Dwagi Yai Gesi Po Jongo Asęani 7:28 - Godigo dwagi yai po buku

²⁸ Tama Jisas agai te Moni Lotu Be tempel tomode te we bidi agai po ola mobadi, agai i bomo elama weyu, te po wai, “Ao, dagego ena koneai dao, eno page bulu be dagego koneai dao. Tiali digi, ena homugo digi ena me asobeo. Ayago ena tagala palobaso, ena asai dao. Agai kolesaga te mu tama dao. Dagego aga me konebeo.

Dwagi Yai Gesi Po Jongo Asęani 7:28 Referans Kwoze

Dwagi Yai Gesi Po Jongo Asęani 8:42

Te bidi Jisasgo augwalibolo te po wai, “Te God aga dagego aya mu tigi sogo da, teda dagego ena dali godolo mu egi da. Magi basowe? Ena God dali bidilama asai dao. Ena homugo digi ena asobeo. Godigo ena tagala palobaso, asai dao.

Dwagi Yai Gesi Po Jongo Asęani 8:19

Tama tialima, augwaligo Jisasbolo te po wai, “Nago aya mena bidibowe?” Jisasgo te po wei ponoyu, te po wai, “Dagego ena page kuna konebeo. Tama dagego eno Aya me dagego konebeo. Dagego ena konegi sogo da, teda dagego eno Aya me konegi da,” Jisasgo te po wai.

Dwagi Yai Gesi Po Jongo Asęani 8:26

Eno dagede wabo po hauwa elalubao, dagego ebo kolesaga hauwa me eno osola sueibao. Tialima, ena tagala palali bidi te agai homu kolesaga te mu tama dao. Tama tigidali po eno Godide odobo po te po naga eno tǫde we bidibolo wabo dao,” Jisasgo te po wai.

Dwagi Yai Gesi Po Jongo Asęani 8:14

Tama Jisasgo augwalibolo po wei ponoyu, te po wai, “Woo, te mu tamao. Ena digi ena tobade te po wali goli, te po mu dao. Magi basowe? Dagego ena taga soyu asali bulu te dagego konebeo, ena mena buluba pabowe te me dagego konebeo. Tialima, ena hogodama, taga soyu asali bulu, te ena konealubo. Tama ena te buluba ma pabo te me eno konealubo. Tama tibaso, ena digi ena tobade te ena da tǫde we bidigo ula dao po wali goli, te mu po dao.

Jeremaia 9:6

Te we bidi nage augwali tomode bidibo bage, augwaligo te gasa bidi aiyaba elalubo sę bomo eyu, te tobage tibo po wabo kolesaga eyu ebao. Tama augwa te ena Genuai Bidiba homu kęą pabeo,” Genuai Bidigo digi te po wali.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Dwagi Yai Gesi Po Jongo Asęani 12:49

Magi basowe? Eno po ena digi homugo me wabeo. Te menio. Aya Godigo ena tagala palobaso, ena asai dao. Aga digi enabolo te po wai, ‘Nago te sę eyu, po weyu yao,’ te po wai.

Dwagi Yai Gesi Po Jongo Asęani 5:43

Ena asali te ena Aya Godigo bomo dali genuai nogi dali selasa asiyu, asai digi, tama dagego eno po sabeo. Tiali goli, bidi me deli aga nogi dali asiyu da, teda dagego te bidigo wabo po saibao.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

1 Jon 5:10

Tama te konealubo po Godigo Ogwa dali dąų weyu agaba tiąlubo bidi, te bidi agai te Godigo aga Ogwade pusali po aga homude elalubo dao. Te Godigo aga Ogwade wali po, te pode “Mu po dao” wasiąbo bidi, te bidi agai “God aga nogi ili po wabo bidi dao” wai dao. Magi baso meni. Te po, te Godigo aga Ogwade wali pode te bidigo “Te po mu po menio” homu eyu sela sąwai dao.

Hibru 6:18

Tama tibaso, te Godigo mu po dąų wabo me, te aga teba aga nogigo bomo manubo me, te sę si me hasegelegobeo. Te sę side Godigo tibo po munu me wagobeo. Tama tibaso, tebogo da te God pąba wi pelama geme duala sigi pali we bidi da homu bomo mayu, mu dąų ilimainogo yai. Tama tiyu, dago homugo te Godigo po dabolo weyu te dąų olama, te agai da dali nosali yabo dwagi yai sę dago tede dwagi yai homu eyu tama tonalubo dao.

