Dwagi Yai Gesi Po Jongo Asęani 7:8 - Godigo dwagi yai po buku

⁸ Dage naga ugwaba holiąo, te Juda bage augwaligo olo bidibo side te dagego sugi pao. Tialima, ena teba pabo me elalubo. Eno bodolu mani si te me elalubo,” Jisasgo te po wai.

Dwagi Yai Gesi Po Jongo Asęani 7:8 Referans Kwoze

Dwagi Yai Gesi Po Jongo Asęani 7:6

Jisasgo augwalibolo te po wai, “Eno side te polo pedalobeo. Tialima, tigidali sogo te dagego side dao,” wai.

Dwagi Yai Gesi Po Jongo Asęani 8:20

Jisas agai te po te masigi ge mubo be habude bidiyu, te po wai. Agai te we bidi te Moni Lotu Be tempel tomode ola mayu, te po wai, te masigi ge mubo be habude. Tama tialima, bidi me deligo aga kalabus me ebeo. Magi basowe? Te Jisas agai bodolu mani si te me elalubuo.

Dwagi Yai Gesi Po Jongo Asęani 7:30

Tama tibaso, te Juda bage tobolu bidi dabe augwaligo Jisas aga kalabus ilainogo yai. Tiali digi, agai sogo meba elalubuo, aga bodolu mani sogo asobeo, tama tialima bidi me deligo aga nogo me tubeo. Menio.

Dwagi Yai Gesi Po Jongo Asęani 8:30

Jisas agai te po obadi, we bidi hauwa agabolo homu dąų olama, muai.

Matyu 26:18

Tama agai te po wai, “Dage te moni hanu tomoba pelama, tama dage te bidi me deli bidibo digi pelama, agabolo te po wao, ‘Te po ola mabo bidi agai te po walio, “Eno bodolu mani sogo te pąba yagasalio. Nago bede te eno nai Pasova te ena wali pabo bidi dabe dali tuaiba,” te po walio.’ Te be page bidibolo te po wao,” Jisasgo te po wai.

Dwagi Yai Gesi Po Jongo Asęani 2:4

Tama Jisasgo aga idabolo te po wai, “Ida, nago enabolo te po magi baso obawe? Eno we bidi augwali tau sabo sogo te pedalobeo,” Jisasgo aga ida dali te po wai.

Dwagi Yai Gesi Po Jongo Asęani 7:9

Jisasgo agai tama po augwali dali wai, tama aga Galili bulude bidai.