Dwagi Yai Gesi Po Jongo Asęani 9:39 - Godigo dwagi yai po buku

³⁹ Jisasgo te po wai, “Ena e tǫba asali, tǫde bidibo we bidi dagalai hagede asai. Te homu kolesaga tomode gedu halua sai bidi, gedugo ma sumainogo te ena asai. Me ma, we bidi meba augwaligo homu, ‘Ao, dago koneai dao, te da te gedugo subo bage dao,’ augwaligo te homu ebo dao. Tama tibaso, augwaligo Godigo homu koneidali weyu augwali gedu halua somainogo ena asai dao,” Jisasgo te po wai.

Dwagi Yai Gesi Po Jongo Asęani 9:39 Referans Kwoze

Dwagi Yai Gesi Po Jongo Asęani 3:19

Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.

Dwagi Yai Gesi Po Jongo Asęani 12:46

Ena e tǫba asali, te ula tiwai dao. Magi basowe? Tigidali bidi enabolo homu muani bidi augwali te hulide bididali weyu, ena te tǫde ula tiwai asai dao.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

1 Jon 2:11

Tiali goli niwai bidigo aga ama dali sębę eyu boi bidi homu eyu da, te bidi hulide bidibo dao. Aga hulide biliyu, be hulia saligo agai gedu dąų olama, tama aga pabo tų aga konesiąbaso gegebo dao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Dwagi Yai Gesi Po Lukgo Asęani 1:79

Tama te hulide bidalubo bageba ula ilimainu, me isabo pąde elalubo bage me, te bage tau somainu tiwaibao. Agai da te dwagi yai homude bilibo tųdu pabo po agai dabolo mobo ola mawaibao,” Sekaraiago te po wali.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Efesus 5:14

Tama tialigo da, te po me elalubao: “Nage pila mubo bidi, hodaloao, tama nage te gų pagede ma hodaloama, tama Krais agai wiegi yai ula nage mawaibao.”

2 Korin 2:16

Te bidi dolabo tų tomode bidibo hanigo te odobo denami te isabo denami odobo dao, tama augwali te isabo madi pedalaibao. Tama te Godigo augwali ma sabo tų tomode bidibo hanigo te odobo denami te bidibo ula sabo denami odobo dao, tama agai te bidibo ula augwaliba pedalomainogo yaibao. Te sęde Godigo da tau sisąyu tama dago te sę ebo usu egowe? Mu menio. Tialima aga da tau mu sabo dao.

Dwagi Yai Gesi Po Jongo Asęani 9:25

Agai po wei ponoyu, te po wai, “Aga dwai sę ebo bidi dawe, te eno konebeo. Eno te sę deli koneai. Polobadu eno gedu widai. Tiali megi eno gedu ula yai.”

Dwagi Yai Gesi Po Jongo Asęani 8:15

Dagego bidi me osola subo si, tama dagego tǫde bidibo we bidigo kolesagade osola subo dao. Ena da bidi me osola subo menio.

Dwagi Yai Gesi Po Jongo Asęani 3:17

Godigo aga Ogwa e tǫba tagala palali te e tǫde we bidi po tų dodolomainogo me tagala palobeo. Te menio. God aga Ogwa tagala palali da, te da tǫde we bidi ma dobola sagasomainogo yai.

Dwagi Yai Gesi Po Lukgo Asęani 13:30

Suao. Me badu bidi megi te nosali sabi badu mu bidali bidi dabe da, te polasa pabo bidi yaibao. Me ma, megi me badu polasa pabo bidi goli, nosali te menio, te nosali tudi badu bidibo bage yaibao,” Jisasgo te po wali.

Dwagi Yai Gesi Po Lukgo Asęani 7:21

Te sogo naga tama Jisasgo olo gasi me, dwai gasi mu me, te dwai noma bidi elalubo bidi me dwagi yai ma ilali. Tama gedu widai we bidi me gedu ma pedalali.

Dwagi Yai Gesi Po Lukgo Asęani 2:34

Simeongo Godigo bugai homu Jisas dali aga aya de ida si augwalibolo me ilao wali. Agai Jisas aga ida Mariabolo te po wali, “Odiąo. E waigo pode Israel we bidi hauwa augwaligo God taga paibao. Tama hauwa bage me augwali God pąba asaibao. Te aga dąį tiwai me deli nigalueibao, tama bidi hauwago agabolo dwai po waibao.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Matyu 6:23

Tiali goli nago gedu dwai yaibaso da, teda nago tigi me te tigidali be hulia saibao. Tama nage tomode elalubo ula te be hulia sabo tiwai yaibaso da, teda te hulia sali te genuai mu yaibao,” Jisasgo te po wai.

Aisaia 44:18

“Mu tamao, te tobage we bidi dabe te homu kolesaga mu umuna selama, te augwa homu kolesaga mu meni yai. Te magi nai me deligo augwa gedu paliama, te augwa tonono bilibo usu isąbo tiwai ebo dao. Te magi nai me deligo augwa homu kone tuą palobaso, tama augwa te homu kone tuą pabo kolesaga ebo dao.

Aisaia 6:9

Tama tibaso, Genuai Bidigo enabolo te po we bidibolo pusugi pao po wali, “Dagego po hauwa sogo odaibao. Tiali goli, dagego te page kuna konegobeo. Dagego gedugo hauwa sogo tonono bilaibao. Tiali goli, dagego magi sę pedelali me konea sogobeo.

2 Tesalonaika 2:10

Tama agai tigidali ili po wabo dwai kolesaga eyu, agai te hagayabo tųdu pabo bidi dabe dali tibo po waibao. Tama te bidi dabe augwaligo te Godigo mu po dago odaio homu egi sogo da, teda God agai augwali ma sigi da. Tiali goli augwaligo te Godigo mu po odobo hagela yai.

Aisaia 29:10

Genuai Bidigo dagego gedu sęgę ilali. Tama dage te bidi godege mu pilama, isai tiwai bidali. Tama Genuai Bidigo te profet bidi dabego augwaligo suabo nai dabe goli augwaligo susiąmainu yaibao.

Esekiel 12:2

“Tǫde bidio, te abagi dabe augwali megi nage dali bidibo bage, augwali te hagoma elama, po sela sąbo bidi dabe da. Augwaligo gedu elalubadi, tiali goli te augwaligo bugagia me tonogobeo. Augwaligo olo elalubadi digi, tiali digi augwa bugagia me odobeo, magi baso meni, augwali te hagoma elama, po sela sąbo bidi dabe bidibaso tebo dao.

Matyu 15:14

Dagego te Farisi dabe augwali sula tagalama elaluao. Augwali te gedu widai, tama te gedu widai mego te gasa gedu widai bidi te pabo tų ola mawainogo ebao. Tiali goli, te me gedu widaigo te me gedu widai bidi te tų ola mayu da, teda bidi talua si te ąį gamia pageba tulaluaibao,” Jisasgo te po wai.

Dwagi Yai Gesi Po Jongo Asęani 12:31

Megi Godigo tǫde we bidi osola suyu, sęgę mabo sogo dao. Megi e tǫde elalubo dwai kolesaga tobolu bidi Satan sela sąbo sogo dao.