Dwagi Yai Gesi Po Jongo Asęani 8:37 - Godigo dwagi yai po buku

³⁷ Eno koneanio, dage te polobadu bidai bidi Abrahamgo hani dao. Tialima, dagego eno po sabo homu isiąbaso, dagego bomo elama, ena elabo homu naga ebo dao.

Dwagi Yai Gesi Po Jongo Asęani 8:37 Referans Kwoze

1 Korin 2:14

Tiali goli te Tedali Mobo Bidi elalusiąbo bidi da, agai te Godigo Mobogo olo mabo nai dabe sogobeo, aga usu egobeo. Magi baso meni, agai homugo te page meni yai nai dao, tama agai te naide te page bugagia konegobeo. Te naide po dago te Tedali Mobo Bidide naga sali, tama te Tedali Mobo Bidi meni yani bidi da, agai te po page me dagalogobeo.

Polgo Po Pas Rom Dabeba Asęani 9:7

Tama dago e tiwai po me olamuo, “Augwali te Abrahamgo kanemede pedalama, tama tigidali augwali te aga wai dabe mu bidibao,” te wagio. Menio. Polobadu Godigo e tiwai po Abrahambolo wai dao, “Te nago hani bidi nogi nosali nedada pabo si, te Aisakgo hani augwali naga nedada paibao.”

Dwagi Yai Gesi Po Jongo Asęani 7:1

Te silama, tama Jisas aga Galili genuai tǫba pelama, tede bidiyu, te me me buluba bilalio. Juda bage augwaligo Jisas elainogo yai, tama tibaso Jisas aga te Judia genuai tǫ te badu me bilibo te hagela yai.

Dwagi Yai Gesi Po Jongo Asęani 8:59

Te Juda bage augwaligo Jisasgo te po wabo odobaso, tama augwaligo masigi selama, Jisas aga elainogo yai. Tialima, aga geme duala siyu, ela pelama, tama te Moni Lotu Be tempel taga peyu, aga buluba teda pai.

Godigo Sęba Tagala Palai Bidigo Po 13:26

Te bidi Polgo te po olama, po me ola mani, “Ama dede, abe dede, dage Abrahamgo hani bidi dagego me, odao. Dage Juda bidi hani isąwai bidi, dage God wali pabo dao, dagego me odao. Godigo agai da ma dobola sabo tų nigali po te da tigidalibolo tagala palali.

Dwagi Yai Gesi Po Jongo Asęani 8:43

Magi baso dagego eno po homugo bugagia konebewe? Te page tama dao. Dagego bomo elama, dagego eno po sabo homu ebo menio.

Dwagi Yai Gesi Po Jongo Asęani 11:53

Te sogo te Juda bagego tobolu bidi dabe augwaligo po gagalama, Jisas elabo po miai.

Dwagi Yai Gesi Po Jongo Asęani 7:19

Polobadu Mosesgo dage te Godigo bomo yai po mawai dao. Tialima, dage tomode bidi mego te bomo yai po wali pabo menio. Magi baso dagego ena elainogo ebawe?” Jisasgo te po hanalu wai.

Dwagi Yai Gesi Po Jongo Asęani 10:31

Te Juda bage augwaligo te po odolama, tama augwaligo masigi ma selama, tama Jisas tigiba masigi sąwai hagede, aga elemainogo yai.

Dwagi Yai Gesi Po Jongo Asęani 8:6

Augwaligo tama po obaso Jisas homu magibo yabowe naga suainogo tiwai. Augwaligo homugo Jisasgo wabo pode augwaligo po tų ela maiabo tų me gegainogo, te Jisasgo po weyu, aga geda muyu da, teda augwaligo agade nogo tų ela mumai hagede. Tialima, Jisas tǫba basialuyu, aga nogo danigo tǫba po asęduai.

Dwagi Yai Gesi Po Jongo Asęani 7:25

Te Jerusalem we bidi mebago noma dwasianu siyu, te po wai, “E bidi te tobolu bidi dabego elai hagede yali bidi dawe?

Dwagi Yai Gesi Po Jongo Asęani 5:44

Dagego genuai nogi duga haside sabo dao. Tiali digi, dagego Godigo dagebolo genuai nogi maiabo sę te bomo elama, ebo menio. Tama tibaso, dagego eno wabo po mena tama duga homuba mugowe?

Matyu 13:15

Magi baso meni. E we bidi hanigo homu kolesaga te puna pai dao. Tama augwaligo ologo po odobo te hagela eyu, tama augwaligo augwa gedu palia sai. Tiyu augwaligo gedugo te magi nai me deli suidali weyu tiali, tama augwaligo ologo po odidali weyu tiali, tama augwaligo homude te po page ma koneama, tama augwali begesa enaba ma aselama, te eno augwali usu ma ilidali weyu augwaligo tama kolesaga yai dao,’ Aisaiago Godigo wali po augwalide tama asęai dao.

Dwagi Yai Gesi Po Jongo Asęani 8:33

Tama augwaligo Jisasbolo te po wai, “Woo, da Abrahamgo hani dao. Te tebo side bidi deligo da hani olo sę ebo bidi te nigilama munu me bidai menio. Magi baso nago te po obawe, ‘Dage te nogo dąų wali kolesaga tagalama, tama dage olo mu bugagia bidaibao’ po magi baso obawe?” augwaligo Jisas dali te po wai.

Matyu 3:9

Dagego eno pode geda siyu, dagego homude te homu me egimio: ‘Te Abraham da, te dago aya da, tama tibaso da bugagia bidibao, te dago dena homu magi baso begelaibawe,’ te wagio. Eno dagebolo te po obao, God agai da e masigi dabego te Abrahamgo wai pedala wali da te pedalobo usu yaibao.

Dwagi Yai Gesi Po Jongo Asęani 8:56

“Duga wąį mu Abraham agai ena e tǫba nosali bidagasaiba, te agai polobadu koneyu tama agai dwagi yai homu yai. Tama agai ena bidagasobo sulama tama agai tede dwagi yai homu mu yai dao,” Jisasgo te po wai.

1 Jon 2:14

Dage eno wai dabe, dagego dago Aya bugagia koneai. Tama tiyu, eno te po dagebolo asęai dao. Dage aya dabe, te tigidali nai gagalali sogode bidali bidi, aga megi me bidibo, te bidi dagego koneai dao. Tama tiyu, eno te po dagebolo asęai dao. Dage gesi bidi dabe, dagego bomo yai, tama Godigo po dage tomode bidibao, tama dagego Satango bomo aiyaba elaluai dao. Tama eno te po dagebolo asęai dao.