Dwagi Yai Gesi Po Jongo Asęani 8:28 - Godigo dwagi yai po buku

²⁸ Tama tibaso, agai augwalibolo te po wai, “Nosali dagego Godigo Bidi Mu ni pedaide daganama, te ugwaba sela muaibao. Te tebo sogo da, te dagego koneaibao, ena te ena digi dao. Te sogo me dagego koneaibao, eno haniani sę eyu, eno homu wali pisiąyu te sę yalio. Eno po Ayago ena ola mani po naga wabo dao.

Dwagi Yai Gesi Po Jongo Asęani 8:28 Referans Kwoze

Dwagi Yai Gesi Po Jongo Asęani 5:30

Eno homugo digi eno te sę ebo usu egobeo. Eno Godigo wali po naga wali pelama, tama eno po tų ebo dao. Tama tibaso, eno po tų ebo sę te dolo mu ebo dao. Magi basowe? Eno sę ena homugo me ebo menio. Te ena tagala palali bidigo homu eno wali pabo dao,” Jisasgo te po wai.

Dwagi Yai Gesi Po Jongo Asęani 5:19

Te Jisasgo po wei ponoyu, te po wai, “Eno dagebolo mu po tama obao, Godigo Ogwago agaduba homugo magi sę me ebo menio. Agai Ayago ebo sę naga sulama, agai ebo dao. Tigidali sę Ayago ebo, te aga Ogwago tama ebo dao.

Dwagi Yai Gesi Po Jongo Asęani 6:38

Magi basowe? Eno dagalu tagalama, e tǫba dulali, te eno homu kolesaga wali painogo asobeo. Menio. Ena e tǫba dulali, te ena tagala palai bidigo homu ena wali pomainogo asai.

Dwagi Yai Gesi Po Jongo Asęani 3:14

Polobadu Mosesgo te kapago nigai tibo hasamani te bidi meni yai bulude ni donogo ugwaba sai. Te tiwai yali gilama, tama augwaligo te Godigo Bidi Mu ugwaba sela mueibao.

Polgo Po Pas Rom Dabeba Asęani 1:4

Tama me ma te wiegi yai kolesaga ebo Tedali Mobo Bidigo bomo eyu aga sa hania muani, aga te Godigo Ogwa da wai. Godigo aga te gų pagede ma hodolama, tama tebogo agai te we bidibolo aga Godigo Ogwa mu dao ola mayu waselai dao. Aga dago Genuai Bidi Jisas Krais dao.

Godigo Sęba Tagala Palai Bidigo Po 4:4

Tiali goli, augwali sigo po ola mabo po te odali we bidi te augwali hauwa mugo te po mu konealuali. Tama te bidi dabe nedelama, te namba hauwa mu 5,000 yali.

Godigo Sęba Tagala Palai Bidigo Po 2:41

Tama we bidi hauwa augwaligo agai wali po homude dąų wai. Tama we bidi hauwa mu 3,000 augwali te sogo baptais selama, tama augwali te Jisasde polobadu homu dąų wai we bidiba wadolagasai.

Dwagi Yai Gesi Po Jongo Asęani 19:18

Te bulu dude augwaligo Jisas ni pedaide elama daganai. Tama augwaligo gasa bidi me si me Jisas dali elai. Tama me bidi Jisas agai dolo nogo badu eleyu, me bidi agai pobase nogo badu eleyu yai. Tama Jisas aga tomode elai.

Dwagi Yai Gesi Po Jongo Asęani 16:10

Te Mobo Bidi agai te tǫde we bidibolo ena te doloba pai bidi ena dao te po ola mawaibao. Ena eno Aya pageba pobao. Tama ena teba pobaso, augwaligo koneaibao, ena te doloba pai bidi mu dao, te waibao. Tama dagego ena ma sugobeo.

