Dwagi Yai Gesi Po Jongo Asęani 7:29 - Godigo dwagi yai po buku

²⁹ Tiali digi eno da God aga koneai dao. Ena da aga dali bidai. Agai ena tagala palai, e tǫba. Tama tibaso, eno aga mu koneai dao,” Jisasgo te po wai, te Juda dabe dali.

Dwagi Yai Gesi Po Jongo Asęani 7:29 Referans Kwoze

Dwagi Yai Gesi Po Jongo Asęani 8:55

Tiali goli, dagego aga munu me konebeo. Eno da aga hania konebo dao. Eno God aga konebeo po wagi sogo da, teda ena te dage gilama, tibo po wabo bidi tiwai bidigi dao. Tialima, te menio. Eno aga koneai, tama eno agai po wali pabo dao,” Jisasgo te po wai.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Dwagi Yai Gesi Po Jongo Asęani 17:18

Tama polobadu nago ena tǫba tagala palama, tama ena augwali tǫde we bidi tomode bidai. Te tama tiwai eno e bidi dabe me tagala palama, augwali te tǫde we bidi tomode bidigi pali.

Dwagi Yai Gesi Po Jongo Asęani 6:46

Tiali goli, bidi me deligo Aya me gedugo subeo. Te bidi God dali bidilama, asali, te bidigo naga Aya gedugo suai dao.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

1 Jon 4:14

Tama Aya God aga Ogwa e tǫba tagala palama, tama agai da e tǫde we bidi tigidali ma dobola sabo bidi pedalomainogo yai. Dago te suai dao, tama dago te sę po gasa we bidi dabe augwalibolo pusubo dao.

1 Jon 4:9

God agai Ogwa deli digi mu, tama agai te Ogwa e tǫba tagala palai, tama agai da aga yali sęde te bidibo ula somainogo tiwai. Tebogo da ola mani, God agai da dali dwagi yai homu eyu, da godolo ebo dao.

1 Jon 1:2

Te gesi noma bidibo ula aga bulu ulaba hania pedalama, tama dago aga suai. Tama tibaso, dago agade po dagebolo pusuyu, tama te Ayade bidali bidada peyu, bidada pabo ula aga hania pedalama, tama dago sulama, tama dago dagebolo pusubao.

Dwagi Yai Gesi Po Jongo Asęani 13:3

Tama Jisasgo koneai, ‘God agai tigidali bomo enabolo mawai dao. God agai ena tǫba tagala palai, te ena God aga pageba ma paibao,’ te me aga koneai.