Jopgo Po Asęani Elalubo Buku 1:1 - Godigo dwagi yai po buku

¹ Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Jopgo Po Asęani Elalubo Buku 1:1 Referans Kwoze

Jems 5:11

Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.

Esekiel 14:14

Te Noa, me Danel, me Jop, te wiegi yai bidi sela te tǫ kantride bidigi sogo da, te tagalao, eno te sela bidide homu kone elama te dwai sę ebo we bidi augwaliba eno olo tau mabo wiegi yai kolesaga me igi menio. Menio. Te doloba pai bidi sela naga bugagia bidimainu eno sula tagalaibao, tama te we bidi augwali da isimainao homu igi dao. Ena God Genuai Bidigo eno te tama po wai dao.”

Esekiel 14:20

Tialima, tagala, te Noa me Danel me Jop te tǫ kantride bidibadi, te bidi selago augwa wai dabe digi tau me sogobeo. Menio. Te wiegi yai bidi sela naga bugagia bidimainu yaibao. Ena God Genuai Bidi, ena sesemane sogo bidibao, tama eno te wabo po te mu po dao.”

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Jopgo Po Asęani Elalubo Buku 2:3

Te po obaso, Godigo agabolo te po hanalu wali, “Nago eno sę ebo bidi Jop sualiwe, ma meniwe? Jop aga te dwagi yai doloba pai bidi mu eno gedude bidibo dao, dwai sę me ebo menio. Aga lotu po weyu, ena dologode naga bilibo dao. Tama eno po bugagia wali peyu, tama ebo dao. Agai dwai sę ebo hagela homu ebo dao. Te tigidali tǫde bidi aga tiwai me bidibeo. Nago ena homu bega sabo po obaso, tama eno nage taga palali digi, nago aga dali dwai sę genuai mu yai dao. Tiali goli, agai ena tagalobeo. Menio. Agai ena polobadu wali asali tiwai me asai dao,” Godigo te po wali.

Jopgo Po Asęani Elalubo Buku 1:8

Tama Godigo aga hanaluyu, te po wali, “Nago eno sę ebo bidi me sualiwe, te Jop, ma meniwe? Jop aga te dwagi yai doloba pai bidi dao, eno gedude dwai sę me ebo menio. Agai ena dologode bidiyu, enade lotu po weyu ebo dao, tama eno tigidali po wali pabo dao. Agai dwai kolesaga mu hagela homu ebo dao. Te tǫde tigidali bulu badu te bidi tiwai menio,” wali.

Tigidali Nai Gagalama Nigali Side 6:9

Te Noade po da te tiwai dao. Agai ogwa sela elaluali, Siem, Ham, me Jafet. Noa da dwagi yai bidi, te sogo bidali we bidi tomode te Noa deli digi aga bilibo kolesaga te Godigo gedude dolo mu yali. Aga te God dali deli homu naga eyu, tama Godigo abagi mu dao.

Dwagi Yai Gesi Po Lukgo Asęani 1:6

Te bidi Sekaraia dali aga we dali si te God gedude dolasa bidiyu, te God tonaludubadi, te augwali sigo dwai sę me ebeo. Augwa si Godigo bomo yai po tigidali wali pidu digi, te Genuai Bidigo po dabe me tigidali wali palio, tama augwali sigo dwai sę me ebeo.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Tigidali Nai Gagalama Nigali Side 22:12

Tama Mobo Bidi Enselgo te po wali, “Nago te wai elamuo. Nago magi sę me deli aga dali me igio. Nago ogwa deli naga elalubadi, tama nago aga yogo eyu, dąų me wabeo. Tama tibaso, eno koneani, nage te Godigo po odobo bidi dao,” Yawego Ensel Mobo Bidigo te po wai.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Te We Bidi Dabego Jerusalem Hagede Gela Wali 4:21

Kantri Idom, megi nage Usgo tǫde bidibao. Megi da, nage gisugu dwai olama, tama nage Saion dolaibaso, wiegi yai homu pemene megi yao. Genuai Bidigo sębę te wain wę kapu deli tiwai dao. Tama agai te Saiongo te kapude tumainu ilalio. Tiali goli, agai nagebolo nosali me maiwaibao. Tama nage dolama mu polaibao. Tama nago naga tigide ugwa peda sąnama, tama nage hale genuai mu yaibao.