Dwagi Yai Gesi Po Jongo Asęani 11:42

Eno koneai, tigidali sogo nago eno hanalubo po wabo odobo dao. Tiali eno e dolalubo we bidi tobade e po megi nagebolo obao, augwaligo nago ena tagala palali bidibolo homu mumainogo ebao.”

Dwagi Yai Gesi Po Jongo Asęani 8:24

Tama tibaso, eno dagebolo po wai dao, dagego yali dwai sęgo sęgę te me elalubadi, dage isaibao. Tama dage mu tama te sęgęde isaibao, dage enade ena te tǫba dulali bidi dao po dagego te pode ‘Mu po dao’ homu esiąyu da,” Jisasgo te po wai.

Dwagi Yai Gesi Po Jongo Asęani 3:11

Eno mu po nagebolo obao, dago e wabo po da te dago koneani po obao, tama dago po pusali da, te dago suali sę po dao. Tiali goli dagego dago wali po te dagego tudiba muanio.

Ma Dobola Sali 3:14

Tama Godigo te po wali, “Ena Digi Ena Tama Bidibo Dao. Nago te Israel we bidi dali te po wao, ‘Ena Digi Bidibo, te Godigo nogi dao. Tama agai ena tagala palobaso, tama ena dage bidiboba asai.’

Bomai Po 18:18

‘Tama eno te we bidi hani tomode eno bidi me deli sa muaibao,’ po wali. ‘Tama aga te profet bidi nage yali gilama nigaibao. Tama eno po agabolo mayu yaibao. Tama eno po me deli te we bidibolo pusigi pao po obaso da, teda agai pusiyu yaibao.

Matyu 24:5

Magi baso meni. Bidi hauwa aselama, augwaligo eno nogi nogi ilama, tama augwaligo te po waibao, ‘Ena digi ena te Godigo sa muani bidi Krais dao.’ Tama augwaligo te we bidi hauwa ili po ola mawaibao, te augwali gasa tųba paibao.

Dwagi Yai Gesi Po Makgo Asęani 13:6

Te bidi dabe hauwa augwali aselayu, tama ena nogi ilama, tama augwaligo te po waibao, ‘Ena digi ena te bidi dao.’ Tama augwaligo te we bidi hauwa tibo po ola mawaibao.

Dwagi Yai Gesi Po Lukgo Asęani 21:8

Tama Jisasgo po weyu, te po wali, “Bidi hauwa asiyu, Jisas ena nogi waibao, Jisas asaibao wali, ena te Jisas ena e asalise, te po waibao, dage dali. Dage dua dao. Augwaligo dage ili po ola mawaibao. Tama augwaligo te po me waibao, ‘Asobo si te pąba maga yagasobao.’ Tiali goli, dagego te po wabo bidi wali pigio.

Dwagi Yai Gesi Po Jongo Asęani 4:26

Jisasgo te we agabolo te po wai, “Te ena tama dao, megi nage dali eno te po obao.”

Dwagi Yai Gesi Po Jongo Asęani 8:27

Augwaligo Jisasgo aga Ayade po wabo te augwaligo me konebeo.

Dwagi Yai Gesi Po Jongo Asęani 8:58

Jisasgo augwalibolo te po wai, “Mu po eno dage dali obao. Polobadu Abraham tede bidu ame nesiąbadi yaide, te sogo ena bidai dao, megi tama me ena bidibo dao,” Jisasgo te po wai.

Dwagi Yai Gesi Po Jongo Asęani 13:19

Te age dolobo sę pedalisiąbadi, megi eno dagebolo te obao. Tama tibaso, nosali te sę pedalobaso da, teda dagego te mu koneaibao, te ena da Godigo tagala palai bidi dao.

Dwagi Yai Gesi Po Jongo Asęani 18:32

Polobadu Jisasgo aga isabo sogode po me weyu, te po wai, “Juda hani isąwai bagego ena nide walama, tama ena isaibao.” Tama te po nai gilama walomainogo, megi te Juda bage augwaligo Jisas te Pailat pageba odasa aselama, tama te po wai.