Dwagi Yai Gesi Po Jongo Asęani 8:6 - Godigo dwagi yai po buku

⁶ Augwaligo tama po obaso Jisas homu magibo yabowe naga suainogo tiwai. Augwaligo homugo Jisasgo wabo pode augwaligo po tų ela maiabo tų me gegainogo, te Jisasgo po weyu, aga geda muyu da, teda augwaligo agade nogo tų ela mumai hagede. Tialima, Jisas tǫba basialuyu, aga nogo danigo tǫba po asęduai.

Dwagi Yai Gesi Po Jongo Asęani 8:6 Referans Kwoze

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Dwagi Yai Gesi Po Lukgo Asęani 10:25

Te Juda dabego bomo yai po ola mabo bidi me asama, Jisas usu sai hagede, agai po hanalubo po wagasali. Agai te po wali, “Po ola mabo bidi, eno noma te bugagia gamonabo pesageba painu, magi sę yagawe?”

Matyu 19:3

Tama te Farisi hani dabe meba agaba aselama, tama augwaligo agai geda mubo po wagowe te homu eyu, tama augwaligo aga usu sagasai. Augwaligo te po wai, “Nago magi homu ebowe? Ma, dago bomo yai pode te bidigo aga homu naga wali peyu, tama aga we te tigidali magi sęde sela sąbo te usu egowe?” te po wai.

Amos 5:10

Te doloba pai bidi dabe augwali te po tųba sabalobo sogo, te mu po naga weyu, te dage dwai kolesaga ebo bidi dabeba wado po obaso da, teda dagego te doloba pai bidi dabe wei homu me ebo meni.

Kolesaga Koneai Bidigo Pusali Po Elalubo Buku 3:7

Agai te ugwa pisą yabo sogo bodolu muyu, te hobolabo sogo muyu yali. Agai te bidi dago pedauwali panibo sogo muyu, te po wabo sogo mubadi yai dao.

1 Korin 10:9

Tama dago me dwai sę eyu te Genuai Bidi usu me selamuo. Te augwali tomode mebago dwai sę eyu aga usu sobaso, tama te dwai hasamani dabego augwali gąų kelama tama augwali isai dao.

Dwagi Yai Gesi Po Makgo Asęani 10:2

Tama te po ola mobadi, te Farisi dabe meba agaba aselama, tama augwaligo usu sinayani. Augwaligo te po wali, “Te da Juda dabego bomai pode te bidigo aga we sela sąbode, te usu da wali elalubowe, ma meniwe?”

Dwagi Yai Gesi Po Makgo Asęani 8:11

Te Farisi dabe meba augwali aselama, tama augwaligo te Jisas dali te wado po tiwai weyu konila po wai. Augwaligo te Jisasbolo bomai sę me deli yao po wali. Augwaligo aga te usu sabo sę senayu naga yai.

Matyu 26:63

Tiali goli Jisasgo po me wabeo. Tama te pris tuni bidigo agabolo te po wai, “Te nago dabolo mu po naga omainogo eno nagebolo te bidibo ula elalubo Godigo nogide te po hanalu obao, nage te Godigo sa muani bidi Krais, te Godigo Ogwa dawe, ma meniwe?”

Matyu 22:35

Tama augwali tomode te bomo yai po page koneai bidi me deli bidali. Agai Jisas usu siyu hanalu wainogo yali,

Matyu 22:18

Tialima, Jisasgo augwaligo dwai tibo homu ebo konea pelama, tama agai te po wai, “Dage tibo po wabo bidi dabe dao, magi baso dagego ena dąų omainogo eyu usu sobawe?

Matyu 16:1

Te Farisi hani dabe mebago me, te Sadyusi hani dabe mebago me, augwali Jisas pageba aselama, tama aga augwaligo usu sainogo yai. Augwaligo agabolo te dagalude bomai sę ebo me deli te augwaligo suainogo te sę yao te po wai. God agai te Jisasde dwagi yai homu egowe ma egobewe, te konemainogo augwaligo te po agabolo wai.

