Dwagi Yai Gesi Po Jongo Asęani 9:31 - Godigo dwagi yai po buku

³¹ Dago koneai, Godigo te dwai sę ebo bagego hanalu wabo po odobo menio. Tialima, bidi me deligo agai Godide wi eyu, Godigo po odoyu, Godigo homu wali pabo bidi, te bidigo hanalu wabo po Godigo odobo dao.

Dwagi Yai Gesi Po Jongo Asęani 9:31 Referans Kwoze

Bugagia Bidibo Kolesagade Po Asęai Buku 15:29

Genuai Bidi te dwai kolesaga ebo bidi dabede te digibulu bidibao. Tiali goli, agai te doloba pai bidi dabego gedu haluasa po waboba olo mubo dao.

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

Bugagia Bidibo Kolesagade Po Asęai Buku 28:9

Te bidigo te Godigo bomai po tudiba mubaso da, teda Godigo agai gedu haluasa po wabo me odogobeo. Te Godigo te gedu haluasa po wabo te kukumini ebo nai subo tiwai yaibao.

Maika 3:4

Nosali me sogo si te pedalubo side tama, dage te Genuai Bidiba gela waibao, tiali goli agai te dagego gela wabo me odogobeo. Agai te dagego gedu haluasa po wabo me odisąwaibao, magi baso meni, dagego te dwai kolesaga yalio.

Godigo Nogi Ugwaba Sabo Tęąbi Po Wabo Buku Dabe 145:19

Te agade wi ebo we bidi, te augwali nai meni baso, teda agai augwali nai mabo dao. Tama agai augwali gela wabo odolama, te augwali ma sabo dao.

Sekaraia 7:13

Tama eno augwaligo gedu haluasa po wabo odai menio. Magi baso meni, augwaligo eno po odisąma ebaso.

Bugagia Bidibo Kolesagade Po Asęai Buku 21:13

Te nago olo pania selama, tama te doado bage meni yai bidi dabego augwali tau somainu nageba i wabo nago odisąbaso da, teda nosali me te bidi dabe augwaligo te nago i wabo me odogobeo.

Jeremaia 14:12

“Te augwaligo nai habu selama, enaba gedu haluasa po obadi goli, te tagalao, eno augwaligo i wabo munu me odogobeo. Te augwaligo sia ulama, tigidali dela pabo ofa ebadi goli, te tagalao, te wit ulubo ofa ebo me, eno te we bidi augwaliba wiegi yai pemene me egobeo. Menio. Te eno boi bidi dabe tagala palama, augwali elagasomainu yaibao. Te eno augwali nai menia somainu ilama, te augwali isaibao. Tama genuai gasi augwaliba pedalumainu elama, te augwali isila paibao. Tama tebo kolesagade te eno augwali silimainu yaibao,” wali.

Dwagi Yai Gesi Po Jongo Asęani 15:16

Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Esekiel 8:18

Tibaso, eno augwaliba dwai dene umagia mabo sę eyu, te eno haliga sębę yaliba usu naibao. Te eno augwali bugagia bidimainu me sula tagalogobeo. Te eno olo mu tau sabo wiegi yai kolesaga te augwaliba me egobeo. Te eno augwali tau somainu i bomonama obadi goli, tialima eno te augwaligo gedu haluasa po wabo me odogobeo,” te po wai dao.

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 18:41

Te augwali bidi me deli tau somainu te i wali, tiali goli dego augwali tau saibawe? Te me deli meni yai. Augwaligo te Godiba i wali, tiali goli agai augwaligo te gela wabo me odobeo.

Jopgo Po Asęani Elalubo Buku 42:8

Tama tibaso, dagego kau kibu omai nogo a naga, me badu si sobadi, kibu sipsip a naga, me badu si sobadi, tama elama, tama eno sę bidi Jop pageba sela pao. Tama dagego augwali elama, tama ofa nai iside sese tama ulao. Tama Jopgo enabolo gedu haluasa po olama, tama eno dage dolabo homu yali tagalaibao. Teda eno agai gedu haluasa po wabo odaibao. Tama eno dagego te wali dwai po dabe usu nama, dagebolo dene me magobeo. Magi baso meni. Dagego eno ebo sę po dolo pusubeo, te eno sę bidi Jopgo pusali yali gilama,” Genuai Bidigo Elifasbolo wali.

Jopgo Po Asęani Elalubo Buku 35:12

Te mu, te bidi dabego tau somainu i wabo dao. Tiali goli, augwali tobolu gagea pelama, tama dwai kolesaga ebo bidi dabe dao. Tama tibaso, Godigo augwaligo i wabo odobo menio.

