Dwagi Yai Gesi Po Jongo Asęani 8:49 - Godigo dwagi yai po buku

⁴⁹ Jisasgo po wei ponoyu, te po wai, “Enade dwai haubo mobo bidi me bidibeo. Eno ena Ayago nogi ugwaba sabo dao. Tiali digi, dagego eno nogi posobo dao.

Dwagi Yai Gesi Po Jongo Asęani 8:49 Referans Kwoze

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Dwagi Yai Gesi Po Jongo Asęani 17:4

Eno nago genuai nogi dali, bomo dali, te si te tǫde we bidi augwalibolo ola mawai. Nago enabolo yao olama mani sę, te sę eno tigidali mu ela silai dao. Tama tiyu, eno nago nogi dali bomo dali te we bidi augwalibolo ola mawai.

Dwagi Yai Gesi Po Jongo Asęani 14:13

Tama dagego magi nai po hanalu obaso da, Godigo aga Ogwade moni nogi somainogo, te eno dage tau saibao.

Dwagi Yai Gesi Po Jongo Asęani 11:4

Jisasgo te po odama, te po aga wali pabo bidi dabebolo wai, “Te gasi page tama telalubuo. Te gasigo sę te bidi Lasarus isibo gasi naga menio. We bidi augwaligo Godigo ula yai bomo sumainogo eyu te bidi gasi yai. We bidi augwaligo Godigo Ogwa me nogi ugwaba somainogo eyu, te gasigo Lasarus sai,” Jisasgo te po wai.

Dwagi Yai Gesi Po Jongo Asęani 8:29

Agai ena tagala palobaso, ena asai, agai ena dali bidibao. Agai ena tagalama, enaduba bidibo menio. Magi basowe? Eno ebo sę te God agai godolo yabo sę naga ebo dao,” Jisasgo te po wai.

Aisaia 49:3

Te agai te tiwai po wali, “Israel, nage eno sę bidi da. Te nagede naga, te eno bomo, me eno genuai nogi te tigidali we bidiba ola mawaibao,” wai dao.

Aisaia 42:21

Genuai Bidigo te doloba pai kolesaga naga eyu, tama agai te we bidi dabe ma dobola sabo kolesaga ebode dwagi yai homu ebao. Tama tibaso, aga bomo yai po dageba mobao, te gasa bage dabego sulama, te tiwai konemainu ebao, te bomo yai po te wiegi yai mu, te mu polalubo dao.

Dwagi Yai Gesi Po Jongo Asęani 12:28

Aya, naga nogi genuai emainao, eno homugo tama te ebo dao,” Jisasgo te po wai. Te po olama, tama dagaludu po me deli duali, “Eno ena nogi genuai yai dao. Tama eno nogi genuai ma ilaibao,” dagaludu po asiyu, te po Jisas dali wai.

Dwagi Yai Gesi Po Jongo Asęani 7:20

Te we bidi augwaligo Jisasbolo po wei ponoyu, te po wai, “Dego nage elainogo ebawe? Woo, noma bidi dwai me deli nagede bidibaso, nago te po wali,” te olo we bidi augwaligo te po wai.

Godigo Sęba Tagala Palai Bidigo Po 5:41

Tega sigo te kaunsil be tagalama pali. Tama te kaunsil bagego elali goli, mu ma bugai homu yali. Tama augwaligo te homu yali, ‘Da Jisasgo po wali pobaso, Godigo usu da olama, da te bidigo gedude naga moni hale mu selama, Jisasgo sę tau sali,’ te homu yai.

1 Korin 11:14

Te we bidi dena kolesaga digi te tiwai dagebolo ola mabo dao: te bidigo bobage tobolu nisi elalubaso da, te dolo meni.

1 Korin 15:43

Te tigi dago pubalobo, te sawi isąwai dwai mu yali. Te ma hodalobo tigi, te wiegi yai sawia pai mu yaibao. Te dago tǫba pubalobo tigi, te bomo me elalubeo. Te ma hodalobo tigi, te bomo hauwa elaluaibao.