Jopgo Po Asęani Elalubo Buku 1:18 - Godigo dwagi yai po buku

¹⁸ Te bidigo po odubadi yaide, gasa sę bidi me sabolagasiyu, te po wali, “Nago wai dabe augwali nago gomunai ogwago beba sisinama, genuai nai ulama, tubadi yaide,

Jopgo Po Asęani Elalubo Buku 1:18 Referans Kwoze

Jopgo Po Asęani Elalubo Buku 1:4

Te deli deli Jopgo ogwa dabego, me sogo sogo augwa bede moni nai mu tuabo sogo bodolu weyu, tama yali. Te ogwa dabe deligo te nai tuabo sogo bodolu weyu da, aga ama dabe me aga abe dabe tama te nai tuagasa po weyu yai.

Jopgo Po Asęani Elalubo Buku 1:13

Me sogo be posobode, te Jop aga wai dabe te augwa gomunai bidigo beba deliba sisinani, te moni nai tumainu yali.

Te We Bidi Dabego Jerusalem Hagede Gela Wali 1:12

Jerusalemgo aga pąde elalubo sunumide soabo we bidi dabeba i wabo sę ebao. Agai te po obao. “Suiąo, ena genuai sęgę genuai mu elama, tama Genuai Bidi agai ena dene genuai mu manio, te aga sębę moni posolo tiwai mu yali sogode. Te polobadu te bidigo te tobage dene me sai meni yali bogo, tiali goli, dagego homugo te olo nai da weyu ebao.

Jeremaia 51:31

Te po sela pabo bidi dabe deli deli udulama, te Babilon kingba waligibu, te boi bidi dabego agai taun pedai tigidali badu sai dao, te po pusudu gebao.

Aisaia 28:19

Te dwai kolesaga dabego dage munu me taga pogobeo. Menio. Te augwali geninama mu dageba tigidali sogo hulide me ulade dageba me pedalidu geaibao,” wali. Ma, dagego Godigo te wiegi yai po page dagego bugagia mu koneyu da, dage noma selama, wi mu yaibao.

Kolesaga Koneai Bidigo Pusali Po Elalubo Buku 9:2

Tialima, te nai me deli da tigidaliba pedelabo elalubao, te da doloba pai bidi, ma dwai bidi, ma da wiegi yai bidi me, ma da meda meni yai bidi me, ma da God gedude meda yai bidi me, ma ofa yai bidi, ma ofa isąwai bidi yaibaso, te tagalao. Deli tigi poai sę te wiegi yai bidiba me dwai sę ebo bidiba pedelaibao. Te deli tigi poai sę te Godiba po dąų wali bidiba eyu, te Godiba po dąų wasiąwani bidiba pedelaibao.

Godigo Nogi Ugwaba Sabo Tęąbi Po Wabo Buku Dabe 34:19

Mu tama, te sęgę hauwa te doloba pai bidiba pedelaibao, tiali goli, te Genuai Bidigo aga tau siyu, tama te sęgę dabego aga aiyaba me elalugobeo.

Jopgo Po Asęani Elalubo Buku 27:14

Te bidi dabego wai puluba hauwa elalubaso me tagalao, te boi bidi dabego augwaligo wai bǫų elama, isilagasaibao. Tama augwaligo hani da, tigidali sogo nai menia siduaibao.

Jopgo Po Asęani Elalubo Buku 23:2

“Odao. Megi me eno homu dwai elalubo. Tama eno homugo te dwai nai dabego ena dolobo te po hauwa mu waibao. Ena gela wabo togolainu sinabao goli, eno usu munu me ebeo.

Jopgo Po Asęani Elalubo Buku 16:14

Agai ena obo elama, ena dali hwįbo da, te bomai ami bidigo boi bidi dabego hanu sainu ebo tiwai te ebao.

Jopgo Po Asęani Elalubo Buku 8:4

Tialima, nago wai pulubago dwai sę ebaso, agai augwa sęgę wei ponani bogo.

2 Samuel 13:28

Te Apsalomgo Devit taga soyu, te Balhasor buluba ma soabo sogo, agai te aga sę bidi dabeba te tama po walali, “Te nai daa tubo sogo, dagego te Amnon bugagia tonaluao. Te aga gęǫ page ebo sogo, teda eno dagebolo olama, tama dagego aga ela muiyagameo. Dage wi me elamuo, magi baso meni, ena digi eno te aga ela mua po obao. Tama dagego aga ela muyu naga yao, tama dage munu me wia selamuo.”

Jopgo Po Asęani Elalubo Buku 1:17

Te bidigo po odubadi yaide, gasa sę bidi me sabolagaselama, te po wali, “Te Kaldia bidi hani sela aselama, te kibu kamel dabe wi sela peyu yaide, te sę bidi dabe ela muna silalio. Ena deli aselama, nagebolo e wagasobao,” wali.

Jopgo Po Asęani Elalubo Buku 1:19

polo tama, mone wali olo kemidu gagalasa asiyu, te be dega polama, nago wai dabe sese elama, isilalio. Enaduba deli te sęde geda munama, tama nagebolo e wagasobao,” te sę bidigo te po wali.