Dwagi Yai Gesi Po Jongo Asęani 7:17

Niwai bidigo Godigo homu kolesaga wali pabo bidi agai eno ola mabo po page koneagameo. Eno te we bidibolo ola mabo po menade saliwe? Te Godigo po dawe? Ma eno homugo naga te po obawe? Niwai bidigo Godigo homu kolesaga wali pabo bidi agai eno ola mabo po page koneagameo.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Jeremaia 11:11

Tama tibaso, ena Genuai Bidigo, eno po dolo tama obao, te eno augwali dwagilama mu dolaibao, te sę augwaliba ebo me ela soagobeo. Te augwaligo enaba i weyu, tau somainu yaibao, tiali goli, eno augwaligo i wabo me odogobeo.

Aisaia 58:9

Te dagego enaba gedu haluasa po weyu, i wabo sogo, te ena Genuai Bidi, eno te dagego gedu haluasa po wabo odoyu, tau saibao. Te ena dage dali bidibo, dagego koneaibao. Te dagego gasa bage dabe aiyaba elaluama, te augwaliba nogo tų eyu, po dwai wabo tagalama,

Godigo Nogi Ugwaba Sabo Tęąbi Po Wabo Buku Dabe 143:10

Nage eno God da, eno homugo te nago ena bugagia ola momainu homu eyu, te eno nago homu wali pabo homu ebao. Eno homugo te nago homu mobo bidigo ena bugagia wiegi yai ilimainu homu elama, tama ena te wiegi yai sunumiba pabo dodolumainu ebo dao.

Tigidali Nai Gagalama Nigali Side 20:7

Tiali goli, megi nago te we aga bidiba ma tagala palao. Te bidi aga te eno po pusubo bidi profet dao, te agai gedu haluasa po weyu da, te nage me isigobeo. Te nago te we ma tagala palisiąwani da, teda nage me, te naga bidalubo tigidali we bidi dali, mu isila paibao,” Godigo te po wai.

Tigidali Nai Gagalama Nigali Side 19:29

Godigo te tigidali malu tǫde elaluali hanu dolali. Tiali goli, agai te Abrahamba homu kone palama, tama agai te Lot dali, te aga bidali hanu dali, te me dolobeo. Te dolobo sę ebogo te Lot polobadu bidali hanu dabe mu dola silalio.

Godigo Nogi Ugwaba Sabo Tęąbi Po Wabo Buku Dabe 106:23

Tialima, me sogo nosali Godigo te aga we bidi augwali dolaibao po wali. Tiali goli, Moses, te Godigo dąį muani sę bidi, aga te God geduba doligi pelama, tama agai te Israel dabe tau siyu, tama Godigo haliga sębę yali togolama panibaso, tama Godigo augwali me dolobeo.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

Godigo Nogi Ugwaba Sabo Tęąbi Po Wabo Buku Dabe 40:8

Eno God, eno te nago homu wali pabo wei mu ebao. Te nago bomai po te ena haliga tomode elalubao.”

Hibru 10:7

Tialima megi eno e po obao: Godio, ena asalio. Te tiwai te augwaligo enade po olama, te po polobadu te bukude asęani, te megi ena asali te eno nago homu kolesaga wali painogo asai dao.” Kraisgo te po polobadu wai.

Bomai Po 1:45

Tama dage gela olama, tama Genuai Bidigo tau somainogo i wai dao. Tiali goli, agai dagego po me odobeo. Menio.

Jopgo Po Asęani Elalubo Buku 35:13

Augwaligo doloba pai kolesaga meni. Tama tibaso, God Tigidali Bomo Elalubo Bidigo augwaligo i wabo odogobeo.

Dwagi Yai Gesi Po Jongo Asęani 9:30

Te gedu widai bidigo te Juda bagego tobolu bidi dabebolo te po wai, “Te bidi noma sabo sę yali bidi dao. Aga menadu asaliwe, te dagego konesiąwai goli, agai eno gedu si dwagi yai ilali.

Dwagi Yai Gesi Po Jongo Asęani 9:32

Tigidali sogo polobadu bidi me deli aga idago gedu widai ame nani po dago odai. Tiali digi bidi me deligo te gedu pedalali po dago munu me odai menio. Dago wąį mu, augwaligo te tobage po odai menio, dago ayago me, tama megi dago me odai menio.

Dwagi Yai Gesi Po Jongo Asęani 11:22

“Tialima, megi eno koneai, nago Godibolo magi nai me hanaluyu da, agai nagebolo mawaibao,” Martago Jisas dali te po wai.