali sę hasegelibo usu me iligobeo. Aga digi te nago tabi paliama, tama nago te wai me ame nabe dao,” wali.

Jems 5:11

Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.

Rutgo Po Elalubo Buku 1:21

Magi baso meni, eno e bulu taga pali sogo, eno doado bage hauwa elaluali, tiali goli Genuai Bidigo ena eba ma odasa asali, te eno doado bage tigidali menio. Dagego ena nogi Naomi munu me ma nogi elamu dao. Magi baso meni, God Genuai Bomo Tigidali Elalubo Bidigo ena aiyaba elaluama, tama ena mu dolalio.” Naomigo te po wai.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Nehemia 9:5

Tama nosali te Livai mebago te we bidi dabeba po weyu, te augwaligo Godiba lotu ma waiąo po wai. Te Livai dabego nogi e tiwai, Jesua, Katmiel, me Bani, me Hasapnea, me Serebia, Hodia, Sebania, me Petahia. Augwaligo te tama po wali, “Dage dolugulama, te dena Genuai Bidi God nogi ugwaba siąo Sesemane bidada pabo sogo sesemane dago te aga nogi ugwaba sao,” wai dao. Tama augwa te gedu haluasa po wali, “Genuai Bidi, dago te nago genuai nogi ugwaba sainu ebao. Tiali goli, dago te wiegi yai pemene ebo homu te olo nai tiwai ebao. Nago nogi te genuai mu da, tama tiyu dago konebao, dago pemene ebo te nago gedude usu meni ebao.

Jopgo Po Asęani Elalubo Buku 9:12

Ma, agai magi nai me wei yali da, teda agai siyu naga ebo dao. Bidi mego aga me togolobo, usu egobeo. Tama dego aga hanalu waiba, ‘Nago magi sę ebawe?’

Godigo Nogi Ugwaba Sabo Tęąbi Po Wabo Buku Dabe 34:2

Te Godigo ena tau sali homu elama, tama eno agaba wiegi yai homu pemene ebo dao. Te sęgę tolobo we bidi augwa te po odama, tama augwa bugai homu mu emainao.

Kolesaga Koneai Bidigo Pusali Po Elalubo Buku 5:14

Tiali goli nosali, aga mone sabo sę yali bisnis tulaluama, tama aga mone tigidali te hagawaibao. Tialima, agade te nai me deli elalusiąma, te aga isibo si, teda aga ogwago sabo nai meni yaibao.