Taitus 1:2

Tama te mu po page e dao: God agai tibo po munu me wabo meni, tama polobadu mu agai tigidali nai nigisiąbadi tama agai te sesemane sogo bidada pabo bidibo ula dabolo mawaibao te po agai olama tama dąų wali. Tama tibaso, megi dago te mu po odolama, tama dwagi yai homu eyu, te bidabo ula sabo sogo tonaluyu bidibo dao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

2 Korin 1:18

God da, te homu mu ebo bidi dao, tama aga da dali homu kęą pai bidi dao, tama agai dabolo te du walisiąbo po pusubo meni. Tama tialigo da, te dago dagebolo pusali po me te page si elaluali po meni. Polobadu eno dagebolo te ena dageba asaibao po wai. Tama homu mu naga eyu eno te po wai. Tiali goli eno gasa sę elalubaso, ena dageba ma asobo usube.

Polgo Po Pas Rom Dabeba Asęani 3:4

Mu menio. Tigidali we bidi augwaligo tibo po wabo bage bidibogo da, God agaduba deligo mu po sesemane sogo wabo dao. Polobadu te genuai bidi Devit agai dwai sę elama tama Godigo agade po tų dolo mu elama tama Devitgo te sogo asęani pogo te eno megi tama wali po tau sabo dao. Agai te we bidigo dwai sę ebogo Godigo po tų dolo mu naga ebo kolesaga hania waselebo po te bukude asęyu tama e po asęani, “Nago po wabo si, tigidali sogo te we bidi augwaligo koneaibao, nago po te dolo po naga dao. Tama augwaligo nage po tų ila mobaso da, teda nago po tų ebogo augwali aiyaba mu elaluaibao,” te po asęani.

Polgo Po Pas Rom Dabeba Asęani 1:28

Augwaligo te God augwa homude dąų ola sabo hagela homu yaligo da, teda Godigo augwali te augwa dwai kolesaga page tolalubo bidigo kolesaga wali pomainogo sula tagalalio. Tama tibaso, augwaligo te bidigo isąwai doloba pisąwai haniani kolesaga yai.

Godigo Sęba Tagala Palai Bidigo Po 17:23

Tama ena e be nani tomode bilibadi, eno te dagego umabo godibolo lotu wabo pesage dabe suali. Tama eno dagego te god me delibolo hasa dabe ula mabo pesage me deli sualio. Dagego te hasa dabe ula mabo pesage masigide te po asęani, ‘Te nai dago konesiąwai godigo nai dao.’ Tialima, dagego konesiąwai god, dagego te godibolo lotu po wabo da. Tiali goli, te god de dawe te dagego konebeo. Te god eno megi dagebolo e po pusa mabogo aga dagebolo waselaibao,” wali.

Dwagi Yai Gesi Po Jongo Asęani 17:25

Aya, nage doloba pai bidi mu dao. Tama tǫde we bidi augwaligo nage konebeo. Tiali goli, eno da nage koneai dao. Tama e bidi dabe augwaligo konebao, te nago ena tagala palama, ena asai dao.

Dwagi Yai Gesi Po Jongo Asęani 16:3

Tama augwaligo Aya konesiąyu, tama augwaligo ena me konesiąyu ebaso, te sę dage dali yaibao.

Dwagi Yai Gesi Po Jongo Asęani 14:31

Tialima, eno homugo tǫde we bidi augwaligo eno ena Aya godolo mu ebo, augwaligo sulama, konemainogo, tama eno Ayago wabo po gilama, eno te sę ebo dao. Tialima, dage hodaluama, da pebelainao,” Jisasgo aga wali pabo bidi dabe dali te po wai.

Dwagi Yai Gesi Po Jongo Asęani 14:10

“Ena eno Aya dali bidibo dao, te aga ena dali me bidibo dao. Filip, nago te po odama, te mu po dao homu ebo meniwe? Eno dagebolo wabo po, te ena homugo digi me wabo menio. Aya ena dali bidiyu, Aya agai sę mu te sę naga eno ebo dao.

Dwagi Yai Gesi Po Jongo Asęani 10:36

Tialima God aga digi ena sa muyu, e tǫba tagala palai. Tama eno te po wai dao, ‘Ena da Godigo Ogwa dao.’ Tama tilama, dagego enabolo magi baso ‘Nage Godigo nogi dwai posobo po wai dao,’ waliwe?

Dwagi Yai Gesi Po Jongo Asęani 8:16

Tialima, eno bidi me osola sugi sogo da, teda eno dolo mu naga te bidi osola sugi da. Magi basowe? Enaduba naga te sę ebo menio. Ena tagala palali bidi ena Ayago ena dali te sę ebo dao.

Dwagi Yai Gesi Po Jongo Asęani 5:32

Tialima, gasa bidi me bidibo. Tama eno Aya God agai ena tau sabo po te we bidibolo pusubo dao, augwaligo eno wabo po mu po dao konemainogo ebo dao. Tama eno koneai, agai te wali po enade wabo da, te po mu po wabo da.

