Dwagi Yai Gesi Po Jongo Asęani 9:10 - Godigo dwagi yai po buku

¹⁰ Augwaligo te bidibolo te po wai, “Magi ilama, nago gedu dwagi yai yaliwe?” te bidibolo augwaligo te po wai.

Dwagi Yai Gesi Po Jongo Asęani 9:10 Referans Kwoze

1 Korin 15:35

Tiali goli bidi me deligo te tiwai po hanalu waibao, “Te Godigo po wali pali isai we bidi dabe augwali mena tama hodalugowe? Te augwali mena tiwai tigi selama ma hodalugowe?” agai te po waibao.

Dwagi Yai Gesi Po Jongo Asęani 9:26

Tama augwaligo agabolo te po wai, “Agai nage dali magi sę yaliwe, agai nago gedu magila pedalaiwe?”

Dwagi Yai Gesi Po Jongo Asęani 9:21

Tiali, megi agai gedu ula mena tama ilaliwe, te da sigo konebeo. Tama dego agai gedu pedalaliwe, te me da sigo konebeo. Dagego agabolo hanalu wao. Aga genuai yai dao, aga digi dage dali po wabo usu yaibao,” augwali sigo te po wai.

Dwagi Yai Gesi Po Jongo Asęani 9:15

Tama te Farisi hani bage augwaligo te bidibolo ma hanalu wai, “Nago gedu mena tama dwagi yai pedalaliwe?” Te bidigo augwalibolo te po wai, “Te bidi agai aiyana pai tǫ eno geduba muai, tama ena ąį pauwai, tama eno gedu ula yai.”

Dwagi Yai Gesi Po Jongo Asęani 3:9

Nikodemusgo Jisasbolo te po wei ponai, “Te nai mena tama pedalaibawe?” te po wai.

Dwagi Yai Gesi Po Makgo Asęani 4:27

Tama tigidali sogo be hulibo usu nama te bidi godege piduali, tama be posobode aga hogodama bilidu yai. Tama te tedelalo pali nai wai holama, tama mena tama genuai ebo me, te bidi agai me konebeo.

Kolesaga Koneai Bidigo Pusali Po Elalubo Buku 11:5

Godigo tigidali nai nigali. Tialima, te waligo wali pabo tų menadewe, te dago konebe. Ma, magi elama te gesi wai bǫų te idago haliga tomode bidibo ula elaluali, te me dago konebeo. Te tiwai naga te Godigo ebo sę dabe te dago koneabo usu meni ebo dao.

Jeremaia 36:17

Tama augwaligo Barukba te tiwai po hanalu wali, “Nago dabolo wao. Magi elama nago te po asęai dawe? Te Jeremaiago po odubadi, nago asęai dawe?”

Dwagi Yai Gesi Po Jongo Asęani 6:1

Te wali po silama, tama nosali me sogo Jisas Galili sigi ąį te moni gebadu nogelama, u badu pai. Augwaligo te ąį nogi me Taiberius nogi yai.

Dwagi Yai Gesi Po Jongo Asęani 9:9

Mebago te po wai, “Te bidi tama dao.” Tama mebago te po wai, “Te bidi menio. Te bidi tiwai dao, tiali te gasa bidi dao.” Tama te bidi aga digi te po wai, “Te ena te bidi tama dao,” te po wai.

Dwagi Yai Gesi Po Jongo Asęani 9:11

Te bidigo po wei ponoyu, te po wai, “Te bidi nogi Jisas, agai tǫ dali, ąį dali piligilama, eno gedude pilai. Tama aga enabolo te po wai, ‘Nage Siloam wę ge ąįba pelama, te ąį paugi pao,’ wai. Tama ena pelama, te ąį paugi pai, tama eno gedu dwagi yai elama, tigidali nai eno subo dao,” te bidigo te po wai.