Dwagi Yai Gesi Po Jongo Asęani 7:7 - Godigo dwagi yai po buku

⁷ “Tǫde we bidi augwaligo dage dali sębę elama, boi bidi me ebo menio. Tialima, augwaligo ena dali sębę elama, boi bidi mu ebo dao. Magi basowe? Eno augwaligo ebo dwai kolesaga bolo eno augwali dali po wabo dao.

Dwagi Yai Gesi Po Jongo Asęani 7:7 Referans Kwoze

Dwagi Yai Gesi Po Jongo Asęani 3:19

Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.

Galesia 4:16

Tiali goli dage megi magi yaliwe? Megi eno mu po dage dali obaso, tama dagego ‘Woo, megi Pol agai da dali boi bidi homu ebao,’ dagego te homu enade ebawe?

1 Jon 4:5

Te tibo po ola mabo bidi dabe augwali tǫde bidiyu, tama tǫde elalubo kolesaga naga augwaligo wali pabo dao. Tama augwaligo po te tǫde elalubo naide po wabo dao. Tama tibaso, tǫde bidigo augwaligo po odobo dao.

Jems 4:4

Dage te penani ebo we tiwai dao, te we aga bidi dali bidisiąyu, gasa bidi dali penani ebo tiwai dao. Niwai bidi agai e tǫde ebo kolesaga naga godolo eyu da, teda te bidi aga God dali boi bidi homu ebo dao. Te dagego konebewe? Tama tiyu, niwai bidi agai te tǫde kolesaga ebo bidi dabe dali abagi weyu, te bidigo aga digi te God dali boi bidi gagawai.

Dwagi Yai Gesi Po Jongo Asęani 17:14

Nago po eno augwalibolo mawai dao. Tama tǫde we bidigo augwali dali boi bidi gagawai dao. Ena da e tǫde bidi menio. Te tiwai augwali me e tǫde bidi menio. Tama tibaso, tǫde we bidigo augwali dali boi bidi gagawai dao.

Polgo Po Pas Rom Dabeba Asęani 8:7

Te bidigo homugo te dwai sę ilibo kolesaga wali pobaso da, te tebo bidigo God dali boi bidi ebo bidigo tibo dao. Magi baso meni, aga te Godigo bomai po dologode me bidibo menio. Mu tama, agai te bomai po wali pabo usu egobeo.

Te Israel me Juda Hani Sigo Tuni Bidigo Po Elalubo Buku Deli 21:20

Elaijago Genuai Bidigo po odama, aga te Ahap bidibo madiba pali. Tama Ahapgo te Elaija subo sogo, aga te tama po wali, “Eno boi bidi, nage enaba ma pedaluba, agawe?” Tama Elaijago te tama po wei ponani, “Awe, eno nage suagasali, magi baso meni, nago godolo ebo homu, me te homu kolesaga tigidali bomo elama, te Genuai Bidigo gedude dwai kolesaga nago ebo dao.

Jeremaia 20:8

Tigidali sogo eno nago po pusubaso, nago enabolo te genuai po dagą weyu, te tiwai i omainogo yaibao, “Hwįbo pedelaibao. Dage dolaibao.” Te bidi dabego te po odolama, te augwaligo ena hale ilibo dwai po sesemane sogo udubo dao.

Bugagia Bidibo Kolesagade Po Asęai Buku 8:36

Tiali goli, te ena sisąbo bidi dabe, augwa digi augwa dolaibao. Awe, te ena hagela homu mu ebo bidi dabe augwa isibo sogo godolo ebo dao,” wali.

Dwagi Yai Gesi Po Lukgo Asęani 6:26

Tama tigidali we bidigo dage kegenano baso da, nosali dwai bede bidaibao. Augwa nǫųgo me te tiwai po naga tibo po pusa mabo profet bidibolo tebo po udai dao,” Jisasgo te po wali.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Sekaraia 11:8

Tialima te ena dali sę ebo abagi selago enaba godolo homu isąbaso, tama eno augwali sela te polua deli tomode sela sąna silalio.

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.

Aisaia 29:21

Tama te deli tobage dene me te ili po olama, gasa bidi dabe po tų ela mabo bidi dabe me, dene saibao. Te gasa bidi dabe olo dali po tų ela mabo bidi dabe tiaibao. Te dwai sęgę elalubo bidi dabe tau sela menama, te sęgę meni yai bidi dabego po dolobo bidi dabe, te dedeli dene naga saibao. Te augwaligo po tų dolama, tama doloba pai bidi dabego te po tų dolama, tama doloba pai bidi dabego te po tų ugwa ela hologobeo.

Bugagia Bidibo Kolesagade Po Asęai Buku 15:12

Te hagoma ebo bidigo te gasa bidigo aga dodolainu ebo hagela homu yaibao, tama agai te wiegi yai homu elalubo bidiba hanalu, te agabolo te wiegi yai homu kolesaga momainu me egobeo.

Te Israel me Juda Hani Sigo Tuni Bidigo Po Elalubo Buku Deli 22:8

Tama Ahapgo agaba te tama po wai, “Te profet me deli bidibao, aga nogi Mikaia, te Imlago ogwa da. Tiali goli, eno te bidi godolo homu me isąwai, magi baso meni, agai te wiegi yai profet po enabolo me pususąbaso. Sesemane sogo agai te dwai sę naga enaba pedelabo po wabo dao,” wali. Tialima, Jehosafatgo te po agaba wali, “Nago te tobage po me olamuo.”

Godigo Nogi Ugwaba Sabo Tęąbi Po Wabo Buku Dabe 109:5

Eno wiegi yai kolesaga augwaliba yali, tiali goli, augwaligo dwai kolesaga enaba wei ponani. Eno augwali wei mu yali, tiali goli, augwaligo ena wei homu meni yai.

Pris Sę Ebo Bomai Po 13:10

“Te bidi te prisgo bugagia osa yao. Te keni tedela eyu, te tigi nisi tedela pedelama, tama te kenide keni bole pągąną pobaso da,