Bugagia Bidibo Kolesagade Po Asęai Buku 16:6

Te bidigo Genuai Bidi godolo homu mu elama, tama aga dali mu kęą pobaso da, teda Genuai Bidigo te agai sęgę sela sąwaibao. Tama te bidi Genuai Bidide wi eyu, aga dologode bidibaso da, teda te bidigo te dwai sę ebo kolesaga te ela sobaso, usu yaibao.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

1 Pita 3:11

Me ma, agai dwai sę tudiba muao, te dwagi yai sę naga yao. Tama agai bomo eyu, te gasa we bidi dali bugagia bidabo sunumi gegegi pao, tama sulama aga te sunumi wali bugagia pao.

Jeremaia 25:20

tama te Isip tomode bidali gasa hani webidi tigidaliba mawaibao. Tama eno te tǫ kantri Us kingtigidaliba me mayu, te tǫ kantri Filistia king tigidalibamawaibao. Filistiade te tama tǫ pedai distrik elalubao, Askelon, me Gasa, me Ekron, me tǫ pedai distrik Asdottede me bidali we bidibolo mawaibao.

Tuni Bidi Dabego Po Elalubo Buku Deli 1:42

Esergo ogwa dabe nogi e tama da, Bilhan, me Savan, me Jakan. Te Disango ogwa dabe nogi e tama, Us me Aran dao.

Tuni Bidi Dabego Po Elalubo Buku Deli 1:17

Siemgo ogwa dabe nogi e tiwai, Elam, me Asur, me Arpaksat, me Lut, me Aram, me Us, me Hul, me Geter, me Mesek dao.

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Tigidali Nai Gagalama Nigali Side 36:28

Disango ogwa si yali, Us me Aran.

Tigidali Nai Gagalama Nigali Side 10:23

Te Aramgo ogwa dabe, te e dao, Us, Hul, Geter, me Mesek dao.

Tigidali Nai Gagalama Nigali Side 42:18

Te sela sogo wabode Josepgo augwalibolo te po wali, “Dagego eno po wali pelama, tama dage bidibo ula elalubao, magi baso meni, eno lotu po te Godiba wabo dao.

Bomai Po 18:13

Te tigidali kolesaga ebode dagego Genuai Bidi wali naga piąo,” wali.

Jopgo Po Asęani Elalubo Buku 4:6

Nage Godigo po wali peyu, tama agade lotu po weyu, tama aga dologode naga bidiyu eyu yaide, nago dwagi yai doloba pai kolesaga tigidali sogo eyu ebo da. Tama megi me nago agade homu dąų walama, tama agai nage ma tau somainu yao,” wali.

Jopgo Po Asęani Elalubo Buku 9:21

Mu tama mu, eno magi sęgę sę deli mu me ebe. Tiali goli, eno homugo ena te olo nai dabe mu ąǫ te ebao. Tama ena bidibo ula mu da ena hagela mu ebao.

Bugagia Bidibo Kolesagade Po Asęai Buku 3:7

Te nago homugo tiyu, te nago koneani kolesaga te mu nai da homu elamuo. Menio. Nage te Genuai Bidi wi eyu, aga dologoba pelama, tama dwai kolesagaba tudi ola mao.

Bugagia Bidibo Kolesagade Po Asęai Buku 14:2

Te doloba pai kolesaga wali pabo bidi, aga te Genuai Bidi wi eyu, aga dologode bidibao. Tiali goli, te tibo po wabo kolesaga wali pabo bidi dabego homugo te Genuai Bidi te olo nai me tiwai da, te homu ebo dao.

Bugagia Bidibo Kolesagade Po Asęai Buku 14:16

Te wiegi yai homu kolesaga elalubo bidigo da, te Genuai Bidide wi eyu, te bugagia tonalu, tama te sęgę sabo sę dabe te agade ela soaibao. Tiali goli, te wiegi yai homu elalusiąbo bidi, agai te homu eyu, te tobage tigidali sę yabo homu elama, tama agai te ebo kolesagade te homu bugagia me egobeo.

Bugagia Bidibo Kolesagade Po Asęai Buku 16:17

Te doloba pai hani bidigo te dwai kolesaga ela soabo sunumi wali paibao. Te bidigo aga bilibo te bugagia tonalu bilibaso da, te aga bugagia bidaibao.

Bugagia Bidibo Kolesagade Po Asęai Buku 20:7

Te doloba pai bidigo te dwai sę me deli isiąyu, bididu dao. Tama tibaso, aga wai dabe nosali bugagia bidaibao.