Matyu 15:23

Tiali goli Jisasgo te wego po wei ponobeo, sagia sai. Tama aga wali pabo bage augwali agaba aselama, tama aga homu begelemainogo te po wai, “Te we aga tagala palao. Aga da wali asiyu, da dali bomonama i weyu ebao,” augwaligo te po wai.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Amos 5:13

Te we bidi augwaligo te tobage dwai kolesaga ebo sogo, te kolesaga koneai bidi, doloba pai bidi, agai pedauwali pania sai elalu, te agai po me deli augwaliba me wagobeo.

Daniel 5:5

Tialima, polo tama bidi me deligo nogo te be habu togwa sali pai tede pedelama, tama te nogogo nogo ge me deligo te pai ugwadu tede po asębo sę yali. Te badu te lam sole ula genuai ebadi, tama kingo te nogo gego asębo te hania mu sualio.

Bugagia Bidibo Kolesagade Po Asęai Buku 26:17

Te bidi si wado po wabo sę ebadi, tiali goli te gasa bidi me pelama, te augwali sigo po wabo tau sabo po obaso da, teda te bidigo te yowi pabo sulama, tama aga pelama, te yowigo olo tola sigi pabo tiwai gilama ebao.

Israel Hanigo Namba 14:22

Te eno po odoyu wali pisąwai we bidi augwali te eno augwalibolo mawaibao wali te tǫ eno augwalibolo magobeo. Augwaligo te eno bomo yai ula suali, te augwalibolo eno ola mani, te ena augwali dali bidibao. Tama me augwaligo eno te Isipde, me nai meni yai kemi sane bulude yali sę augwaligo polo suai dao. Tiali goli, hauwa sogo mu augwaligo ena dali tobolu gagea pelama, tama augwaligo eno po wali pabeo.

Tigidali Nai Gagalama Nigali Side 49:9

Juda, nage te gesi ogwa bidi laion me deli tiwai. Agai te aga hasa elama, tama nosali te aga geme dualalubo pesagede geme ma duala sigi pabo tiwai yali. Juda te ogwa bidi laion me deli tiwai aga da. Agai te aga sągą dili dodolama, tama nosali aga pibo da. Tama me deligo te aga dali hagoma me eyu me egobeo.

Dwagi Yai Gesi Po Jongo Asęani 8:2

Jisas aga kigamu digi mu te Moni Lotu Be tempel teba ma pai. Tama we bidi hauwa augwali Jisas agaba asai. Tama Jisas aga dualama, te we bidi po ola mabo ma gagalali.

Dwagi Yai Gesi Po Lukgo Asęani 11:16

Te bidi mebago Jisas tola sabo bono gaga muyu te aga habela palomainu, te po wali, “Godigo bomo nagebolo mani dago sumainu wida, te nago da noma sabo bomai sę me deli ela suao,” te po wali.

Dwagi Yai Gesi Po Makgo Asęani 12:15

Tiali goli Jisasgo augwaligo te tibo po wabo te agai koneama, tama agai augwalibolo te po wai, “Magi baso dagego ena usu sobawe? Te mone ge me deli sela aselama, eno sueibao,” te po wai.

Godigo Nogi Ugwaba Sabo Tęąbi Po Wabo Buku Dabe 39:1

Eno po te tama wali, “Eno te ena ebo kolesaga tigidali te bugagia tonalueibao,” po wali. “Tiyu, te ena wali pode sęgę sidalio. Te dwai sę ebo bidi dabe ena pąde bidibo sogo da, teda eno po deli me wagobeo,” wali.

Dwagi Yai Gesi Po Makgo Asęani 3:2

Tama augwaligo Jisasba tonaluali. Augwaligo koneainogo, agai te bidi te Sabatde te wiegi yai ilibowe, ma meni ebowe naga sueinogo yai. Augwaligo te Jisasgo te sę ebode te po tų ilainogo homu yali.