Dwagi Yai Gesi Po Jongo Asęani 3:33

Tialima, niwai bidigo agai te po selama, dąų wali da, agai te po usu da waibao, God agai mu po naga wabo dao.

Dwagi Yai Gesi Po Jongo Asęani 3:2

Te bidi Jisas bidibo digi hulide aselama, te po wai, “Po ola mabo bidi, dago koneai, Godigo nage e tǫba po ola mabo bidi nigilama, tagala palai. Tibaso da, Godigo bidi me deli dali bidisiąyu da, agai te sę Jisas nago ebo bomai sę tiwai me egobeo,” te bidigo Jisas dali te po wai.

Dwagi Yai Gesi Po Jongo Asęani 1:46

Tama Nataniel agai te bo weyu, te po agabolo ola mani, “Teyu da, dwagi yai nai me deli te Nasaret bulude pedalaibawe?” Filipgo agabolo te po wali, “Nage aselama, suagasao.” Tama augwali si Jisas pageba pai.

Dwagi Yai Gesi Po Lukgo Asęani 10:22

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deli agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Dwagi Yai Gesi Po Lukgo Asęani 2:51

Tama aga ida de aya si dali Nasaretba aiyaba ma dulali. Tama tigidali sogo agai ida dali aya sigo po wali piduali. Tama aga idago tigidali po aga homuba munama, te dąų olaluali.

Dwagi Yai Gesi Po Lukgo Asęani 2:39

Te Josep dali Maria dali sigo Godigo bomo yai pode yao wali sę dabe ela silama, augwa te Galili tǫ pedai tomode elalubo bulu Nasaret be naniba ma pali,.

Dwagi Yai Gesi Po Lukgo Asęani 2:11

Megi pio hulide Devitgo hanude wai me tega pai dao, te agai dage ma dobola saibao, aga te we bidi tau somainu sa muani Genuai Bidi dao.

Dwagi Yai Gesi Po Lukgo Asęani 2:4

Tama te bidi Josep me aga bidali odogo bulu te Galili tǫ pedaide elaluali bulu Nasaret taga pelama, te aga wąį Devitgo te Judia tǫde nigali hanu nogi Betlehem hanuba holalio.

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Hosea 5:4

“Te Israel dabego te tibo godiba lotu weyu yali, tama te kolesagago augwaligo homu kolesaga dąų walama, tama augwaligo te Genuai Bidi wali me pabo meni, te usu egobeo. Tama augwa te yali dwai kolesagago te augwali paniama, tama augwali te augwa Godiba ma asabo usu isąwai dao.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Godigo Nogi Ugwaba Sabo Tęąbi Po Wabo Buku Dabe 9:10

God, te nageba asobo we bidi te nago augwali tudiba munu me mugobeo. Tama tibaso, te nage koneani bidi dabego da, te nageba konealubo homu dąų mu wabo dao.

1 Samuel 2:12

Hopni me Finias, te Eligo ogwa si, te bidi dwai si mu. Augwali si te pris bidai, tiali goli, augwali sigo te tiwai homu yai, Genuai Bidi te olo nai tobage tiwai da homu elama, tama augwali sigo subigila sę yali.

Dwagi Yai Gesi Po Jongo Asęani 7:14

Te Juda bagego olo bidibo si tomode mu Jisas te Moni Lotu Be tempel tomoba holama, te we bidi po ola mabo gagalali.

Matyu 26:55

Tama te sogo naga Jisasgo te aga sagasai bidi hanibolo te po wai, “Dagego ena sagasiyu, tama dagego te bobobage hwą ge me wąbi dabe tolasa asali, te dage te nai wi sabo bidi sainogo asobo tiwai yali. Magi baso te tiwai yaliwe? Tigidali sogo ena te Moni Lotu Be tempel tomode bidiyu, tama eno po te we bidi augwalibolo ola madu geai goli, te dagego te sogo tama dagego ena me nogo dąų me wabeo.

Dwagi Yai Gesi Po Jongo Asęani 6:42

Augwaligo te po wai, “E bidi da, te Josep aga ogwa dao. Dago aga aya ida dali koneai dao. Magi baso agai te po megi wabowe, ‘Ena dagalu tagalama, e tǫba duali dao,’ wabowe? Agai po usubeo,” augwaligo te po wai.

Dwagi Yai Gesi Po Jongo Asęani 9:29

Dago koneai, God agai po Mosesbolo mawai. Tialima, u bidi menade pedalaiwe, te dago konebeo,” augwaligo te po wai.