Jopgo Po Asęani Elalubo Buku 1:14 - Godigo dwagi yai po buku

¹⁴ Tama Jop aga sę ebo bidi me te Jop bidibo madiba aselama, agabolo e po walali, “Dago te bulmakau kibu dabe giba odasa pai dao, te gi tǫ elemainu. Tama te kibu donki dabe augwali pagede nosai tutu bilali.

Jopgo Po Asęani Elalubo Buku 1:14 Referans Kwoze

Jeremaia 51:31

Te po sela pabo bidi dabe deli deli udulama, te Babilon kingba waligibu, te boi bidi dabego agai taun pedai tigidali badu sai dao, te po pusudu gebao.

2 Samuel 15:13

Bidi me deli asu, tama king Devitba te tama po wali, “Megi da, te Israel hani bidi tigidali te Apsalomba wali painu sisi elalubao,” wali.

1 Samuel 4:17

Tama te bidigo po wei ponoyu, te tiwai po wai, “Te Filistia dabego da aiyaba elaluama, tama ami bidi dabe hauwa mu elali. Tama da augwalide wi soali. Tama me augwaligo nago ogwa si me elali, Hopni me Finias. Tama augwaligo te Genuai Bidigo Dąų Wali Bomai Po Munalubo Halobage me dobola sai dao,” wali.

Jopgo Po Asęani Elalubo Buku 1:13

Me sogo be posobode, te Jop aga wai dabe te augwa gomunai bidigo beba deliba sisinani, te moni nai tumainu yali.

Jopgo Po Asęani Elalubo Buku 1:15

Tama, polo tama te Sabea bage aselama, te donki kibu dabe dali, bulmakau kibu dabe dali si wi sela pali. Tama augwaligo nago sę bidi dabe sese ela muna silali. Ena enaduba deli tama wi aselama, nagebolo e wagasobao,” te po wali.

Jopgo Po Asęani Elalubo Buku 39:10

Nago aga haliga gebelama, tama agai nago gi tǫ elebo masin kegasa bilimainu yaibawe? Tega?